ଜମ୍ମୁ-କାଶ୍ମୀର : ପୁଲୱାମା ଏନକାଉଣ୍ଟରରେ ଲସ୍କର କମାଣ୍ଡର ସହ ୫ ଆତଙ୍କବାଦୀ ନିହତ । ସେନାର ଅପରେଶନ ଜାରୀ
କନକ ବ୍ୟୁରୋ : ଜମ୍ମୁ-କାଶ୍ମୀର ପୁଲୱାମା ଠାରେ ପୋଲିସ ଓ ଆତଙ୍କବାଦୀଙ୍କ ମଧ୍ୟରେ ଚାଲିଥିବା ଗୁଳି ବିନିମୟରେ ଲସ୍କର-ଏ-ତୋଏବାର ୩ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି । କାଶ୍ମୀର ପୋଲିସ ମହାନିର୍ଦ୍ଦେଶକ ବିଜୟ କୁମାର ଏନେଇ ସୂଚନା ଦେଇଛନ୍ତି । ବିଜୟ କୁମାରଙ୍କ ସୂଚନା ମୁତାବକ ଏହି ଗୁଳି ବିନିମୟରେ ସେନାର ଜଣେ ଯବାନ ସହିଦ ହୋଇଛନ୍ତି । ଏହାସହ ଲସ୍କର-ଏ-ତୋଏବାର ଜିଲ୍ଲା କମାଣ୍ଡର ନିଶାଜ ଲୋନେ ଓ ଏକ ପାକିସ୍ତାନୀ ଆତଙ୍କବାଦୀ ସହ ଏହି ଏନକାଉଣ୍ଟରରେ ମୋଟ ୫ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ବିଜୟ କୁମାର ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜଣେ ପୋଲିସ ଅଧିକାରୀଙ୍କ ସୂଚନା ମୁତାବକ ଆତଙ୍କବାଦୀମାନେ ପୁଲୱାମା ନିକଟରେ ଥିବା ଖବର ପାଇବା ପରେ ସେନା ପକ୍ଷରୁ ପୁଲୱାମା ଜିଲ୍ଲା ରାଜପୁରା ନିକଟ ହାଜିନ୍ ଗାଁକୁ ଘେରାବନ୍ଦୀ କରି ସର୍ଚ୍ଚ ଅପରେଶନ ଆରମ୍ଭ କରିଥିଲା । ଏହି ସମୟରେ ଆତଙ୍କବାଦୀମାନେ ସେନା ଉପରେ ଗୁଳି ଚଳାଇଥିଲେ । ଏଥିରେ ଜଣେ ଯବାନଙ୍କର ମୃତ୍ୟୁ ହୋଇଥିଲା । ଏହାପରେ ସେନା ପକ୍ଷରୁ ପାଲଟା ଆକ୍ରମଣ କରାଯାଇଥିଲା ।
District commander of proscribed terror outfit LeT Nishaz Lone & one Pakistani terrorist neutralised in the ongoing Pulwama encounter. A total of 5 terrorists were killed in the encounter: IGP Kashmir Vijay Kumar
— ANI (@ANI) July 2, 2021
କହିରଖୁ କି ଜମ୍ମୁ-କାଶ୍ମୀରକୁ ନେଇ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ବୈଠକ ପରେ ଜମ୍ମୁ-କାଶ୍ମୀରରେ ପୁଣି ଆତଙ୍କବାଦୀମାନେ ସକ୍ରିୟ ହୋଇଛନ୍ତି । ଜମ୍ମୁ ଏୟାରଫୋର୍ସ ଷ୍ଟେସନରେ ଡ୍ରୋନ ଆକ୍ରମଣ ପରେ ଆଜି ଇସଲାମାବାଦ ଠାରେ ଥିବା ଭାରତୀୟ ଦୂତାବାସ ଉପରେ ବି ଡ୍ରୋନ ଉଡୁଥିବା ନେଇ ସୂଚନା ମିଳିଛି ।