କନକ ବ୍ୟୁରୋ: ପାକିସ୍ତାନକୁ ଘାରିଛି ତାଲିବାନ୍ ପ୍ରେମ । ତାଲିବାନ ସପକ୍ଷରେ ସମର୍ଥନ ଯୋଗାଡ ଅଭିଯାନରେ ଆଇଏସଆଇ ମୁଖ୍ୟ ଫୈଜ୍ ହମିଦ । ତାଲିବାନ ପାଇଁ ସମର୍ଥନ ବଢାଇବାକୁ ବିଭିନ୍ନ ଦେଶର ଗୁଇନ୍ଦା ମୁଖ୍ୟଙ୍କୁ ଭେଟି ଆଲୋଚନା କରିଛନ୍ତି । ପାକିସ୍ତାନ ଗୁଇନ୍ଦା ବିଭାଗ ଆଇଏସଆଇର ମୁଖ୍ୟ ଫୈଜ ହମିଦ ଶନିବାର ଋଷ, ଚୀନ , ଇରାନ ଓ ତାଜିକିସ୍ତାନର ,ଉଜବେକିସ୍ତାନ ଓ ତୁର୍କମେନିସ୍ତାନର ଗୁଇନ୍ଦା ମୁଖ୍ୟଙ୍କୁ ଭେଟିଛନ୍ତି । ଆଫଗାନିସ୍ତାନରେ ତାଲିବାନ ସରକାର କିପରି ସ୍ୱାଭାବିକ ହୋଇପାରିବ ଓ ଭବିଷ୍ୟତରେ ଅନ୍ୟ ଦେଶ ମାନଙ୍କ ସହ ସୁସମ୍ପର୍କ ସ୍ଥାପନ କରି ଶାସନକୁ ଦୃଢ କରିପାରିବ ସେ ନେଇ ଆଲୋଚନା କରିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଆଫଗାନିସ୍ତାନରେ କାମଚଳା ତାଲିବାନ ସରକାର ଗଠନ ପରେ ବିଶ୍ୱର ଅନେକ ଦେଶର ବୈଦଶିକ ନୀତିରେ ପରିବର୍ତ୍ତନ ଲକ୍ଷ୍ୟ କରାଯାଉଛି । ଏହି କ୍ରମରେ ଫୈଜ ହମିଦ ଶନିବାର ଋଷ, ଚୀନ, ଇରାନ ଓ ତାଜିକିସ୍ତାନର ଗୁଇନ୍ଦା ମୁଖ୍ୟଙ୍କୁ ଭେଟି ପରିବର୍ତ୍ତିତ ବିଶ୍ୱ ବ୍ୟବସ୍ଥା ବିଷୟରେ ଆଲୋଚନା କରିଛନ୍ତି । ନବଗଠିତ କାଲିବାନ ସରକାରରେ କେଉଁ ସଙ୍ଗଠନ ଓ ଦେଶ ଗୁଡିକର ଭୂମିକା ରହିଛି । ତାହା ମଧ୍ୟ ଆଲୋଚନା କରିଛନ୍ତି । ଆଫଗାନିସ୍ତାନକୁ ଏକୁଟିଆ କରିବା ଉଚିତ ନୁହେଁ ଉପସ୍ଥିତି ଗୁଇନ୍ଦା ମୁଖ୍ୟ ମତ ଦେଇ ମୌଖିକ ସମର୍ଥନ କରିଥିବା ପାକିସ୍ତାନର ଏକ ଗଣମାଧ୍ୟମରେ ପ୍ରକାଶ ପାଇଛି । ପାକିସ୍ତାନ ଓ ଚୀନ ଖୋଲାଖୋଲି ତାଲିବାନ ସରକାରକୁ ସମର୍ଥନ କରୁଛନ୍ତି । ଏହା ପୂର୍ବରୁ ବି ତାଲିବାନ ସରକାର ଗଠନ କରିବା ନେଇ ହମିଦ୍ କାବୁଲ ଗସ୍ତ କରି ସେଠାରେ କିଛି ଦିନ ରହିଥିଲେ ।
ସୂଚନା ମୁତାବକ, ତାଲିବାନ୍ କ୍ଷମତାକୁ ଆସିବା ପରେ ଆଫଗାନିସ୍ତାନର ଅର୍ଥନୀତିକୁ ପାକିସ୍ତାନ ନିୟନ୍ତରଣ କରିବାକୁ ଚାହୁଁଥିବା କୁହାଯାଉଛି । ଗୁରୁବାର ଆଫଗାନିସ୍ତାନ ପାଇଁ ପାକିସ୍ତାନ ଅର୍ଥନୈତିକ ଯୋଜନା ମଧ୍ୟ ଘୋଷଣା କରିଛି । ତାଲିବାନ ସହ ପାକିସ୍ତାନୀ ଟଙ୍କାରେ ଦ୍ୱିପାକ୍ଷିକ ବାଣିଜ୍ୟ କରିବାକୁ ପାକିସ୍ତାନ ନିଷ୍ପତ୍ତି ନେଇଛି । ଅନ୍ୟପଟେ ତାଲିବାନକୁ ସମର୍ଥନ ଦେଇ ଚୀନ ମଧ୍ୟ ନିଜ ସ୍ୱାର୍ଥ ହାସଲ କରିବାକୁ ଚାହୁଁଛି । ଆଫଗାନିସ୍ତାନର ଖଣି ଗୁଡିକ ଉପରେ ଚୀନର ଆଖି ଥିବା ଅନେକ ଗଣମାଧ୍ୟମରେ ଚର୍ଚ୍ଚା ହୋଇଥିଲା ।