ଇଡି ଜାଲରେ ଜ୍ୟାକଲିନ ଫର୍ଣ୍ଣାଡିଜ : କନମ୍ୟାନ୍ ସୁକେଶ ଚନ୍ଦ୍ରଶେଖର ସହ କେମିତି ଗଢି ଉଠିଲା ସଂପର୍କ, ଇଡି ଚାର୍ଜସିଟରେ ଉଲ୍ଲେଖ
୫୨ ଲକ୍ଷର ଘୋଡା ଓ ୯ ଲକ୍ଷ ବିଲେଇ ଉପହାର ଦେଇଥିଲା ସୁକେଶ; ବିଦେଶ ଯିବା ବେଳେ ମୁମ୍ବାଇ ବିମାନ ବନ୍ଦରରେ ଅଟକ
କନକ ବ୍ୟୁରୋ : ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡିଜଙ୍କ ବିରୋଧରେ ଲୁକଆଉଟ ନୋଟିସ ଜାରି କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ୨ଶହ କୋଟି ଟଙ୍କାର ମନିଲଣ୍ଡରିଂ ମାମଲାରେ ଜ୍ୟାକଲିନଙ୍କ ନାଁରେ ଇଡି ଏହି ଲୁକଆଉଟ ନୋଟିସ ଜାରି କରିଥିବା ସୂଚନା ମିଳିଛି । ଯେଉଁଥିରେ ଠକ ସୁକେଶ ଚନ୍ଦ୍ରଶେଖର ମଧ୍ୟ ସାମିଲ ରହିଛି । ଦୁବାଇ ଯିବାକୁ ମୁମ୍ବାଇ ବିମାନ ବନ୍ଦର ପହଂଚିଥିବା ଜ୍ୟାକଲିନଙ୍କୁ ବିମାନ ବନ୍ଦରରେ ଅଟକ ରଖି ଫେରାଇ ଦେଇଥିଲେ କଷ୍ଟମ ଅଧିକାରୀ । ଯାଂଚ ଅଧିକାରୀ ଜ୍ୟାକଲିନଙ୍କୁ ବିଦେଶ ଯିବାକୁ ଛାଡି ନାହାନ୍ତି । ଆଗାମୀ ଦିନରେ ଇଡି ତାଙ୍କୁ ଜେରା ପାଇଁ ସମନ ପଠାଇବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
୨୦୦ କୋଟି ଟଙ୍କା ଠକେଇ ମାମଲାରେ ଗିରଫ ହୋଇ ତିହାର ଜେଲରେ ସୁକେଶ ଚନ୍ଦ୍ରଶେଖର ନାମକ ଜଣେ ବ୍ୟକ୍ତି ଅଛନ୍ତିି । ଏହି ମାମଲାରେ ଇଡି ଏକ ଚାର୍ଜଶିଟ୍ ଦାଖଲ କରିଛି । ଯେଉଁଥିରେ ଇଡି କହିଛି ସୁକେଶ ଏବଂ ଅନ୍ୟମାନେ ଜଣେ ବ୍ୟବସାୟୀଙ୍କ ପତ୍ନୀଙ୍କ ପାଖରୁ ୨୦୦ କୋଟି ଟଂକା ବଟି ଆଦାୟ କରିଛନ୍ତି । ଆଉ ସୁକେଶଙ୍କ ବ୍ୟାଙ୍କ ଆକାଉଂଟରୁ ଅନେକ ଉପହାର ଜ୍ୟାକଲିନଙ୍କ ଆକାଉଂଟକୁ ଯାଇଛି । ପାଖାପାଖି ୧୦ କୋଟି ଟଙ୍କାର ଉପହାର ଦେଇଥିବା ଜଣାପଡିଛି । ଏହାପରେ ମନି ଲଣ୍ଡରିଂ ମାମଲାରେ ଜ୍ୟାକଲିନଙ୍କୁ ହାଜର ହେବାକୁ ଇଡି ପକ୍ଷରୁ ସମନ ହୋଇଥିଲା । କିନ୍ତୁ ଜ୍ୟାକଲିନ୍ ହାଜର ହୋଇନଥିଲେ । ଏହାପରେ ଲୁକ୍ ଆଉଟ ନୋଟିସ ଜାରି କରିଛି ଇଡି ।
