କନକ ବ୍ୟୁରୋ: ଜମ୍ମୁକାଶ୍ମୀର କଠୁଆ ଗଣଦୁଷ୍କର୍ମ ମାମଲାରେ ସୁପ୍ରିମକୋର୍ଟ ଅଭିଯୁକ୍ତ ଶୁଭମ ସାଙ୍ଗରା ଉପରେ ସାବାଳକ ଭାବେ କେସ ଚଳାଇବାକୁ ନିର୍ଦ୍ଦେଶ ଦେଇଛନ୍ତି । କୋର୍ଟ ନିମ୍ନ ଅଦାଲତ ଆଦେଶକୁ ରଦ୍ଦ କରିଦେଇଛନ୍ତି । ଏହି ରିପୋର୍ଟରେ ଅଭିଯୁକ୍ତକୁ ନାବାଳକ ଦର୍ଶାଯାଇଛି । ଜଷ୍ଟିସ ଜେବି ପାରଦିବାଲା କହିଛନ୍ତି କୌଣସି ଅଭିଯୁକ୍ତର ଯଦି ବୟସ ଜାଣିହେଉନାହିଁ ତେବେ ଏଭଳି ସ୍ଥିତିରେ ଡାକ୍ତରଙ୍କ ଉପଦେଶ ନେବା ଦରକାର । ଜଷ୍ଟିସ ଅଜୟ ରସ୍ତୋଗୀ ଏବଂ ଜଷ୍ଟିସ ପାରଦିବାଲାଙ୍କ ବେଞ୍ଚ ଜମ୍ମୁ-କାଶ୍ମୀର ପ୍ରଶାସନର ଅପିଲ ଉପରେ ଫଇସଲା ଶୁଣାଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜଷ୍ଟିସ ପାରଦିବାଲା ରାୟରେ କହିଛନ୍ତି, ମେଡିକାଲ ପ୍ରମାଣ ଉପରେ ଭରସା କରାଯାଇପାରବ ନା ନାହିଁ ଏହା ସାକ୍ଷୀର ମୂଲ୍ୟ ଉପରେ ନିର୍ଭର କରିଥାଏ । ଏହି ସ୍ଥିତିରେ ସିଜେଏମ କଠୁଆଙ୍କ ଦ୍ୱାରା ପାରିତ ଅଦୋଶକୁ ରଦ୍ଦ କରିଦିଆଯାଇଛି । ତେଣୁ ଅଭିଯୁକ୍ତକୁ ଅପରାଧ ସମୟରେ କିଶୋର ଭାବେ ଗ୍ରହଣ କରାଯିବ ନାହିଁ । ଅଭିଯୁକ୍ତର ଆୟସୀମା ନିର୍ଦ୍ଦାରିତ କରିବା ପାଇଁ କୌଣସି ଅନ୍ୟ ପ୍ରମାଣର ଅଭାବରେ ଚିକିତ୍ସା ସମ୍ବନ୍ଧୀୟ ରାୟ ଉପରେ ବିଚାର କରାଯାଇପାରିବ । ଏହା ସ୍ପଷ୍ଟ ଏବଂ ସତ୍ୟ । ଅଭିଯୁକ୍ତ ଉପରେ ସାବାଳକ ଭାବେ ମକଦ୍ଦମା ଚଳାଯାଇପାରିବ ।