ଜଗତସିଂହପୁରବାସୀ କାହାକୁ ବାଛିବେ ନିଜର ନେତା? କାହା ମୁଣ୍ଡରେ ବନ୍ଧା ହେବ ବିଜୟର ମୁକୁଟ?
ଶେଷ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ପାଇଁ ଜଗତସିଂହପୁର ମଧ୍ୟ ପ୍ରସ୍ତୁତ
କନକ ବ୍ୟୁରୋ : ଶେଷ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ପାଇଁ ଜଗତସିଂହପୁର ମଧ୍ୟ ପ୍ରସ୍ତୁତ । ଜିଲ୍ଲାରେ ତିନି ଦଳର ନେତା ଭୋଟରଙ୍କ ପାଖକୁ ଯିବା ସହ ଦଳକୁ ଜିତାଇବା ପାଇଁ ସବୁ ପ୍ରକାର ଉଦ୍ୟମ କରିଛନ୍ତି । ଚଳିତ ନିର୍ବାଚନରେ ବିଜେଡି ପକ୍ଷରୁ ରାଜଶ୍ରୀ ମଲିକଙ୍କୁ ଦଳ ପ୍ରାର୍ଥୀ କରିଛି । ପୂର୍ବରୁ ଥିବା ଲୋକସଭା ସାଂସଦଙ୍କୁ ପରିବର୍ତନ କରିଛି ବିଜେଡି । ତେବେ ବିଜେପି ପକ୍ଷରୁ ବିଭୁ ପ୍ରସାଦ ତରାଇ ପ୍ରାର୍ଥୀ ହୋଇଛନ୍ତି । କଂଗ୍ରେସ ଚଳିତଥର ପ୍ରତିମା ମଲିକଙ୍କୁ ପ୍ରାର୍ଥୀ କରିଛି ଏହି ଲୋକସଭା ନିର୍ବାଚନମଣ୍ଡଳିରେ । ଗୁରୁତ୍ୱପୂର୍ଣ୍ଣ କଥା ହେଲା ଯେ, ବିଜେଡିର ତୁଙ୍ଗ ନେତା ଚଳିତଥର ବିଜେଡି ଛାଡି ପଦ୍ମ ଶିବିରରେ ଯୋଗ ଦେଇଛନ୍ତି । ହେଲେ ଦଳ ତାଙ୍କ ପୁଅକୁ ପାରାଦୀପରେ ଟିକେଟ ଦେଇ କାଉଣ୍ଟର କରିବା ପାଇଁ ନିଜକୁ ପ୍ରସ୍ତୁତ କରିଛି । ସାରା ଜିଲ୍ଲାରେ ପ୍ରଚାରର ଲଢେଇ ଘମାଘୋଟ ହୋଇଥିଲା । ବିଭିନ୍ନ ଦଳର ତୁଙ୍ଗନେତାମାନେ ଦଳୀୟ ପ୍ରାର୍ଥୀଙ୍କୁ ବିଜୟୀ କରିବା ପାଇଁ ପ୍ରଚାରକୁ ଜୋରଦାର କରିଥିଲେ । ତେବେ ଆସନ୍ତା ୨୩ରେ ଜଣାପଡିବ ଯେ, ପ୍ରକୃତରେ କେଉଁ ନେତାଙ୍କ ଉପରେ ବିଶ୍ୱାସ କରିଛନ୍ତି ଜଗତସିଂହପୁର ଜିଲ୍ଲାର ଭୋଟର ।
Kanak News is now on WhatsApp
Join and get latest news updates delivered to you via WhatsApp
ଜଗତସିଂହପୁର ଲୋକସଭା ନିର୍ବାଚନ ମଣ୍ଡଳୀ
୨୦୧୪ର ଲଢେଇ
– ମୈଦାନରେ ଥିଲେ ମୋଟ ୭ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୧୪ ଲକ୍ଷ ୯୯ ହଜାର ୬୭୩
– ମତ ଦେଇଥିଲେ – ୧୧ ଲକ୍ଷ ୩୨ ହଜାର ୮୬୮
– ଭୋଟଦାନ ହାର – ୭୫.୫୪%
୨୦୧୪ର ଫଳାଫଳ
ପ୍ରାର୍ଥୀ ଦଳ ଭୋଟ ପ୍ରତିଶତ ଫଳାଫଳ
କୁଳମଣି ସାମଲ ବିଜେଡି ୬,୨୪,୪୯୨ % ବିଜୟୀ
ବିଭୁ ପ୍ରସାଦ ତରାଇ କଂଗ୍ରେସ ୩,୪୮,୦୯୮ % ପରାସ୍ତ
ବାଇଧର ମଲ୍ଲିକ ବିଜେପି ୧,୧୭,୪୪୮ % ପରାସ୍ତ
କିଏ ମାରିଥିଲା ବାଜି?
