ବନ୍ୟାରେ ସବୁଠୁ ଅଧିକ କ୍ଷତିଗ୍ରସ୍ତ ହୋଇଛି ଯାଜପୁର ଜିଲ୍ଲା । ୨୦ରୁ ଅଧିକ ସ୍ଥାନରେ ସୃଷ୍ଟି ହୋଇଛି ଘାଇ

କନକ ବ୍ୟୁରୋ : ଚଳିତ ବନ୍ୟାରେ ସବୁଠୁ ଅଧିକ ପ୍ରଭାବିତ ହୋଇଛି ଯାଜପୁର ଜିଲ୍ଲା । ବ୍ରାହ୍ମଣୀ ଓ ବୈତରଣୀରେ ବନ୍ୟା ଆସି ଯାଜପୁର ବ୍ଲକ, ବରୀ ବ୍ଲକ, ଓ ବଡଚଣା ବ୍ଲକର ବହୁ ସଂଖ୍ୟାରେ ଗାଁକୁ ଜଳ ମୟ କରି ଦେଇଛି । ବିଭିନ୍ନ ସ୍ଥାନରେ ପ୍ରାୟ ୨୦ରୁ ଅଧିକ ଘାଇ ହେବା ଯୋଗୁଁ ଏହି ସବୁ ଗାଁ ଜଳମଗ୍ନ ହୋଇଯାଇଛି । ବିଶେଷ କରି ବରୀ ବ୍ଲକ ସବୁଠୁ ଅଧିକ ପ୍ରଭାବିତ ହୋଇଛି ।

ତେବେ ବ୍ରାହ୍ମଣୀ ଓ ବୈତରଣୀର ପାଣି କମିବା ପରେ ଏହି ସବୁ ଅଂଚଳରୁ ପାଣି ଧିରେ ଧିରେ କମିବାରେ ଲାଗିଛି । କିନ୍ତୁ ତଳିଆ ଅଂଚଳରେ ଏବେ ଅନେକ ସ୍ଥାନରେ ପାଣି ପସିଛି । ଲୋକମାନେ ଭୋକ ଉପାସରେ ପଡିରହିଛନ୍ତି ।