କନକ ବ୍ୟୁରୋ : ସାଉଥ ଅଭିନେତା ସୂର୍ଯ୍ୟା ଶିବକୁମାରଙ୍କ ‘ଜୟଭୀମ’ ସିନେମାକୁ ନେଇ ବିବାଦ ଥମିବାର ନାଁ ନେଉନି । ଏହି କ୍ରମରେ ଚେନ୍ନାଇ ଟି.ନଗରରେ ଥିବା ଅଭିନେତା ସୂର୍ଯ୍ୟା ଶିବକୁମାରଙ୍କ ଘର ବାହାରେ ସୁରକ୍ଷା ବ୍ୟବସ୍ଥା ବଢାଇଦିଆଯାଇଛି । ମୁଖ୍ୟତ ବାନିଅର ସମୁଦାୟ ଏହି ସିନେମାକୁ ନେଇ ବେସ୍ ନାରାଜ ରହିଛି । ବାନିଅର ସମୁଦାୟ ଅଭିଯୋଗ କରିଛି କି ଏହି ସିନେମା ମାଧ୍ୟମରେ ତାଙ୍କର ଛବିକୁ ମଳିନ କରାଯିବାକୁ ଚେଷ୍ଟା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ବାରମ୍ବାର ସୂର୍ଯ୍ୟା ଶିବକୁମାରଙ୍କୁ ଧମକ ମିଳିବା ପରେ ତାଙ୍କ ଘର ବାହାରେ ସୁରକ୍ଷା ବ୍ୟବସ୍ଥାକୁ କଡାକଡି କରିଛି ଚେନ୍ନାଇ ପୋଲିସ । ଏକ ଜାତୀୟ ଗଣମାଧ୍ୟମର ସୂଚନା ମୁତାବକ ପଟ୍ଟୁଲୀ, ମକ୍କଲ କାଚୀ ପାର୍ଟିର ମୟିଲାଡୁତୁରୈ ଜିଲ୍ଲା ସଂପାଦକ ପନ୍ନିରସେଲଭମ୍ ଘୋଷଣା କରିଥିଲେ କି ଯିଏ ଅଭିନେତା ସୂର୍ଯ୍ୟା ଶିବକୁମାରଙ୍କ ଉପରେ ଆକ୍ରମଣ କରିବ ତାଙ୍କୁ ୧ ଲକ୍ଷ ଟଙ୍କାର ପୁରସ୍କାର ଦିଆଯିବ । କେବଳ ସେତିକି ନୁହେଁ ପନ୍ନିର ସେଲଭମ୍ ପୋଲିସ ସହିତ ଯୋଗା ଯୋଗ କରି ଦାବି କରିଥିଲେ ଯେ ଅଭିନେତା ସୂର୍ଯ୍ୟାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ।
ଅନ୍ୟପଟେ ନଭେମ୍ବର ୧୪ ତାରିଖ ଦିନ ଏହି ଦଳର କର୍ମକର୍ତ୍ତାମାନେ ମୟିଲାଡୁତୁରୈ ସିନେମା ଘର ଉପରେ ଆକ୍ରମଣ କରିଥିଲେ ଓ ମ୍ୟାନେଜରଙ୍କୁ ଜବରଦସ୍ତ ସିନେମାର ସ୍କ୍ରିନିଂ ବନ୍ଦ କରିବାକୁ ଧମକ ଦେଇଥିଲେ । ଏହା ବ୍ୟତୀୟ ଏହି ସମୁଦାୟ ଜୟଭୀମ ସିନେମାର ପ୍ରଯୋଜକ ଓ ଅଭିନେତା ସୂର୍ଯ୍ୟାଙ୍କ ବିରୋଧରେ ଆଇନଗତ ନୋଟିସ ବି ପଠାଇଛନ୍ତି ।
ସିନେମାରେ ଅଭିନେତା ତାମିଜ ସବ ଇନସ୍ପେକ୍ଟର ଗୁରୁମୂର୍ତ୍ତିଙ୍କ ଭୂମିକା ନିର୍ବାହ କରିଛନ୍ତି । ସିନେମାର ଏକ ସିନରେ ଗୁରୁମୂର୍ତ୍ତି ମଦ୍ୟପାନ କରୁଛନ୍ତି ଓ ତାଙ୍କ ପଛପଟେ ଥିବା କାନ୍ଥରେ ସାଂପ୍ରଦାୟିକ ଚିହ୍ନ ଦେଖିବାକୁ ମିଳୁଛି । ଯାହାକୁ ନେଇ ବାନିଅର ସମୁଦାୟ ଅଭିଯୋଗ କରିଛି । ସମୁଦାୟ କହିଛି କି ଏହି ନାଗରିକ ଓ କ୍ରିମିନାଲ ଦୁଇଟିଯାକ ଅପରାଧିକ ଶ୍ରେଣୀ ଅର୍ନ୍ତଭୂକ୍ତ ।