– ବିଜେଡ଼ିର କୁଳମଣି ସାମଲ ନିର୍ବାଚନ ଜିତିଥିଲେ
– ୬ ଲକ୍ଷ ୨୪ ହଜାର ୪୯୨ ଖଣ୍ଡ ଭୋଟ ପାଇଥିଲେ ବିଜେଡ଼ି ପ୍ରାର୍ଥୀ
– କଂଗ୍ରେସ ପ୍ରାର୍ଥୀ ବିଭୁ ପ୍ରସାଦ ତରାଇଙ୍କୁ ପରାସ୍ତ କରିଥିଲେ
– ୨ ଲକ୍ଷ ୭୬ ହଜାର ୯୮ ଭୋଟ ବ୍ୟବଧାନରେ ବିଜୟୀ ହୋଇଥିଲେ
– ୪ ଜଣ ପ୍ରାର୍ଥୀ ଅମାନତ୍ ହରାଇଥିଲେ
୨୦୧୯ର ଲଢେଇ
ବିଜେଡି: ରାଜଶ୍ରୀ ମଲ୍ଲିକ
କଂଗ୍ରେସ: ପ୍ରତିମା ମଲ୍ଲିକ
ବିଜେପି: ବିଭୁପ୍ରସାଦ ତରାଇ
୨୦୧୯–ବିଜେଡି: ରାଜଶ୍ରୀ ମଲ୍ଲିକ
– ୨୦୧୪ରେ ତିର୍ତୋଲରୁ ବିଧାୟିକା
– ଡାକ୍ତରରୁ ରାଜନୀତି
– ଜଗତସିଂହପୁରରେ ଲୋକପ୍ରିୟ ନେତ୍ରୀ
– ଦୃଢ ସଂଗଠନ ରହିଛି
୨୦୧୯– କଂଗ୍ରେସ: ପ୍ରତିମା ମଲ୍ଲିକ
– ପୂର୍ବତନ ମନ୍ତ୍ରୀ ଲକ୍ଷ୍ମଣ ମଲ୍ଲିକଙ୍କ ଝିଅ
– ରାଜ୍ୟ ମହିଳା କଂଗ୍ରେସ ସମ୍ପାଦିକା
– କଂଗ୍ରେସର ମହିଳା ଚେହେରା
– ପ୍ରଥମଥର ନିର୍ବାଚନ ଲଢୁଛନ୍ତି
୨୦୧୯–ବିଜେପି: ବିଭୁପ୍ରସାଦ ତରାଇ
– ୨୦୦୯ରେ ବିଧାୟକ ( ବିଜେଡି-ସିପିଏମ୍ ମେଂଟ )
– ୨୦୧୪ରେ ପରାଜିତ ( କଂଗ୍ରେସ ପ୍ରାର୍ଥୀ )
– କଂଗ୍ରେସରୁ ବିଜେପିରେ ସାମିଲ
ନିର୍ବାଚନ ମଣ୍ଡଳୀ ତଥ୍ୟ
– ଅନୁସୂଚିତ ଜାତି ବର୍ଗଙ୍କ ପାଇଁ ଆସନ ସଂରକ୍ଷିତ
– ଜଗତସିଂହପୁର, ନିଆଳି, ପାରାଦୀପ, ତିର୍ତୋଲ, ବାଲିକୁଦା, କାକଟପୁର ଏବଂ ନିମାପଡାକୁ ନେଇ ଜଗତସିଂହପୁର ଲୋକସଭା ନିର୍ବାଚନମଣ୍ଡଳୀ
– ନିଆଳି, ପାରାଦୀପ, ତିର୍ତୋଲ, ବାଲିକୁଦା, କାକଟପୁର ଏବଂ ନିମାପଡା ବିଜେଡି କବଜାରେ ରହିଛି ।
– କେବଳ ଜଗତସିଂହପୁର କଂଗ୍ରେସ ଦଖଲରେ ରହିଛି ।
– କଂଗ୍ରେସରୁ ରଞ୍ଜୀବ ବିଶ୍ୱାଳ ୨ଥର ସାଂସଦ