ନିୟନ୍ତ୍ରଣରେ ଅଛି କି ଶିମିଳିପାଳର ନିଆଁ ? ପ୍ରଶାସନର ପଦକ୍ଷେପ ଭିତରେ ପ୍ରଶ୍ନ ଉଠାଇଥିଲେ ବିଶେଷଜ୍ଞ ।
ମୟୁରଭଞ୍ଜ ରାଜକୁମାରୀ କହିଲେ, ଏଯାଏଁ ଲିଭିନି ନିଆଁ ।
କନକ ବ୍ୟୁରୋ: ଦୀର୍ଘ ୧୦ ଦିନ ପରେ ଆଜି ବି ଜଳୁଛି ଶିମିଳିପାଳ । ଜଙ୍ଗଲ ଜଳିବାର ଦୃଶ୍ୟ କୋଉଠି ନା କୋଉଠି କିଛି ବଡ ପ୍ରଶ୍ନ ଛିଡା କରୁଛି । ଶିମିଳିପାଳର କୋର ଅଂଚଳରେ ନିଆଁ କେତେଦୂର ବ୍ୟାପିଛି ? ୨୭୫୦ କିଲୋମିଟର ବିଶିଷ୍ଟ ଶିମିଳିପାଳରେ ନିଆଁ କେଉଁ ଯାଏଁ ଲାଗିଛି ? କେତେ ଅଂଚଳ ଏବେ ସୁଦ୍ଧା ଜଳିଗଲାଣି ? କେତେ ଜୀବଜନ୍ତୁ ମରିଗଲେଣି ? ଏଭଳି ଅନେକ ପ୍ରଶ୍ନର ଉତ୍ତର ଏବେ ବି ଖୋଜାଚାଲିଥିବା ବେଳେ ପୂର୍ବତନ ଅବୈତନିକ ବନ୍ୟପ୍ରାଣୀ ତତ୍ତ୍ୱବଧାରକ କହିଛନ୍ତି, ଶିମିଳିପାଳ ଏତେ ବିସ୍ତୀର୍ଣ୍ଣ ଅଂଚଳ ଯେ ଗୋଟିଏ ଦିନରେ ନିଆଁ ଲିଭାଇବା ସମ୍ଭବ ନୁହେଁ । ଏବେ ବି କୋର ଏରିଆରେ ନିଆଁ ଜଳୁଛି । ଏବେ ବି ଗଛ ଜଳୁଛି, ଜଙ୍ଗଲ ଜଳୁଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ବନ ବିଭାଗ କହୁଛି ଶିମିଳିପାଳରେ ନିଆଁ ସମ୍ପୂର୍ଣ୍ଣ ନିୟନ୍ତ୍ରଣରେ ଅଛି । ଅନ୍ୟପଟେ ଆଶଙ୍କା କରାଯାଉଛି ଜଙ୍ଗଲରେ ନିଆଁ ସେହିଭଳି ଜଳୁଛି । ଏହାକୁ ରୋକିବା ଦିଗରେ ରାଜ୍ୟ କିମ୍ବା ଜିଲ୍ଲା ପ୍ରଶାସନ କିଛି ଠୋସ ପଦକ୍ଷେପ ନେଇନଥିବାରୁ ଏସିଆର ଦ୍ୱିତୀୟ ବୃହତମ ଜୈବ ମଣ୍ଡଳ ଶିମିଳିପାଳର ସ୍ଥିତି ସଂଗୀନ ହୋଇପଡିଛି । ଏପରିକି ବ୍ରହ୍ମପୁର ଓ ବାରିପଦା ସର୍କଲର ଅଧିକାଂଶ ସ୍ଥାନରେ ଦୁଇରୁ ତିନିଦିନ ହେଲା ନିଆଁ ଜଳୁଛି ।
ତେବେ ପ୍ରଶ୍ନ ଉଠୁଛି, ଶିମିଳିପାଳ ଭଳି ଜଙ୍ଗଲରେ ନିଆଁ ଲାଗିବା ଖବରକୁ ଚପାଇ ଦେବାପାଇଁ ଉଦ୍ୟମ କରାଯାଉଛି କି ? ପ୍ରକୃତରେ କଣ ନିଆଁ ଲିଭି ଯାଇଛି? କୋର ଅଂଚଳ ଏକ ନିଷିିଦ୍ଧାଚଂଳ ହୋଇଥିବାରୁ ବାହାରୁ କାହାକୁ ଯିବା ପାଇଁ ଅନୁମତି ନାହିଁ । ଏବଂ ଏହି ଆଢୁଆଳରେ ପ୍ରକୃତ ତଥ୍ୟ ଲୁଚିଯିବାର ମଧ୍ୟ ଆଶଙ୍କା ରହିଛି ।
How do we classify “big trees” Similipal is spread over 2,750 sq km. Fire has so far devoured eight out of 21 ranges. Are trees, insects, birds, reptiles not big enough? Can conversationalists weigh in? Isnt the fire in Udala/Karanjia south simlipal where all the animals are?
— Akshita M. Bhanj Deo (@TheGreatAshB) March 4, 2021
ଏସବୁ ଭିତରେ ମୟୁରଭଞ୍ଜ ରାଜକୁମାରୀ ଅକ୍ଷିତା ଭଞ୍ଜଦେଓଙ୍କ ଟୁଇଟ ମଧ୍ୟ ଆସିଛି । ଏହି ଟୁଇଟରେ ସେ ଲେଖିଛନ୍ତି, ୨୭୫୦ କିଲୋମିଟରରେ ଶିମିଳିପାଳ ବିସ୍ତାରଲାଭ କରିଥିବା ବେଳେ ୨୧ଟି ରେଂଜରୁ ୮ଟି ରେଂଜକୁ ନିଆଁ ବ୍ୟାପିସାରିଛି । ଗଛ, ଜୀବଜନ୍ତୁ ଏବଂ ସରୀସୃପମାନେ ଏଥିରେ ଜଳିବାର ସମ୍ଭାବନା ନାହିଁ କି? ଏମାନଙ୍କ ସଂଖ୍ୟା କେତେ ଏହାକୁ ଓଜନ କରାଯାଇପାରିବ କି ? ଦକ୍ଷିଣ ଶିମିଳିପାଳ ଅର୍ଥାତ ଉଦଳା ବା କଂରଜିଆରେ ମଧ୍ୟ ଅନେକ ଜୀବଜନ୍ତୁ ରହୁଛନ୍ତି ।
ଖାଲି ଶିମିଳିପାଳ କାହିଁକି ରାଜ୍ୟରେ ୨୧୪ଟି ସ୍ଥାନରେ ଏବେ ଜଙ୍ଗଲ ଜଳୁଛି । ଯଦି ବନବିଭାଗ ଏହାକୁ ଗୁରୁତର ସହ ନ ନିଏ ତେବେ ଖରା ବଢିବା ସହିତ ଆଗକୁ ସ୍ଥିତି ସଙ୍ଗୀନ ହେବାର ଆଶଙ୍କା ମଧ୍ୟ ରହିଛି ।