ରାଜ୍ୟବ୍ୟାପୀ ପାଳନ ହେଉଛି ଜନତା କର୍ଫ୍ୟୁ: କଟକରୁ କୋରାପୁଟ, ପୁରୀରୁ ମାଲକାନଗିରି ସବୁଠି ଜନତା କର୍ଫ୍ୟୁକୁ ମିଳିଛି ସମର୍ଥନ; ରାସ୍ତାଘାଟ ଶୂନଶାନ୍, ଚାରିଆଡେ ଅସମ୍ଭବ ପ୍ରକାରର ନିରବତା
କନକ ବ୍ୟୁରୋ: ସାରା ରାଜ୍ୟରେ ଅଭୁତପୂର୍ବ ଭାବେ ପାଳନ କରାଯାଉଛି ଜନତା କର୍ଫ୍ୟୁ । କଟକରୁ କୋରାପୁଟ, ପୁରୀରୁ ମାଲକାନଗିରି ସବୁଠି ଜନତା କର୍ଫ୍ୟୁକୁ ମିଳିଛି ସମର୍ଥନ । ଓଡିଶାବାସୀ ପ୍ରଧାନମନ୍ତ୍ରୀଙ୍କ ଆହ୍ୱାନକୁ ସମର୍ଥନ ଜଣାଇ ରାଜ୍ୟବ୍ୟାପି ଜନତା କର୍ଫ୍ୟୁ ପାଳନ କରୁଛନ୍ତି । ନିଜେ ନିଜକୁ ଘର ଭିତରେ ବନ୍ଦୀ କରିଛନ୍ତି । ଦୋକାନ ବଜାର, ସ୍କୁଲ କଲେଜ, ଗାଡି ମୋଟର ସବୁ ବନ୍ଦ ରହିଛି । ସକାଳ ୭ଟାରୁ ଏହି ଜନତା କର୍ଫ୍ୟୁ ଆରମ୍ଭ ହୋଇଛି । ରାତି ୯ଟା ଯାଏଁ ଚାଲିବ ।
Kanak News is now on WhatsApp
Join and get latest news updates delivered to you via WhatsApp
ତେବେ କରୋନା ମୁକାବିଲା ପାଇଁ ପ୍ରଧାନମନ୍ତ୍ରୀଙ୍କ ଜନତା କର୍ଫ୍ୟୁ ଆହ୍ୱାନକୁ ଓଡିଶାରେ ମଧ୍ୟ ଜୋରଦାର ସମର୍ଥନ କରିଛନ୍ତି ଜନସାଧାରଣ । ରାଜଧାନୀ ଭୁବନେଶ୍ୱରରେ ଲୋକେ ଜନତା କର୍ଫ୍ୟୁକୁ ପୂର୍ଣ୍ଣ ସମର୍ଥନ କରୁଥିବା ଦେଖିବାକୁ ମିଳିଛି । ଲୋକେ ଘରୁ ନବାହାରି ନଜେ ବନ୍ଦୀ ରହି କରୋନାକୁ କାବୁ କରିବାକୁ ଅଂଟା ଭିଡିଛନ୍ତି । ରାସ୍ତାଘାଟ ସମ୍ପୂର୍ଣ୍ଣ ଶୂନଶାନ ରହିଛି । ଗାଡି ମଟର ଯାତାୟତ ବନ୍ଦ ରହିଛି । ତେବେ ରାସ୍ତାରେ କିଛି ଲୋକ ବାଇକରେ ଯାଆସ କରୁଥିବା ଦେଖିବାକୁ ମିଳିଛି । ସେମାନଙ୍କୁ ପୋଲିସ ଅଟକାଇ ସରକାରଙ୍କ ଗାଇଡଲାଇନ ମାନି ସଚେତନ ରହିବାକୁ ବୁଝାଉଛନ୍ତି ।
ସେହିଭଳି ହାରିବ କରୋନା ଜିତିବ ଭାରତ । ସୁସ୍ଥ ରହିବେ ଭାରତ ବାସୀ । ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକ୍ରମେ ଆଜି ସକାଳ ୭ଟାରୁ ଆଠଗଡର ବିଭିନ୍ନ ଅଂଚଳରେ ଦୋକାନ ବଜାର ବନ୍ଦ ରହିଛି । ପ୍ରାୟ ସମସ୍ତ ଅଂଚଳରେ ଲୋକେ ନିଜକୁ ସାମିଲ କରି ବାହାରକୁ ନବାହାରି ଘରେ ରହିଛନ୍ତି । କିଛି ତେଜରାତି ଦୋକାନ ଓ ମାଛ, ମାଂସ ବିକ୍ରି କରୁଥିବା ଦୋକାନକୁ ଛାଡି ଦେଲେ ବାକି ସବୁ ବନ୍ଦ ରହିଛି । ସାଧାରଣ ଲୋକଙ୍କ ଭିଡ ଜମିଥିବାବେଳେ ବଜାର ଘାଟ ଖାଁ ଖାଁ ଲାଗୁଛି । ରାସ୍ତାଘାଟ, ଦୋକାନବଜାର, ବସଷ୍ଟାଣ୍ଡ ଓ ରେଳ ଷ୍ଟେସନଗୁଡିକରେ ଅସମ୍ଭବ ପ୍ରକାରର ନିରବତା ଦେଖିବାକୁ ମିଳିଛି । କାଁ ଭାଁ ଲୋକେ ଯାଆସ କରୁଛନ୍ତି ।
