ସ୍ପଞ୍ଜ ବମ୍ : ଫେଣରେ ଭର୍ତ୍ତି ହେଇଯିବ ହମାସର ସୁଡ଼ଙ୍ଗ ସବୁ :  ଇସ୍ରାଏଲର ବ୍ରହ୍ମାସ୍ତ୍ର

ଇସ୍ରାଏଲ ବର୍ତ୍ତମାନ ଗାଜାରେ ହାମାସର ଟନେଲ ସବୁ  ବନ୍ଦ କରିବାକୁ ଏକ ନୂତନ ଧରଣର ଅସ୍ତ୍ର  ସ୍ପଞ୍ଜ ବୋମା ବ୍ୟବହାର କରିବାକୁ ଯାଉଛି। ଏଗୁଡ଼ିକ ହେଉଛି ଏପରି ବୋମା ଯାହା ବିସ୍ଫୋରଣ ହେଲେ ଏଥିରୁ ବହୁ ପରିମାଣର ରାସାୟନିକ ଫେଣ ବାହାରିଥାଏ ।  କିଛି ସମୟ ପରେ ଏହି ଫେଣ ସବୁ ପଥର ପରି କଠିନ ହୋଇଯାଏ । ଏହି ବୋମାକୁ ଏକ ବଡ ପ୍ଲାଷ୍ଟିକ୍ ବ୍ୟାଗରେ ରଖାଯାଏ । ଯାହା ମଝିରେ ଗ୍ରେନେଡର ପିନ ପରି ଏକ ବାଡି ଥାଏ ଯାହାକୁ ବାହାର କରିଦେଲା ମାତ୍ରେ ତାହା  ବିସ୍ପୋରଣ ଘଟେ ।

ଗାଜା ଷ୍ଟ୍ରିପରେ ଲୁଚିଥିବା ହାମାସ ଆତଙ୍କବାଦୀଙ୍କ ଟନେଲ ସବୁକୁ ବନ୍ଦ କରିବାକୁ ଇସ୍ରାଏଲ ଏକ ନୂତନ ଅସ୍ତ୍ର ଆବିଷ୍କାର କରିଛି । ଏହା ଏକ ସ୍ୱତନ୍ତ୍ର ବୋମା ।  ଏହାର କୌଣସି ବିସ୍ଫୋରଣ ଘଟାଏ ନାହିଁ ।  କିନ୍ତୁ ଏହା ବିସ୍ଫୋରଣ ହେଲାମାତ୍ରେ ଏଥିରୁ ବହୁ ପରିମାଣରେ ରାସାୟନିକ ଫେଣ ବାହାରିଥାଏ ।  ଯାହା ପରେ ପଥର ପରି କଠିନ ହୋଇଯାଏ । ଏହାର ଅର୍ଥ ହେଉଛି ଗାଜାରେ ଥିବା ଟନେଲରେ ଏହି ବୋମା ବିସ୍ଫୋରଣ କରି ସେଗୁଡିକୁ ସବୁ ବନ୍ଦ କରିଦେବା ।

ଇସ୍ରାଏଲ ଏହାର ଅଭିନବ ଅସ୍ତ୍ର ପାଇଁ ସାରା ବିଶ୍ୱରେ ପ୍ରସିଦ୍ଧ । ଏବେ ସେମାନେ ଏକ ନୂତନ ସ୍ପଞ୍ଜ ବୋମା ସାହାଯ୍ୟରେ ଗାଜା ଷ୍ଟ୍ରିପରେ ଥିବା ହାମାସ ଆତଙ୍କବାଦୀଙ୍କ ଟନେଲ ସବୁକୁ ବନ୍ଦ କରିବାକୁ ଯାଉଛନ୍ତି । ଇସ୍ରାଏଲ୍ ପ୍ରତିରକ୍ଷା ବାହିନୀ ପାଇଁ ସବୁଠାରୁ ବଡ ଆହ୍ବାନ ହେଉଛି ଏହି ଟନେଲଗୁଡ଼ିକୁ ବନ୍ଦ କରିବା କାରଣ ଏହାର ଫାଇଦା ଉଠାଇ ହାମାସ ଆତଙ୍କବାଦୀମାନେ ଖସି ପଳାନ୍ତି । ସେମାନେ ଏଠାରେ ଲୁଚିରହି ଗରିଲା ଯୁଦ୍ଧ କରନ୍ତି ।

