ସ୍ୱାଭିମାନ ଅଞ୍ଚଳର ଯନ୍ତାପାଇରେ ଲାଗୁ ହେଲା ୧୪୪ ଧାରା ! ଯୁବକଙ୍କ ମୃତ୍ୟୁକୁ ନେଇ ସପ୍ତାହେ ହେଲା ଜାରି ରହିଛି ଉତ୍ତେଜନା , ପରିସ୍ଥିତି ଉପରେ ଡିଭିଏଫ ଓ ଏସଓଜି ଯବାନଙ୍କ ନଜର
ଯନ୍ତାପାଇରେ ୧୪୪ ଧାରା ଜାରି ହେବା ସହ ହାଇଆଲର୍ଟରେ ଯବାନ ରହିଛନ୍ତି । ପରିସ୍ଥିତିକୁ ଦୃଷ୍ଟିରେ ରଖି ସାପ୍ତାହିକ ହାଟ ବନ୍ଦ କରିଛି ପ୍ରଶାସନ । ମାଇକ୍ ଯୋଗେ ପ୍ରଚାର କରିଛି ପୋଲିସ । ତେବେ ଏଭଳି ପରିସ୍ଥିତି ଜଣେ ବ୍ୟକ୍ତିଙ୍କ ମୃତ୍ୟୁକୁ ନେଇ ଉପୁଜିଛି । ଘଟଣାସ୍ଥଳରେ ଡିଭିଏଫ ଓ ଏସଓଜି ଯବାନ ମୁତୟନ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୩ ତାରିଖରେ ଯନ୍ତାପାଇ ଅଙ୍ଗନୱାଡି କେନ୍ଦ୍ରରୁ ଧୁଲିପୁଟ ପଂଚାୟତ କାଙ୍ଗିନିଗୁଡା ନିବାସୀ ରାଜୁ ହନ୍ତାଳଙ୍କ ମୃତଦେହ ଉଦ୍ଧାର ହୋଇଥିଲା । ଏହାକୁ ନେଇ ସ୍ଥାନୀୟ ଲୋକେ ତାତିଥିଲେ । ଲୋକ ଅଭିଯୋଗ କରିଛନ୍ତି, ରାଜୁଙ୍କୁ ହତ୍ୟା କରାଯାଇଛି । ଏପରିକି ପୋଲିସ ଉତ୍ୟକ୍ତ ଲୋକଙ୍କ ଆକ୍ରମଣର ଶିକାର ମଧ୍ୟ ହୋଇଛି ।