ଗାଡି ଡ୍ରାଇଭରଙ୍କଠୁ ବଟି ଆଦାୟକୁ ନେଇ ଅଡୁଆରେ ଯାଜପୁର ଟମକା ଥାନା ଏସଆଇ : ଗାଡି ଛାଡିବାକୁ ଟ୍ରକ ଡ୍ରାଇଭରଙ୍କଠାରୁ ୨ ହଜାର ଟଙ୍କା ଲାଂଚ ମାଗୁଥିବାର ଭିଡିଓ ଭାଇରାଲ
କନକ ବ୍ୟୁରୋ : ଗାଡି ଡ୍ରାଇଭରଙ୍କଠୁ ବଟି ଆଦାୟକୁ ନେଇ ଅଡୁଆରେ ଯାଜପୁର ଟମକା ଥାନା ଏସଆଇ । ଟ୍ରାଫିକ ନିୟନ୍ତ୍ରଣ ଓ କରୋନା କଟକଣା ଆଳରେ ଏସଆଇ ମହମ୍ମଦ ସୁରଜ ଟ୍ରକ ଡ୍ରାଇଭରଙ୍କଠାରୁ ୨ ହଜାର ବଟି ଆଦାୟର ଭିଡିଓ ଭାଇରାଲ ହୋଇଛି । ଯେଉଁଥିରେ ଏସଆଇ ଜଣକ କହିଛନ୍ତି, ୨ ହଜାର ଟଙ୍କା ନଦେଲେ ୧୦ ହଜାର ଟଙ୍କା ଜରିମାନା ଦେବାକୁ ପଡିବ । ହେଲେ ଟ୍ରକ ଡ୍ରାଇଭର ଜଣକ ତାଙ୍କ ମା ମରିଯାଇଥିବା ବେଳେ ସେ କିଛି ଖାଇନଥିବା କହିଥିବା ଭିଡିଓରେ ଶୁଣିବାକୁ ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ଏସଆଇ ଜଣକ ସାଦା ପୋଷାକରେ ଗାଡି ଭିତରେ ବସିଥିବା ବେଳେ ମା ମରିଗଲା ବୋଲି କଣ ହେଲା ବୋଲି କହୁଛନ୍ତି । ଗାଡି ନଛାଡିବାରୁ ଶେଷରେ ବାଧ୍ୟ ହୋଇ ଡ୍ରାଇଭର ଜଣକ କିଛି ଟଙ୍କା ଦେଉଥିବା ଭିଡିଓରେ ଦେଖିବାକୁ ମିଳିଛି ।ଏହି ଭିଡିଓଟି ଏବେ ଭାଇରାଲ ହେବାରେ ଲାଗିଛି ।