ଏହି ଟନେଲ ମାନଙ୍କରେ ହାମାସ ନିଜର ଅସ୍ତ୍ରଶସ୍ତ୍ର ଲୁଚାଇ ରଖିଥାଏ । ଏବଂ ସେଠାରୁ ରକେଟ୍ ମାଡ଼ କରିଥାଏ । ରକେଟ୍ ଏବଂ ଅସ୍ତ୍ରଶସ୍ତ୍ରକୁ ଗଚ୍ଛିତ କରି ରଖିବା ପାଇଁ ଏହି ଟନେଲ ସବୁକୁ ବ୍ୟବହାର କରିଆସୁଛି । ଇସ୍ରାଏଲର ଗ୍ରାଉଣ୍ଡ ଆକ୍ରମଣ ସମୟରେ ବର୍ତ୍ତମାନ ସବୁଠାରୁ ବଡ କାର୍ଯ୍ୟ ହେଉଛି ଟନେଲଗୁଡ଼ିକୁ ବନ୍ଦ କରିବା । ବର୍ତ୍ତମାନ ସାଧାରଣ ମାଟି କିମ୍ବା କଂକ୍ରିଟ୍ ଦେଇ ଟନେଲ୍ ବନ୍ଦ କରିବା ମୂର୍ଖତାର କାମ ହେବ । ଏହା ସମୟ ଏବଂ ଅର୍ଥର ଅପଚୟ ହେବ । ସେଥିପାଇଁ ଇସ୍ରାଏଲ୍ ସ୍ପଞ୍ଜ ବୋମା ବ୍ୟବହାର କରିବାକୁ ଯାଉଛି ।

ପ୍ରଥମଥର ପାଇଁ ବ୍ୟବହାର ହେବାକୁ ଯାଉଛି ସ୍ପଞ୍ଜ ବମ

ସ୍ପଞ୍ଜ ବମ୍ ବୋଧହୁଏ ପ୍ରଥମ ଥର ପାଇଁ ବ୍ୟବହୃତ ହେବାକୁ ଯାଉଛି । ଏହା ଏକ ବିଶେଷ ପ୍ରକାରର ବୋମା, ଯାହା ବିସ୍ଫୋରଣ ପରେ ବିପୁଳ ପରିମାଣର ଫେଣ ଛାଡିଥାଏ । ଏହି ଫେଣ ଅଳ୍ପ ସମୟ ମଧ୍ୟରେ କଂକ୍ରିଟ୍ ପରି କଠିନ ହୋଇଯାଏ । ଏହାର ଅର୍ଥ ଯଦି ଏହି ବୋମାଗୁଡ଼ିକୁ ଯଦି ଟନେଲରେ ଭିତରେ ବିସ୍ପୋରଣ କରାଯାଏ ତେବେ ଟନେଲର ଦ୍ବାର ସମ୍ପୂର୍ଣ୍ଣ ବନ୍ଦ ହୋଇଯିବ । ଭିତରୁ କେହି ବି ବାହାରକୁ ଆସିବାକୁ ସମର୍ଥ ହେବେ ନାହିଁ ।  ବାହାରୁ କେହି ମଧ୍ୟ ଭିତରକୁ ଯାଇପାରିବେ ନାହିଁ । ଏହି କଂକ୍ରିଟ୍ ପରି ଟାଣ କେମିକାଲକୁ ଭାଙ୍ଗିବା ମଧ୍ୟ ସହଜ ନୁହେଁ ।

ଏହି ସ୍ପଞ୍ଜ ବୋମା କିପରି କାମ କରେ?