ତେବେ ଏହାରି ଭିତରେ ଜ୍ୟାକଲିନ ଫର୍ଣ୍ଣାଣ୍ଡିଜ୍ – ଅଭିନେତ୍ରୀ, ନୋରା ଫତେହି – ଆଇଟମ୍ ଡ୍ୟାନ୍ସର, ସୁକେଶ ଚନ୍ଦ୍ରଶେଖର – ଠକ ବ୍ୟବସାୟୀ, ଲିନା ମାରିଆ ପଲ – ସୁକେଶଙ୍କ ସ୍ତ୍ରୀ ଉଭୟ ଉଭୟଙ୍କ ମଧ୍ୟରେ ସମ୍ପର୍କକୁ ନେଇ ଚର୍ଚ୍ଚା ସାମନାକୁ ଆସିଛି ।
ସୁକେଶ ଚନ୍ଦ୍ରଶେଖରର କଳାକାରନାମା
ସୁକେଶ ଚନ୍ଦ୍ରଶେଖର, ଠକ ବ୍ୟବସାୟୀ : ଶିଭିନ୍ଦର ସିଂହ ଓ ମାଲଭିନ୍ଦର ସିଂହ, ରାନବାକ୍ସିର ପୂର୍ବତନ ପ୍ରମୋଟର
– ରାନବାକ୍ସିର ୨ ପୂର୍ବତନ ପ୍ରମୋଟର ସ୍ତ୍ରୀଙ୍କଠାରୁ ୨୦୦ କୋଟି ଟଙ୍କା ଠକିଥିଲା ସୁକେଶ
– ତା ବିରୋଧରେ ପ୍ରଥମେ ଏଫଆଇଆର କରିଥିଲା ଦିଲ୍ଲୀ ପୋଲିସର ଅର୍ଥନୈତିକ ଅପରାଧ ଶାଖା
– ଦିଲ୍ଲୀ ପୋଲିସର ଏଫଆଇଆର ଆଧାରରେ ତଦନ୍ତ ଆରମ୍ଭ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ
– ବେଆଇନ ଉପାୟରେ ରୋଜଗାର କରି କଳା ଟଙ୍କାକୁ ସ୍ତ୍ରୀଙ୍କ ଫାର୍ମ ଜରିଆରେ ଧଳା କରୁଥିଲା ସୁକେଶ
– ସୁକେଶ ଚନ୍ଦ୍ରଶେଖର ବିରୋଧରେ ୭ ହଜାର ପୃଷ୍ଠାର ଚାର୍ଜସିଟ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ
– ସୁକେଶଙ୍କ ସହ ସ୍ତ୍ରୀ ଓ ଅନ୍ୟ ୬ ଜଣଙ୍କ ନାଁ ପ୍ରବର୍ତ୍ତନ ନିର୍ଦ୍ଦେଶାଳୟର ଚାର୍ଜସିଟରେ ରହିଛି
– କୁହାଯାଉଛି ଏହି ଚାର୍ଜସିଟରେ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ ଓ ଆଇଟମ ଡ୍ୟାନ୍ସର ନୋରା ଫତେହିଙ୍କ ନାଁ ରହିଛି
