ଜମ୍ମୁକଶ୍ମୀର ତ୍ରାଲରେ ଏନକାଉଣ୍ଟଟର । ସେନାର ଗୁଳିମାଡରେ ଟଳିଲେ ହିଜବୁଲ ମୁଜାହିଦିନର ୨ ଆତଙ୍କୀ
ଆଉ ଜଣେ ଲୁଚି ରହିଥିବା ସନ୍ଦେହ, ସର୍ଚ୍ଚ ଅପରେସନ ଜାରି
କନକ ବ୍ୟୁରୋ: ଜମ୍ମୁକଶ୍ମୀରର ତ୍ରାଲ ସେକ୍ଟରରେ ଏନକାଉଁଟର । ଆଜି ସକାଳୁ ସକାଳୁ ୨ଜଣ ହିଜବୁଲ ମୁଜାହିଦିନ୍ ଆତଙ୍କବାଦୀଙ୍କୁ ଏନକାଉଁଟର କରିଛି ସୁରକ୍ଷାବଳ । ଆତଙ୍କବାଦୀ ଲୁଚିଥିବା ଘରକୁ ଉଡାଇ ଦେଇଛି ସେନା । ଦୁଇ ଆତଙ୍କବାଦୀଙ୍କ ମୃତ ଦେହକୁ ଜବତ କରାଯାଇଛି । ସେମାନଙ୍କ ନିକଟରୁ ରାଇଫଲ ସମେତ ଗୁଳିଗୋଳା ଜବତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସନ୍ଧ୍ୟାରେ ତ୍ରାଲର ରେଶି ମୋହଲାରେ ୨ରୁ ୩ଆତଙ୍କବାଦୀ ଲୁଚି ରହିଥିବା ଜଣାପଡିଥିଲା । ତାପରେ ୪୨ ରାଷ୍ଟ୍ରିୟ ରାଇଫଲ , ୧୮୦ ବାଟାଲିୟନ, ସିଆରପିଏଫ ଓ ଏସଓଜିର ମିଳିତ ଟିମ୍ ସେହି ଅଂଚଳକୁ ଘେରାଉ କରି ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହା ପରେ ଆତଙ୍କବାଦୀମାନେ ସୁରକ୍ଷାବଳ ଉପରକୁ ଗୁଳିମାଡ ଆରମ୍ଭ କରିଦେଇଥିଲେ । ଏହାର ଜବାବ ଦେଇଥିଲା ସେନା ।