କନକ ବ୍ୟୁରୋ: ଚାଲିଥିଲା ଏକ କାର୍ଯ୍ୟକ୍ରମର ଉଦଘାଟନୀ ଉତ୍ସବ । ମଞ୍ଚ ଉପରେ ଭାଷଣ ଦେଉଥିଲେ ଗଭର୍ଣ୍ଣର । ଏତିକି ବସିଲା ଗଭର୍ଣ୍ଣରଙ୍କ ଗାଲରେ ଶକ୍ତ ଚାପୁଡା । ଆଉ ଚାପୁଡା ବି ଏକ ଅଜବ କାରଣ ପାଇଁ । ଏପରି ଘଟଣା ଘଟିଛି ଇରାନର ଅଜରବୈଜାନ ପ୍ରାନ୍ତରେ ଚାଲିଥିବା ଏକ କାର୍ଯ୍ୟକ୍ରମରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଜରବୈଜାନ ପ୍ରାନ୍ତର ଗଭର୍ଣ୍ଣର ଅବୈଦିନ ଖୁରାମ ଏକ କାର୍ଯ୍ୟକ୍ରମର ଉଦଘାଟନୀ ଉତ୍ସବରେ ଯୋଗ ଦେଇଥିଲେ । ଏହି ଅବସରରେ ମଂଚ ଉପରେ ଭାଷଣ ଦେଉଥିଲେ । ହେଲେ କେହି କିଛି ଜାଣିବା ପୂର୍ବରୁ ଜଣେ ବ୍ୟକ୍ତି ଷ୍ଟେଜ୍ ଉପରକୁ ଉଠିଯାଇ ତାଙ୍କ ଗାଲରେ ଶକ୍ତ ଚାପୁଡା ଦେଇଥିଲେ । କାରଣ ହେଉଛି ଚାପୁଡା ମାରିଥିବା ବ୍ୟକ୍ତିଙ୍କ ପତ୍ନୀଙ୍କୁ ଜଣେ ପୁରୁଷ ଡାକ୍ତର କରୋନା ଟିକା ଦେଇଥିଲେ । ପୁରୁଷ ଡାକ୍ତର କାହିଁକି ଟିକା ଦେଲେ ସେହି ରାଗରେ ସେହି ଅଞ୍ଚଳର ଗଭର୍ଣ୍ଣରଙ୍କ ଉପରେ ଚାପୁଡା ମାରି ରାଗ ସୁଝାଇଥିଲେ । ଚାପୁଡା ମାରିଥିବା ବ୍ୟକ୍ତି ବି କିଛି କମ୍ ନୁହଁନ୍ତି । ସେ ଇରାନର ସଶସ୍ତ୍ର୍ ବଳର ଜଣେ ପୂର୍ବ ଅଧିକାରୀ ଏବଂ ସ୍ଥାନୀୟ ନେତା ମଧ୍ୟ ।
Today at the introduction ceremony for the new governor of #Iran‘s East Azerbaijan Province Abedin Khorram, a man went up to the podium and slapped him in the face. pic.twitter.com/vyEFoBy8WA
— Iran International English (@IranIntl_En) October 23, 2021
ନେତା ଜଣକ ଚାପୁଡା ମରିବାର ଘଟଣା କ୍ୟାମେରାରେ କଏଦ ହୋଇଥିଲା । ଚାପୁଡାର ଶବ୍ଦ ମଧ୍ୟ ପୋଡିଅମରେ ଲାଗିଥିବା ସ୍ପିକରରେ ଶୁଣାଯାଇଥିଲା । ଏବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସୂଚନା ମୁତାବକ ଗଭର୍ଣ୍ଣର ଅବୈଦିନ ଖୁରାମ ପୂର୍ବରୁ ଇସ୍ଲାମିକ୍ ରେଭୋଲ୍ୟୁସନ୍ ଗାର୍ଡସର ପ୍ରାନ୍ତିୟ କମାଣ୍ଡର ଥିଲେ ।