ସ୍ପଞ୍ଜ ବମ ଏହିପରି କ୍ରମରେ କ୍ରିୟାଶୀଳ ହୋଇଥାଏ

ଏହି ସ୍ପଞ୍ଜ ବୋମାକୁ  ଏକ ପ୍ଲାଷ୍ଟିକ ବ୍ୟାଗ ମଧ୍ୟରେ ରଖାଯାଇଥାଏ ।  ଯେଉଁଥିରେ ଦୁଇଟି ଭିନ୍ନ ଭିନ୍ନ  ରାସାୟନିକ ପଦାର୍ଥ ଥାଏ । ଏହି ରାସାୟନିକ ପଦାର୍ଥକୁ ଏକ ଧାତୁର ପ୍ଲେଟ କିମ୍ବା ବାଡ଼ିରେ ପୃଥକ ଭାବରେ କରାଯାଇଥାଏ ।  ଏହି ବାଡ଼ିଟି ହଟାଯିବା ମାତ୍ରେ ସେଥିରେ ଥିବା ଦୁଇ ରାସାୟନିକ ପଦାର୍ଥ ପରସ୍ପର ସହିତ ମିଶି ଏକ ରାସାୟନିକ ପ୍ରତିକ୍ରିୟା କରି ଫେଣ ପରି ତରଳ ଏମୁଲେସନ ସୃଷ୍ଟି କରନ୍ତି । ଯାହା ବାୟୁ ସଂସ୍ପର୍ଶରେ ଆସିବା ମାତ୍ରେ ଖୁବ ଶୀଘ୍ର ବିସ୍ତାର ହୋଇଥାଏ । ଏବଂ କଠିନ ହେବାରେ ଲାଗିଥାଏ । ଏହା ଏତେ ଦ୍ରୁତ ଗତିରେ ବ୍ୟାପିଥାଏ ଯେ ଏହାକୁ କଳ୍ପନା ମଧ୍ୟ କରାଯାଇପାରିବ ନାହିଁ । ଏହିପରି ଟନେଲଗୁଡିକ ଖୁବ ଶୀଘ୍ର ବନ୍ଦ ହୋଇପାରିବ । ବନ୍ଧକମାନଙ୍କୁ ଟନେଲ ମଧ୍ୟରେ ଲୁଚାଇ ରଖାଯାଇଛି

ହମାସ୍ ଆତଙ୍କବାଦୀମାନେ ବନ୍ଧକମାନଙ୍କୁ ଟନେଲରେ ଲୁଚାଇ ରଖିଛନ୍ତି । ଇସ୍ରାଏଲ୍ କମାଣ୍ଡୋମାନେ ଟନେଲରେ ପ୍ରବେଶ କରି ଗୋଟିଏ ପଟରୁ ଟନେଲରେ ଏହି ବୋମା ଫିଙ୍ଗିବା ଆରମ୍ଭ କରିବେ । ଯାହାଫଳରେ ଟନେଲଗୁଡିକ ବନ୍ଦ ହୋଇଯିବ ।  ଏହି ବୋମାରେ ଥିବା ରାସାୟନିକ ପଦାର୍ଥ ଅତ୍ୟନ୍ତ ପ୍ରତିକ୍ରିୟାଶୀଳ ଏବଂ ଜ୍ଵଳନଶୀଳ ଅଟେ ।  କଠିନ ହେବା ପରେ ତାହାକୁ ଭାଙ୍ଗିବା କିମ୍ବା ଫଟେଇବା ଏତେ  ସହଜ ନୁହେଁ । ଥରେ ଏହାକୁ ବିସ୍ଫୋରଣ କରି ଟନେଲ୍ ବନ୍ଦ କରିଦେଲେ ଏହାକୁ ଖୋଲିବା ବହୁତ କଷ୍ଟକର ହେବ ।

ଆମେରିକା ଏଭଳି ଗୁଳି ଆଗରୁ ବ୍ୟବହାର କରିଛି

୧୯୯୦ ଦଶକରେ ସୋମାଲିଆରେ ଦଙ୍ଗାକାରୀଙ୍କୁ ନିୟନ୍ତ୍ରଣ କରିବା ପାଇଁ ଆମେରିକାର ସୈନ୍ୟବାହିନୀ ଏହିପରି ଅଲଟ୍ରା-ଷ୍ଟିକି ଫୋମ୍ ବୁଲେଟ୍ ବ୍ୟବହାର କରିଥିଲେ । ଏହି ଗୁଳିଗୁଡ଼ିକରୁ ବାହାରୁଥିବା ଫେଣ ଦଙ୍ଗାକାରୀଙ୍କ ହାତ ଏବଂ ଗୋଡକୁ ବାନ୍ଧି ଦେଇଥାଏ ।  ଯେଉଁଥିପାଇଁ ସେମାନେ ଆହତ ନ ହୋଇ ସ୍ଥିର ହେଇ ପଡ଼ିରହୁଥିଲେ । ଏହା ପରେ ସେମାନଙ୍କୁ ଗିରଫ କରାଯାଉଥିଲା ।