କନକ ବ୍ୟୁରୋ : ଦୁଷ୍କର୍ମ ହୋଇଛି । ଏହା ଶୁଣିଲା ବେଳକୁ ସ୍ୱାଭାବିକ ଭାବରେ ଆପଣଙ୍କ ମନରେ ଆସୁଥିବ ଯେ ଜଣେ ମହିଳାଙ୍କୁ ବା ଜଣେ ଝିଅଙ୍କୁ ଦୁଷ୍କର୍ମ କରାଯାଇଥିବ ଓ ଦୁଷ୍କର୍ମ କରିଥିବ ଜଣେ ପୁରୁଷ ବା ଅନେକ ଜଣ ପୁରୁଷ । ଦୁଷ୍କର୍ମ ଶବ୍ଦକୁ ମହିଳା ଓ ଦୁଷ୍କର୍ମ କରିଥିବା ଲୋକ ପୁରୁଷ ବୋଲି ସାଧାରଣରେ ଲୋକ ବୁଝନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ମୁଁ ଆଜି ଆପଣଙ୍କ ନିକଟରେ ଆଶ୍ଚର୍ଯ୍ୟ କଲାଭଳି ଏକ କାହାଣୀ ରଖିବି, ଯାହା କି ବିରଳ ବୋଲି ବି କୁହାଯାଇପାରେ । ଜଣେ ପୁରୁଷ ଦୁଷ୍କର୍ମର ଶିକାର ହୋଇଛନ୍ତି । ଗୋଟିଏ ନୁହେଁ କି ଦୁଇ ଜଣ ନୁହେଁ ୪-୪ ଜଣ ଝିଅଙ୍କ ଦ୍ୱାରା ଦୁଷ୍କର୍ମର ଶିକାର ହୋଇଛନ୍ତି । କେବଳ ଦୁଷ୍କର୍ମର ଶିକାର ହୋଇନାହାନ୍ତି, ପ୍ରଥମେ ଅପହୃତ ହୋଇଛନ୍ତି ପରେ ଦୁଷ୍କର୍ମର ଶିକାର ହୋଇଛନ୍ତି ।
ଘଟଣାଟି ପଞ୍ଜାବର ଜଲନ୍ଧର ସହରର । ପୁରୁଷ ଜଣଙ୍କ ଗୋଟିଏ ଚମଡା କାରଖାନାରେ କାମ କରନ୍ତି । କାମ ସାରି ସନ୍ଧ୍ୟା ସମୟରେ ଘରକୁ ଫେରୁଥିଲେ ଯୁବକ ଜଣଙ୍କ । ହଠାତ୍ ୨୪- ୨୫ ବର୍ଷର ଚାରି ଝଣ ଝିଅ ତାଙ୍କ ଗାଡିକୁ ଅଟକାଇଥିଲେ । କାଗଜରେ ଲେଖାଥିବା ଠିକଣା ଦେଖାଇ ତାଙ୍କୁ ଅଟକାଇଥିଲେ । ହଠାତ୍ ଆଖିରେ ରସାୟନିକ ପଦାର୍ଥ ସ୍ପ୍ରେ କରି ତାଙ୍କୁ ଟାଣି ନେଇ ଯାଇଥିଲେ । ଜଙ୍ଗଲ ଭିତରକୁ ନେଇ ତାଙ୍କୁ ବାନ୍ଧି ଦେଇଥିଲେ ।
୪ ଜଣ ଝିଅ ମଦ ପିଇବା ସହ ତାଙ୍କୁ ଜୋର ଜବରଦସ୍ତ ମଦ ପିଆଇଥିଲେ । ଆଉ ତା ପରେ ଅତି ଦୟନିୟ ଭାବରେ ଗୋଟିଏ ପରେ ଗୋଟିଏ ଝିଅ ତାଙ୍କୁ ଆସି ଦୁଷ୍କର୍ମ କଲେ । ରାତି ପ୍ରାୟ ୩ଟା ବେଳେ ରାସ୍ତାର ଗୋଟିଏ ପାର୍ଶ୍ୱରେ ଫୋପାଡି ଦେଇ ଚାଲିଗଲେ । ଯୁବକ ଜଣଙ୍କ ମତରେ ଏ ସମସ୍ତ ଝିଅ ସମ୍ଭ୍ରାନ୍ତ ଶ୍ରେଣୀର ଲାଗୁଥିଲେ । ସମସ୍ତେ ସମସ୍ତଙ୍କ ସାଙ୍ଗରେ ଇଂରାଜୀରେ କଥା ହେଉଥିଲେ । ଏପରି ଘଟଣା ପରେ ଜଳନ୍ଧରରେ ଥିବା ପୁରୁଷ କମିଶନ ନାରା ଦେଇଛନ୍ତି ପୁରୁଷ ବି ରାତିରେ ସୁରକ୍ଷିତ ନୁହଁନ୍ତି ।
ପୁରୁଷକୁ ଗଣଦୁଷ୍କର୍ମ !
• ଜଣେ ଯୁବକକୁ ୪ ମହିଳା ଅପହରଣ କରିବା ପରେ ଦୁଷ୍କର୍ମ ଅଭିଯୋଗ
• ଯୌନ ଉଦ୍ଦେଶ୍ୟ ରଖି ଚମଡା କାରଖାନାର ଶ୍ରମକଙ୍କୁ କରାଯାଇଥିଲା ଅପହରଣ
• କାମ ସାରି ଘରକୁ ଫେରୁଥିବା ବେଳେ ବିଚ ରାସ୍ତାରେ ସାମ୍ନାରେ ଅଟକିଥିଲା କାର
• କାରରୁ ଓହ୍ଲାଇ ପଡିଥିଲେ ୨୦ରୁ ୨୫ ବର୍ଷର ୪ ଜଣ ଯୁବତୀ
• ଏକ କାଗଜରେ ଲେଖାଥିବା ଠିକଣା ଦେଖାଇ ଜାଗାଟି କେଉଁଠି ପଚାରିଥିଲେ
• ଯୁବକ ଜଣଙ୍କ କାଗଜକୁ ଚାହିଁବା ମାତ୍ରେ ଆଖିକୁ ରାସାୟନିକ ସ୍ପ୍ରେ କରିଥିଲେ ଯୁବତୀ
• ଫଳରେ କିଛି ଦେଖିପାରିନଥିଲେ ଯୁବକ ଏବଂ ଅଚେତ ହୋଇଯାଇଥିଲେ
• ଚେତା ଆସିବା ପରେ କାର ଭିତରେ ହାତ ଗୋଡ ବନ୍ଧା ହୋଇଥିବା ଦେଖିଥିଲେ
• ଅପହରଣକାରୀ ଯୁବତୀ ମଦ ପିଇବା ସହିତ ଯୁବକକୁ ମଦ ପିଇବାକୁ ବାଧ୍ୟ କରିଥିଲେ
• ଏହାପରେ ଜଣଙ୍କ ପରେ ଜଣେ ଯୁବତୀ ଦୁଷ୍କର୍ମ କରିଥିବା ଅଭିଯୋଗ
• ରାତି ୩ଟାରେ ଯୁବକଙ୍କୁ ଦୁଷ୍କର୍ମ କରିବା ପରେ ଜଙ୍ଗଲରେ ଫିଙ୍ଗି ଦେଇଥିଲେ
• ଅପହରଣକାରୀ ଯୁବତୀ ମାନେ ଉଚ୍ଚ ଶିକ୍ଷିତା ଏବଂ ସମ୍ଭ୍ରାନ୍ତ ପରିବାରର