ଜମ୍ମୁରେ ଆୟୋଜିତ ହୋଇଥିଲା ଶ୍ରୀଜିଉଙ୍କ ଘୋଷଯାତ୍ରା ! ବିଦେଶୀ ଭକ୍ତଙ୍କ ସମେତ ଉତ୍ସବରେ ଯୋଗ ଦେଇଥିଲେ ହଜାର ହଜାର ଭକ୍ତ ।

ପୂର୍ବବର୍ଷ ଇଣ୍ଟରନ୍ୟାସନାଲ୍ ସୋସାଇଟି ଫର୍ କୃଷ୍ଣା କଶିୟସନେସ୍ (ଇସ୍କନ୍) ଦ୍ୱାରା ଜମ୍ମୁରେ ଜଗନ୍ନାଥ ରଥଯାତ୍ରାର ଆୟୋଜନ କରାଯାଇଥିଲା । ଏହି ରଥଯାତ୍ରାରେ ଜମ୍ମୁ ବ୍ୟତିତ ଅନ୍ୟ ରାଜ୍ୟର ଶ୍ରଦ୍ଧାଳୁ ମଧ୍ୟ ସାମିଲ ହୋଇଥିଲେ । ଅନେକ ବିଦେଶୀ ପର୍ଯ୍ୟଟକ ମଧ୍ୟ ଏହି ଉତ୍ସବରେ ଶ୍ରୀ ଜଗନ୍ନାଥଙ୍କ ଦର୍ଶନ ଅଭିଳାଷରେ ସାମିଲ ହୋଇଥିଲେ । ରାଧା-କୃଷ୍ଣଙ୍କ ଭଜନ ସହ ଦ୍ୱିପ୍ରହର ୧୨ ଟା ସମୟରେ ରଥଯାତ୍ରା ଆରମ୍ଭ ହୋଇଥିଲା ।

ଛାବନି ସ୍ଥିତ ରେଡକ୍ରସ୍ ଭବନରୁ ଆରମ୍ଭ ହୋଇଥିବା ରଥଯାତ୍ରା ପରେଡ୍ , ଶାଲାମାର,କନକ ମଣ୍ଡୀ ,ରାଜେନ୍ଦ୍ର ବଜାର ,ସହିଦି ଚୌକ,ରଘୁନାଥ ମନ୍ଦିର , ହରି ମାର୍କେଟ୍ , ଇନ୍ଦିରା ଚୌକ,ଗୁମ୍ମଟ,ବିନାୟକ ବଜାର,ଡୋଗରା ଚୌକ,ଜୟୁଲ୍ ,କେନାଲ୍ ରୋଡ୍ , ସରକାରୀ ଗେଷ୍ଟ ହାଉସ୍ , ତାଲାବ୍ ତିଲ୍ଲୋ ,ବୋହଡି ରୁ ଆରମ୍ଭ କରି କାଶ୍ମୀର ହିଲ୍ସ ରିଜାର୍ଟ ପାଟା ବୋହଡି ପହଂଚି ସମ୍ପର୍ଣ୍ଣ ହୋଇଥିଲା ।

ଆପଣଙ୍କୁ କହିରଖୁଛୁ ଗତ ୩ ବର୍ଷ ଧରି ଜମ୍ମୁର ଇସ୍କନ୍ ତରଫରୁ ଏହି ଯାତ୍ରା ବାହାର କରାଯାଉଛି । ରଥଯାତ୍ରାର ଗୋଟିଏ ଦିନ ପୂର୍ବରୁ ସିଟି ପାଲେସ୍ ରେ ମହା ଆରତୀ ଉତ୍ସବର ଆୟୋଜନ କରାଯାଏ ଏବଂ ଜମ୍ମୁ ଲୋଚନ ହଲ୍ ରେ ସଂକୀର୍ତ୍ତନ କରାଯାଏ ।