ଆପଣ ପିନ୍ଧୁଥିବା ଏନ-୯୫ ମାସ୍କ ଅସଲି ନା ନକଲି ? କେମିତି ଜାଣିବେ ?
କନକ ବ୍ୟୁରୋ : କରୋନାର ବିପଦ ପୁଣି ଥରେ ଆସିଯାଇଛି । କିଛି ଦିନ ପୂର୍ବରୁ ଅଧିକାଂଶ ଲୋକ ମାସ୍କ ପିନ୍ଧିବା ଛାଡିଦେଇଥିବାବେଳେ ଏବେ ପୁଣି ମାସ୍କ ପିନ୍ଧୁଛନ୍ତି । କରୋନାକୁ ଏଡାଇବା ପାଇଁ ସମସ୍ତ ପ୍ରକାର ଚେଷ୍ଟା କରାଯାଉଛି । କୋଭିଡକୁ ଏଡାଇବା ପାଇଁ, ହାତ ଧୋଇବା ବ୍ୟତୀତ, ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମାସ୍କ ପିନ୍ଧିବା । ତେବେ ଏନ-୯୫ ମାସ୍କ ପିନ୍ଧିବା ଉପରେ ଜୋର ଦିଆଯାଉଛି । ତେବେ ଏହି ମାସ୍କଗୁଡ଼ିକ ବଜାରରେ ମିଳୁଥିବା ଅନ୍ୟ ମାସ୍କ ଅପେକ୍ଷା ଅଧିକ ମୂଲ୍ୟର ହୋଇଥିବାବେଳେ ଏବେ ପ୍ରଶ୍ନ ଉଠୁଛି ଆପଣ ନକଲି ଏନ-୯୫ ମାସ୍କ ବ୍ୟବହାର କରୁନାହାନ୍ତି ତ ? ଏପରି ପରିସ୍ଥିତିରେ, ଯଦି ଆପଣ ଏହାକୁ ଯାଞ୍ଚ ନକରି ଏକ ନକଲି ଏନ-୯୫ ମାସ୍କ ବ୍ୟବହାର କରୁଛନ୍ତି, ତେବେ ଆପଣ ନିଜ ଜୀବନକୁ ବିପଦରେ ପକାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାର କାରଣ ହେଉଛି ଆପଣ ନକଲି ମାସ୍କ ପିନ୍ଧୁଥିଲେ, ଭୂତାଣୁ ସହଜରେ ଆପଣଙ୍କ ଶରୀରରେ ପ୍ରବେଶ କରିବାର ସୁଯୋଗ ପାଇଯାଆନ୍ତି । ଅଧିକାଂଶ ଡାକ୍ତର ଏନ-୯୫ ମାସ୍କ କିମ୍ବା ଡବଲ୍ ମାସ୍କ ପିନ୍ଧିବା ପାଇଁ ପରାମର୍ଶ ଦେଉଛନ୍ତି । ତେବେ ଆପଣ କିଭଳି ଅସଲି ଓ ନକଲି ଏନ-୯୫ ମାସ୍କ ଜାଣିପାରିବେ ସେକଥା ବିଶେଷଜ୍ଞ କହିଛନ୍ତି । ବିଶେଷଜ୍ଞ କହିଛନ୍ତି ଯେ ଏହି ମାସ୍କ ମୁହଁରେ ସମ୍ପୂର୍ଣ୍ଣ ଫିଟ୍ ହୋଇଥାଏ । ଏହି ମାସ୍କ ମୁହଁକୁ ଚାରିପଟୁ ବନ୍ଦ କରିଦେଇଥାଏ । ବିଶେଷଜ୍ଞମାନେ କହିଛନ୍ତି ଯେ ଯଦି ଆପଣ ଆପଣଙ୍କର ମାସ୍କ ଅସଲି କିମ୍ବା ନକଲି ତାହା ଯାଞ୍ଚ କରିବାକୁ ଚାହୁଁଛନ୍ତି, ତେବେ ଏକ ଚଷମା ପିନ୍ଧନ୍ତୁ ଏବଂ ନିଶ୍ୱାସ ନିଅନ୍ତୁ । ମାସ୍କ ଲଗାଇବା ପରେ ଯଦି ଚଷମାରେ ଜଳୀୟବାଷ୍ପ ଯୋଗୁଁ ଝାପସା ଦେଖାଯାଏ, ଏହାର ଅର୍ଥ ହେଉଛି ବାୟୁ ଅତିକ୍ରମ କରୁଛି ଏବଂ ଆପଣଙ୍କର ମାସ୍କ ନକଲି ହୋଇପାରେ ।