ଋଷ –ୟୁକ୍ରେନ ଯୁଦ୍ଧ ଭିତରେ ଇସ୍ରାଏଲର ଆକ୍ରମଣ । ପଡୋଶୀ ଦେଶ ଉପରେ ଏୟାର ଷ୍ଟ୍ରାଇକ୍
କନକ ବ୍ୟୁରୋ: ଋଷ- ୟୁକ୍ରେନ ଯୁଦ୍ଧ ସରିନି, ଅନ୍ୟପଟେ ସିରିଆ ଉପରେ ଆକ୍ରମଣ କଲାଣି ଇସ୍ରାଏଲ । ଶୁକ୍ରବାର ଇସ୍ରାଏଲ ବିମାନ ସିରିଆ ସୀମାରେ ପଶି ସୈନ୍ୟ ଆଡ୍ଡା ଉପରେ ଏୟାର ଷ୍ଟ୍ରାଇକ୍ କରିଛି । ଏହାସହ ମିସାଇଲ ଦ୍ୱାରା କରାଯାଇଥିବା ଆକ୍ରମଣରେ ସିରିଆର ୫ ନାଗରିକଙ୍କର ମୃତ୍ୟୁ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସିରିଆର ସରକାରୀ ନ୍ୟୁଜ୍ ଏଜେନ୍ସି ‘ସନା’ର ଖବର ମୁତାବକ, ଇସ୍ରାଏଲର ବିମାନ ଶୁକ୍ରବାର ସିରିଆରେ ପଶି ଆକ୍ରମଣ କରିଛି । ଏହି ଏୟାର ଷ୍ଟ୍ରାଇକ୍ ରେ ଇସ୍ରାଏଲ ସିରିଆର ଅସ୍ତ୍ରଶସ୍ତ୍ର ଡିପୋକୁ ଟାର୍ଗେଟ କରିଥିଲା । ଇସ୍ରାଏଲ ଏୟାରଫୋର୍ସ ପ୍ରାୟ ୮ଟି ମିଶାଇଲ ଆଟାକ୍ କରିଥିଲା । ଏହି ଏୟାର ଷ୍ଟ୍ରାଇକରେ ୫ଜଣ ପ୍ରାଣ ହରାଇଥିବାବେଳେ ୭ଜଣ ଗୁରୁତର ଆହତ ହୋଇଛନ୍ତି ।
ଆକ୍ରମଣରେ ସିରିଆର ଅନେକ ସୈନ୍ୟ ଆଡ୍ଡା ନଷ୍ଟ ହୋଇଛି । ଏହାସହ ଫସଲ କ୍ଷେତ୍ରରେ ମଧ୍ୟ ନିଆଁ ଲାଗିଯାଇ ବ୍ୟାପକ ଫସଲ ନଷ୍ଟ ହୋଇଛି । ଏହି ଆକ୍ରମଣ ସମ୍ପର୍କରେ ଇସ୍ରାଏଲ ସେନା କୌଣସି ପ୍ରତିକ୍ରିୟା ଦେଇନଥିବାବେଳେ ସିରିଆ ସରକାର କହିଛି ଯେ, ଏୟାର ଷ୍ଟ୍ରାଇକ୍ ସମୟରେ ଅନେକ ମିସାଇଲକୁ ଏୟାର ଡିଫେନ୍ସ ସିଷ୍ଟମରେ ଧ୍ୱଂସ କରାଯାଇଛି ।
ସୂଚନା ମୁତାବକ, ସିରିଆରେ ଇରାନ ସମର୍ଥିତ ମିଲିସିଆମାନେ ନିଜର ଆଡ୍ଡା କରିଛନ୍ତି । ଏମାନଙ୍କୁ ସିରିଆରୁ ଆର୍ଥିକ ଓ ଅସ୍ତ୍ରଶସ୍ତ୍ର ସହାୟତା ଯୋଗାଉଛି । ଯାହା ବଳରେ ସେମାନେ ଇସ୍ରାଏଲ ଉପରେ ଆକ୍ରମଣ କରିବାକୁ ଯୋଜନା କରୁଛନ୍ତି ବୋଲି ଇସ୍ରାଏଲ ଅ୍ରଭିଯୋଗ କରିଆସୁଛି ।