କନକ ବ୍ୟୁରୋ : ଗାଜା ସହର ଉପରେ ଇସ୍ରାଏଲର ପ୍ରବଳ ବୋମାମାଡ଼ ଜାରି ରହିଛି । ଏହା ଫଳରେ ଗାଜା ସହରର ବ୍ୟାପକ କ୍ଷତି ହେବା ସହ ମୃତ୍ୟୁ ସଂଖ୍ୟା ବୃଦ୍ଧି ପାଇଛି । ଆଜି ଇସ୍ରାଏଲର ବୋମାମାଡ଼ ଫଳରେ ଗାଜାରେ ରହୁଥିବା ଏକ ପାଲେଷ୍ଟାନୀୟ ପରିବାରର ସମସ୍ତ ସଦସ୍ୟ ପ୍ରାଣ ହରାଇଛନ୍ତି । ଗୋଟିଏ ଘରେ ଏହି ପରିବାରର ସମସ୍ତ ୬ ଜଣ ସଦସ୍ୟ ରହୁଥିବାବେଳେ ଇସ୍ରାଏଲ ବିମାନ ଆକ୍ରମଣରେ ସମସ୍ତେ ପ୍ରାଣ ହରାଇଛନ୍ତି । ପରିସ୍ଥିତି ଦିନକୁ ଦିନ ଅଧିକ ଖରାପ ହେଉଥିବାରୁ ପାଲେଷ୍ଟାଇନ ଲୋକମାନେ ପଳାୟନ ଜାରି ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗାଜା ସହର ଉପରେ ହମାସର ନିୟନ୍ତ୍ରଣ ଥିବାବେଳେ ଇସ୍ରାଏଲ ପ୍ରବଳ ଆକ୍ରମଣ କରି ହମାସର ଆଡ୍ଡାଗୁଡ଼ିକୁ ଧ୍ବଂସ କରିଦେଇଛି । ସେହିପରି ହମାସ ପକ୍ଷରୁ ଇସ୍ରାଏଲର ରାଜଧାନୀ ଜେରୁଜେଲମ, ତେଲ ଅଭିଭ ଉପରେ ପ୍ରାୟ ୧୫୦୦ରୁ ଅଧିକ ରକେଟ ମାଡ଼ କରାଯ଼ାଇଛି । ତେବେ ଏସବୁ ରକେଟ ମଧ୍ୟରୁ ଅଧିକାଂଶ ରକେଟକୁ ଇସ୍ରାଏଲର ବାୟୁ ସୁରକ୍ଷାପ୍ରଣାଳୀ ଆଇରନ ଡୋମ ନଷ୍ଟ କରିଦେଇଛି । ଅନ୍ୟପକ୍ଷରେ ହମାସର ରକେଟ ମାଡ଼ ଜବାବରେ ଇସ୍ରାଏଲ ପକ୍ଷରୁ ପ୍ରାୟ ୬୦୦ ଥର ବିମାନ ଆକ୍ରମଣ କରାଯ଼ାଇଛି ।