ଯାହା ଲାଗି ଧନ, ଦୌଲତ , ଐଶ୍ୱର୍ଯ୍ୟ ସବୁ ଛାଡିଲେ ସେ ପରୀକ୍ଷାରେ ଫେଲ । କ’ଣ କହିଲେ ରାଜକୁମାରୀ?
କନକ ବ୍ୟୁରୋ: ଜାପାନ ରାଜକୁମାରୀ ମାକୋ ନିକଟରେ ନିଜ ବିବାହକୁ ନେଇ ଖୁବ୍ ଚର୍ଚ୍ଚାରେ ରହିଆସୁଛନ୍ତି । ନିକଟ ଅତୀତରେ ରାଜ ପରିବାର ବିରୋଧରେ ଯାଇ ବୟଫ୍ରେଣ୍ଡ କେଇ କୋମୁରୋଙ୍କୁ ବିବାହ କରିଥିଲେ । ଏହି ବିବାହକୁ ନେଇ ଦୁହେଁ ମାକୋ ଓ କୋମୁରୋ ଚର୍ଚ୍ଚାରେ ଥିଲେ । ଏହା ଭିତରେ ଖବର ଆସିଛି ଯେ, ରାଜ କୁମାରୀ ମାକୋଙ୍କ ପି କୋମୁରୋ ନ୍ୟୁୟର୍କ ଷ୍ଟେଟ୍ ବାର୍ ପରୀକ୍ଷାରେ ବିଫଳ ହୋଇଛନ୍ତି । ଏହାକୁ ନେଇ ଏମିତି କିଛି କହିଛନ୍ତି ମାକୋ ।
Kanak News is now on WhatsApp
Join and get latest news updates delivered to you via WhatsApp
ଡେଲି ମେଲର ରିପୋର୍ଟ ମୁତାବକ, ରାଜକୁମାରୀ ମାକୋଙ୍କ ପତି କୋମୁରୋ ଚଳିତ ବର୍ଷ ଆରମ୍ଭରେ ନ୍ୟୁୟର୍କ ଷ୍ଟେଟ୍ ବାର ପରୀକ୍ଷା ଦେଇଥିଲେ । ଏହାର ଫଳାଫଳ ଶୁକ୍ରବାର ନ୍ୟୁୟର୍କ ଷ୍ଟେଟ୍ ବୋର୍ଡ ଅଫ୍ ଲ ଏକ୍ଜାମିନର୍ସ ୱେବସାଇଟରେ ଆସିଥିଲା । କିନ୍ତୁ ସଫଳ ତାଲିକାରେ କୋମୁରୋଙ୍କ ନାଁ ନାହିଁ । ଯଦିଓ ରେଜଲ୍ଟ ଜାଣିବା ପରେ ପଢା ଜାରି ରଖିବାକୁ କହିଛନ୍ତି କୋମୁରୋ । ପୁଣିଥରେ ଫେବୃଆରୀରେ ଏହି ପରୀକ୍ଷା ଦେବେ । ଏନେଇ ରାଜକୁମାରୀ ମଧ୍ୟ ବେଶ ସକାରାତ୍ମକ ମନୋଭାବ ପୋଷଣ କରିଛନ୍ତି । ପାରୁ ପର୍ଯ୍ୟନ୍ତ ସେ କୁମୋରୋଙ୍କୁ ପଢାରେ ସହଯୋଗ କରିବେ । ତାଙ୍କର ସଫଳତା ପାଇଁ ଯାହା ଆବଶ୍ୟକ ସେସବୁ ସେ କରିବାକୁ ପ୍ରସ୍ତୁତ ବୋଲି ମାକୋ କହିଛନ୍ତି ।
ସୂଚନା ମୁତାବକ, ୨୯ ବର୍ଷିୟା ମାକୋ ଜାପାନର ପୂର୍ବ ସମ୍ରାଟ ଅକିହିତୋଙ୍କର ନାତୁଣୀ । ୨୦୧୭ରେ ସେ କୋମୁରୋଙ୍କ ସହ ନିର୍ବନ୍ଧ କରିଥିଲେ । କୋମୁରୋ ଆମେରିକାରେ ଓକିଲାତି କରନ୍ତି । ହେଲେ କୋମୁରୋ ଏକ ସାମାନ୍ୟ ପରିବାରର ।ଏପରି ଜଣେ ସାଧାରଣ ପୁଅ ସହ ବିବାହ କରୁଥିବାରୁ ଅନେକ ବିରୋଧର ସାମନା କରିବାକୁ ପଡିବା ସହ ମାକୋଙ୍କୁ ନିଜ ସମସ୍ତ ରାଜକୀୟ ଅଧିକାରରୁ ବଂଚିତ ହେବାକୁ ପଡିଥିଲା ।