କନକ ବ୍ୟୁରୋ: କନିଷ୍ଠ ଶିକ୍ଷକ ନିଯୁକ୍ତି ଅନିୟମିତତା ପ୍ରସଙ୍ଗରେ ସ୍ପଷ୍ଟୀକରଣ ରଖିଛି ଓସେପା । ଟୁଇଟ୍ କରି ଓସେପା କହିଛି, ଜାନୁଆରୀ ୧୫ ତାରିଖରେ ଇଡିସିଆଇଏଲ ମେରିଟ ତାଲିକା ଦେଇଥିଲା । ସେହି ଦିନ ସର୍ବସାଧାରଣଙ୍କ ଉଦ୍ଦେଶ୍ୟରେ ଯୋଗ୍ୟ ପ୍ରାର୍ଥୀଙ୍କ ତାଲିକା ପ୍ରକାଶ କରିବା ସହ ଅପଲୋଡ କରାଯାଇଥିଲା । ଇଡିସିଆଇଏଲ୍ କନିଷ୍ଠ ଶିକ୍ଷକଙ୍କ ପରୀକ୍ଷା କରାଇଥିଲା ବୋଲି ଓସେପା କହିଛି । କନିଷ୍ଠ ଶିକ୍ଷକ କାଟାଗୋରୀ ୱାନ ଓ ଟୁ ପାଇଁ ଅଗଷ୍ଟ ୨୨ ତାରିଖରେ ପରୀକ୍ଷା କରାଇଥିଲା ଇଡିସିଆଇଏଲ । ଏହାପରେ ୧୫ ତାରିଖରେ ମେଧା ତାଲିକା ଇଡିସିଆଇଏଲ ପକ୍ଷରୁ ଓସେପାକୁ ଦିଆଯାଇଥିବା ଟୁଇଟରେ ଉଲ୍ଲେଖ ରହିଛି । ସ୍ପଷ୍ଟୀକରଣ ରଖି ଓସେପା ଇଡିସିଆଇଏଲ୍ ମୁଣ୍ଡକୁ ଦୋଷ ଠେଲି ଦେଇଛି । ହେଲେ ଗତକାଲି ଇଡିସିଆଇଏଲ ସ୍ପଷ୍ଟୀକରଣ ରଖି କନିଷ୍ଠ ଶିକ୍ଷକ ନିଯୁକ୍ତିରେ ତାର କୌଣସି ଭୂମିକା ନଥିବା କହିଥିଲେ । ଦିନକ ପରେ ଆଜି ଓପେସା ଟୁଇଟ୍ କରି ସ୍ପଷ୍ଟୀକରଣ ରଖିବା ପରେ ପ୍ରଶ୍ନ ଉଠୁଛି, କନିଷ୍ଠ ଶିକ୍ଷକ ନିଯୁକ୍ତି ଅନିୟମିତତାରେ କିଏ ଭୁଲ କରିଛି ।
ରାଜ୍ୟରେ କନିଷ୍ଠ ଶିକ୍ଷକ ନିଯୁକ୍ତି ଅନିୟମିତତା ମାମଲା: ହାଇକୋର୍ଟରେ ଜବାବ ଦାଖଲ କଲେ ରାଜ୍ୟ ସରକାର
![ରାଜ୍ୟରେ କନିଷ୍ଠ ଶିକ୍ଷକ ନିଯୁକ୍ତି ଅନିୟମିତତା ମାମଲା: ହାଇକୋର୍ଟରେ ଜବାବ ଦାଖଲ କଲେ ରାଜ୍ୟ ସରକାର](https://img-cdn.thepublive.com/fit-in/1280x720/filters:format(webp)/kanak/media/post_attachments/wp-content/uploads/2023/09/395229-orissa-high-court.jpg)