– ବେଆଇନ ଉପାୟରେ ଟଙ୍କା ଆଦାୟ କରି ସୁନ୍ଦରୀ ଅଭିନେତ୍ରୀଙ୍କୁ ଦାମୀ ଉପହାର ଦେଉଥିଲା ସୁକେଶ
ଜ୍ୟାକଲିନ ଆଣ୍ଡ ସୁକେଶ
୫୨ ଲକ୍ଷର ଘୋଡା, ୯ ଲକ୍ଷର ବିଲେଇ
ଜ୍ୟାକଲିନ ଫର୍ଣ୍ଣାଣ୍ଡିଜ୍,ଅଭିନେତ୍ରୀ : ସୁକେଶ ଚନ୍ଦ୍ରଶେଖର, ଠକ ବ୍ୟବସାୟୀ
– ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କୁ ଦାମୀ ଉପହାର ଦେଉଥିଲା ଠକ ବ୍ୟବସାୟୀ ଚନ୍ଦ୍ରଶେଖର
– ଜ୍ୟାକଲିନଙ୍କୁ ୫୨ ଲକ୍ଷ ଟଙ୍କାର ଏକ ଘୋଡ଼ା ଉପହାର ଦେଇଥିବା ଇଡି ଚାର୍ଜସିଟରେ ଉଲ୍ଲେଖ
– ୯ ଲକ୍ଷ ଟଙ୍କାର ଏକ ପାର୍ସିି ବିଲେଇ ମଧ୍ୟ ଜ୍ୟାକଲିନଙ୍କୁ ଉପହାର ଦେଇଛି ଠକ ସୁକେଶ
– ପୂର୍ବରୁ ଏହି ଘଟଣାରେ ଜ୍ୟାକଲିନଙ୍କୁ ଡାରି ଜେରା କରିସାରିଛି ପ୍ରବର୍ତ୍ତନ ନିର୍ଦ୍ଦେଶାଳୟ
– ବିଦେଶ ଯାଉଥିବାବେଳେ ମୁମ୍ବାଇ ବିମାନବନ୍ଦରରେ ଜ୍ୟାକଲିନଙ୍କୁ ଅଟକାଇ ଦିଆଗଲା
– ଆର୍ଥିକ ହେରଫେର ମାମଲାରେ ଜେରା ପାଇଁ ହାଜର ହେବାକୁ ପଡିପାରେ ବୋଲି କହିଲା ଇଡି
ନୋରା ଆଣ୍ଡ ସୁକେଶ
ନୋରା ଫତେହି, ଆଇଟମ୍ ଡ୍ୟାନ୍ସର : ସୁକେଶ ଚନ୍ଦ୍ରଶେଖର, ଠକ ବ୍ୟବସାୟୀ
– ଆଇଟମ୍ ଡ୍ୟାନ୍ସର ନୋରା ଫତେହିଙ୍କ ରହିଛି ଠକ ବ୍ୟବସାୟୀ ସୁକେଶ ସହିତ ସଂପର୍କ
– ନୋରାଙ୍କୁ ସୁକେଶ ଏକ ଦାମୀ କାର ଉପହାର ଦେଇଥିବା ଇଡି ଚାର୍ଜସିଟରେ ଉଲ୍ଲେଖ
– ସୁକେଶଙ୍କ ସ୍ତ୍ରୀ ଲିନା ମାରିଆ ପଲ ଆୟୋଜନ କରିଥିବା ଉତ୍ସବରେ ଯୋଗ ଦେଇଥିଲେ ନୋରା
– ସେହି ଉତ୍ସବରେ ନୋରାଙ୍କୁ ଦାମୀ କାର ଉପହାର ଦିଆଯାଇଥିବା ଇଡିରେ ଅଭିଯୋଗ ରହିଛି
– ପୂର୍ବରୁ ଇଡିରେ ହାଜର ହୋଇ ସୁକେଶ ଚନ୍ଦ୍ରଶେଖରକୁ ଜାଣିନଥିବା କହିଥିଲେ ନୋରା
– ଆର୍ଥିକ ହେରଫେରରେ କୌଣସି ସଂପର୍କ ନାହିଁ ଓ ତଦନ୍ତରେ ସହଯୋଗ କରୁଥିବା କହିଥିଲେ