ଏପରିକି ପର୍ଯ୍ୟଟନ ସହର ପୁରୀରେ ମଧ୍ୟ ଜନତା କର୍ଫ୍ୟୁକୁ ଲୋକେ ପୂର୍ଣ୍ଣ ସମର୍ଥନ କରିଥିବା ଦେଖିବାକୁ ମିଳିଛି । ଯେଉଁଠି ରାତି ପାହିଲେ ହଜାର ହଜାର ଲୋକଙ୍କ ଗହଳି ଲାଗେ ସେହି ବଡଦାଣ୍ଡରେ ମୋଦିଙ୍କ ଜନତା କର୍ଫ୍ୟୁକୁ ଲୋକେ ସମର୍ଥନ ଜଣାଇ ଘରୁ ବାହାରି ନାହାଁନ୍ତି । କରୋନା ମୁକାବିଲା ପାଇଁ ଲୋକେ ସହଜରେ ଏହାକୁ ଗ୍ରହଣ କରିଥିବା ଦେଖିବାକୁ ମିଳିଛି । ଦୋକାନ ବଜାର ବନ୍ଦ ରହିବା ସହ ରାସ୍ତାଘାଟ ଶୂନଶାନ୍ ହୋଇପଡିଛି ।
କଟକରେ ଦେଖିବାକୁ ମିଳିଛି ଜନତା କର୍ଫ୍ୟୁର ପ୍ରଭାବ । ସବୁଦିନ ଚଳଚଂଚଳ ରହୁଥିବା କଟକ ବାଦାମବାଡି ବସଷ୍ଟାଣ୍ଡ ପୁରା ଶୂନଶାନ ରହିଛି । ସେହିପରି କେନ୍ଦ୍ରାପଡାରେ ଉଭୟ ଜନତା କର୍ଫ୍ୟୁ ଓ ରାଜ୍ୟ ସରକାରଙ୍କ ତାଲା ବନ୍ଦର ପ୍ରଭାବ ଦେଖିବାକୁ ମିଳିଛି । ଦୋକାନ ବଜାର ବନ୍ଦ ରହିଛି । କେହି ଘରୁ ପଦାକୁ ବାହାରୁ ନାହାଁନ୍ତି । ତେବେ ସରକାରଙ୍କ ଘୋଷଣା ଅନୁଯାୟୀ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିଛି । କରୋନା ମୁକାବିଲା ପାଇଁ ପ୍ରଧାନମନ୍ତ୍ରୀ ଦେଇଥିବା ଆହ୍ୱାନକୁ ସମର୍ଥନ କରିଛନ୍ତି ଜନତା ।
ମାଲକାନଗିରି ଜିଲ୍ଲାରେ ଯଦିଓ ଲକ ଡାଉନ ଘୋଷଣା ହୋଇ ନାହିଁ ତେବେ ପ୍ରଧାନ ମନ୍ତ୍ରୀଙ୍କ ଆହ୍ୱାନ କ୍ରମେ ଏଠାରେ ଜନତା କର୍ଫ୍ୟୁକୁ ସମର୍ଥନ ଜଣାଇଛନ୍ତି ଜିଲ୍ଲାବାସୀ । ନିଜ ନିଜ ଘରେ ରହି ଏହି ଜନତା କର୍ଫ୍ୟୁକୁ ସମର୍ଥନା ଜଣାଇଛନ୍ତି ଉପାନ୍ତ ଅଂଚଳରେ ଲୋକେ । ଜିଲ୍ଲାର ସମସ୍ତ ମୁଖ୍ୟ ରାସ୍ତା ଏବେ ଖାଁ ଖାଁ ରହିଛି । ଦୋକାନା ବଜାର, ବସ ଚଳାଚଳ ସବୁ ବନ୍ଦ ରହିଛି । ସେହିପରି ପ୍ରଧାନମନ୍ତ୍ରୀ ମୋଦିଙ୍କ ଆହ୍ୱାନ କ୍ରମେ ଆଜି ସାରା ଦେଶ ପାଳନ କରୁଛି ଜନତା କର୍ଫ୍ୟୁ । ମହାମାରୀ କରୋନାକୁ ମୁକାବିଲା କରିବା ପାଇଁ ଏହା ଏକ ବଡ ଆହ୍ୱାନ ବୋଲି ଗ୍ରହଣ କରି ଦେଶବାସୀ ଏହାକୁ ଗ୍ରହଣ କରିଛନ୍ତି । ସୁନ୍ଦରଗଡବାସୀ ମଧ୍ୟ ପ୍ରଧାନମନ୍ତ୍ରୀଙ୍କ ଏହି ଆହ୍ୱାନଙ୍କୁ ସମର୍ଥନ ଜଣାଇଛନ୍ତି । ସହରର ରାସ୍ତାଘାଟ ସବୁ ଶୂନଶାନ ରହିଛି । ଦୋକାନ ବଜାର ବନ୍ଦ ରହିଛି ।