ଭର୍ଚୁଆଲ୍ ମୋଡରେ ଲୋକାର୍ପିତ ହେଲା ପଞ୍ଜାବ ଅମୃତସରର ଜାଲିଆନାୱାଲା ବାଗ୍ କମ୍ପେ୍ଲକ୍ସ : ଲୋକାର୍ପିତ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
କନକ ବ୍ୟୁରୋ : ପଞ୍ଜାବ ଅମୃତସରରେ ଜାଲିଆନାୱାଲା ବାଗ୍ କମ୍ପେ୍ଲକ୍ସକୁ ଭର୍ଚୁଆଲ୍ ମୋଡରେ ଲୋକାର୍ପିତ କରିଛନ୍ତିି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି କଂପ୍ଲେକ୍ସର ନବୀକରଣ କରାଯାଇଛି । ସ୍ମାରକୀ ସ୍ଥଳକୁ ବିକଶିତ କରାଯିବା ସହ ନୂଆ ଗ୍ୟାଲେରୀ ମଧ୍ୟ କରାଯାଇଛି । ଜାଲିଆନାୱାଲା ବାଗ୍ ମେମୋରିଆଲ୍ ଟ୍ରଷ୍ଟର ଅଧ୍ୟକ୍ଷ ଅଛନ୍ତି ପ୍ରଧାନମନ୍ତ୍ରୀ । କେନ୍ଦ୍ର ସଂସ୍କୃତି ମନ୍ତ୍ରୀ ଜି କିଶନ ରେଡି, ପଂଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କ ସମେତ ଜାଲିଆନାୱାଲା ବାଗ ଗୁଳିକାଣ୍ଡରେ ସହିଦ ହୋଇଥିବା ପରିବାର ସଦସ୍ୟ ମଧ୍ୟ ଏହି ଲୋକର୍ପଣ ଉତ୍ସବରେ ସାମିଲ ହୋଇଥିଲେ । ସହିଦଙ୍କ ଉଦ୍ଦେଶ୍ୟରେ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏପ୍ରିଲ ୧୩ ତାରିଖ ୧୯୬୧ ମସିହାରେ ଏହି ସ୍ମାରକୀକୁ ତକ୍ରାଳୀନ ରାଷ୍ଟ୍ରପତି ରାଜେନ୍ଦ୍ର ପ୍ରସାଦ ପ୍ରଥମେ ଉନ୍ମୋଚନ କରିଥିଲେ । ୧୯୧୯ ମସିହା ଏପ୍ରିଲ ୧୩ ତାରିଖରେ ଜାଲିଆନାୱାଲା ବାଗ୍ ଗଣହତ୍ୟା ହୋଇଥିଲା । ବ୍ରିଟିଶ ସେନା ଅଧିକାରୀ ଜେନେରାଲ ଡାୟାରଙ୍କ ନିର୍ଦ୍ଦେଶରେ ହୋଇଥିଲା ଗୁଳିକାଣ୍ଡ । ବ୍ରିଟିଶ ସରକାରଙ୍କ ବିରୋଧରେ ପ୍ରତିବାଦ କରିବା ପାଇଁ ଏକାଠି ହୋଇଥିଲେ ଶହ ଶହ ସାଧାରଣ ଜନତା । ଡାୟାରଙ୍କ ନିର୍ଦ୍ଦେଶରେ ଭିଡ଼ ଉପରେ ହୋଇଥିଲା ଗଳିମାଡ଼ । ଏହି ଘଟଣା ଦେଶର ସ୍ୱାଧୀନତା ସଂଗ୍ରାମର ମୋଡ ବଦଳାଇ ଦେଇଥିଲା । ଏହାକୁ ମନେ ପକାଇବା ପାଇଁ ସ୍ମାରକୀ ସ୍ଥଳରେ ପ୍ରତିଦିନ ୨୮ ମିନିଟର ସାଉଣ୍ଡ-ଲାଇଟ୍ ସୋ’ ଜରିଆରେ ପୂରା ଘଟଣାକୁ ଦେଖାଯିବା ବ୍ୟବସ୍ଥା ହୋଇଛି । ଏହି ସ୍ଥାନକୁ ବୁଲି ଆସୁଥିବା ଲୋକେ କିପରି ନିରବରେ ବସି ରହି ସହିଦଙ୍କୁ ସମ୍ମାନ ଜଣାଇବେ, ସେଥିପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।