ଇସ୍ରୋର ମିଶନ ‘ଗଗନଯାନ’ । ମହାକାଶକୁ ଯିବେ ୪ ମହାକାଶଚାରୀ । ଘୋଷଣା ହେଲା ୪ଜଣ ମହାକାଶଚାରୀଙ୍କ ନାଁ ।
କନକ ବ୍ୟୁରୋ: ମହାକାଶ ଅନୁସନ୍ଧାନରେ ଆଉ ଏକ ମାଇଲଖୁଣ୍ଟ ଅତିକ୍ରମ କରିଛି ଇସ୍ରୋ । ଚନ୍ଦ୍ରଯାନର ସଫଳତା ପରେ ମିଶନ ଗଗନଯାନର ସଫଳତା ଉପରେ ଫୋକସ କରାଯାଉଛି । ଏହା ଭିତରେ ଯେଉଁ ୪ଜଣ ମହାକାଶଚାରୀ ମିଶନ ଗଗନଯାନରେ ମହାକାଶକୁ ଯିବେ । ଆଜି ସେମାନଙ୍କ ନାଁ ଘୋଷଣା କରାଯାଇଛି । ଗ୍ରୁପରେ ଅଛନ୍ତି ଗ୍ରୁପ କ୍ୟାପଟେନ୍ ପ୍ରଶାନ୍ତ ନାର, ଗ୍ରୁପ କ୍ୟାପଟେନ ଅଜିତ କ୍ରିଷ୍ଣା, ଗ୍ରୁପ କ୍ୟାପଟେନ ଅଙ୍ଗଦ ପ୍ରତାପ, ୱିଙ୍ଗ କମାଣ୍ଡର ଶୁଭ୍ରାଂଶୁ ଶୁକ୍ଲା । ଏମାନଙ୍କ ଗ୍ରୁପର ନାଁ ଆଷ୍ଟ୍ରୋନଟ ୱିଙ୍ଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ପାଇଲଟମାନଙ୍କ ନିକଟରେ
- ସମସ୍ତ ପ୍ରକାର ଯୁଦ୍ଧ ବିମାନ ଉଡ଼ାଇବାର ଅଭିଜ୍ଞତା ରହିଛି
- ୨୦୨୦ରେ ରୁଷରେ ସ୍ୱତନ୍ତ୍ର ତାଲିମ ନେଇଛନ୍ତି
- ପରେ ବେଙ୍ଗାଲୁରୁରେ ତାଲିମ ନେଉଛନ୍ତି
- ଗଗନଯାନ ମିଶନ ପାଇଁ ୧୦୦ଜଣଙ୍କ ମଧ୍ୟରୁ ୧୨ଜଣଙ୍କୁ ମନୋନୀତ କରାଯାଇଥିଲା
- ପ୍ରଥମ ଚରଣରେ ୧୨ଜଣଙ୍କ ମଧ୍ୟରୁ ୪ଜଣଙ୍କୁ ଚୟନ କରାଯାଇଛି
ସୂଚନା ଅନୁସାରେ ଚୟନ ହୋଇଥିବା ୪ଜଣ ମହାକାଶଚାରୀଙ୍କୁ ପ୍ରଥମ ପର୍ଯ୍ୟାୟରେ ମହାକାଶକୁ ପଠାଯିବ ନାହିଁ । ମହିଳା ରୋବଟ ବ୍ୟୋମମିତ୍ରକୁ ଗଗନଯାନରେ ମହାକାଶକୁ ପଠାଯିବ । ଯଦି ପରୀକ୍ଷଣ ସଫଳ ହୁଏ ତେବେ ୪ଜଣ ମହାକାଶଚାରୀଙ୍କୁ ଗଗନଯାନରେ ମହାକାଶକୁ ପଠାଯିବ । ୨୦୨୫ ସୁଦ୍ଧା ଗଗନଯାନରେ ମାନବ ପଠାଇବାକୁ ଲକ୍ଷ୍ୟ ରଖିଛି ଇସ୍ରୋ । କେରଳ ବିକ୍ରମ ସାରାଭାଇ ସ୍ପେଶ ସେଣ୍ଟରରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଇସ୍ରୋ ମୁଖ୍ୟ ଏସ ସୋମନାଥ ଯୋଗ ଦେଇଥିଲେ । ଏହି ଅବସରରେ ଚୟନ ହୋଇଥିବା ୪ଜଣ ପାଇଲଟଙ୍କୁ ଆଷ୍ଟ୍ରୋନଟ ୱିଙ୍ଗରେ ସମ୍ମାନିତ କରାଯାଇଛି ।