ଚଳିତ ନିଲାମୀରେ ରେକର୍ଡ କଲେ ଇଶାନ କିଷାନ୍ । ୧୫ କୋଟି ୨୫ ଲକ୍ଷ ଟଙ୍କାରେ କିଣିଲା ମୁମ୍ବାଇ ଇଣ୍ଡିଆନ୍ସ ।

କନକ ବ୍ୟୁରୋ : ଆଇପିଏଲ ଖେଳାଳୀ ନିଲାମୀରେ ରେକର୍ଡ କଲେ ଇଶାନ କିଷାନ୍ । ଇଶାନଙ୍କୁ ୧୫ କୋଟି ୨୫ ଲକ୍ଷ ଟଙ୍କାରେ କିଣିଛି ମୁମ୍ବାଇ ଇଣ୍ଡିଆନ୍ସ । ଆଶାନୁଯାୟୀ, ଇଶାନ କିଷାନଙ୍କ ପାଇଁ ଅକ୍ସନରେ ଜବରଦସ୍ତ ରେସ୍ ଦେଖିବାକୁ ମିଳିଛି । ଇଶାନ କିଷାନଙ୍କ ବେସ୍ ପ୍ରାଇସ୍ ୨ କୋଟି ଟଙ୍କା ଥିବା ବେଳେ ମୁମ୍ବାଇ ଇଣ୍ଡିଆନ୍ସ ତାଙ୍କୁ ୧୫କୋଟି ୨୫ ଲକ୍ଷ ଟଙ୍କାରେ କିଣି ନିଜ ଦଳରେ ସାମିଲ କରିଛି । ପୂର୍ବରୁ ମଧ୍ୟ ମୁମ୍ବାଇ ଇଣ୍ଡିଆନ୍ସ ଟିମ୍ ପକ୍ଷରୁ ଖେଳୁଥିଲେ ଇଶାନ୍ ।

ତେବେ ମୁମ୍ବାଇ ନିଜ ଅଧିନାୟକ ରୋହିତ ଶର୍ମାଙ୍କ ସମେତ, ଜସପ୍ରିତ୍ ବୁମରା, କିରଣ ପୋଲାର୍ଡ ଏବଂ ସୂର୍ଯ୍ୟକୁମାର ଯାଦବଙ୍କୁ ରିଟେନ୍ ରଖିଥିବା ବେଳେ ଯୁବ ତାରକା ଇଶାନ କିଷାନଙ୍କୁ ନିଲାମୀ ପ୍ରକ୍ରିୟାକୁ ଛାଡିଥିଲା । କିନ୍ତୁ ବିଗତ ଆଇପିଏଲ ଗୁଡିକରେ ମୁମ୍ବାଇକୁ ଅନେକ ମ୍ୟାଚରେ ବିଜୟୀ କରାଇଥିବାକୁ ପୁଣି ଥରେ ଇଶାନଙ୍କୁ ନିଜ ଦଳରେ ସାମିଲ କରିଛି ମୁମ୍ବାଇ ଇଣ୍ଡିଆନ୍ସ ।