IPS ସ୍ତରରେ ଅଦଳବଦଳ । ଜାଣନ୍ତୁ କେଉଁ ଅଫିସରଙ୍କୁ ମିଳିଲା କେଉଁ ଦାୟିତ୍ୱ ।

285

କନକ ବ୍ୟୁରୋ : ଆଇପିଏସ ସ୍ତରରେ ଅଦଳବଦଳ କରିଛନ୍ତି ରାଜ୍ୟ ସରକାର । ଆଇପିଏସ ବିନୟାନନ୍ଦ ଝା ହେଲେ ଓଏସଡି ଗୃହ ବିଭାଗ । ଏବେ ସେ ଓଏଚଆରସିର ଅତିରିକ୍ତ ଡିଜି ରହିଛନ୍ତି । ବିନୟାନନ୍ଦଙ୍କ ସ୍ଥାନରେ ନିଯୁକ୍ତ ହୋଇଛନ୍ତି ୧୯୮୯ ବ୍ୟାଚର ଆଇପିଏସ ପ୍ରାଣବିନ୍ଦୁ ଆଚାର୍ଯ୍ୟ ।

ସେହିପରି ପୂର୍ବତନ ପୋଲିସ କମିଶନର ଆଇପିଏସ ସୁଧାଂଶୁ ଷଡଙ୍ଗୀ ହେଲେ ରେଳବାଇ ଓ ଉପକୂଳ ସୁରକ୍ଷା ଏଡିଜି । ଏବେ ସେ ଗୃହ ବିଭାଗର ଓଏସଡି ଅଛନ୍ତି । ସେହିପରି ଶଫିନ ଅହମ୍ମଦ ହେଲେ ଅଗ୍ନିଶମ ଏବଂ ଗୃହରକ୍ଷୀ ଆଇଜି । ଏବେ ସେ ବୈଷୟିକ ଆଇଜି ଭାବରେ ଦାୟିତ୍ୱ ତୁଲାଉଛନ୍ତି । ଏଲ. ଦିବ୍ୟା ଭିଙ୍କୁ ଢେଙ୍କାନାଳ ଏସପି ଭାବରେ ନିଯୁକ୍ତି ମିଳିଛି । ଏବେ ସେ ସିଆଇଡି-କ୍ରାଇମବ୍ରାଞ୍ଚ ଏସପି ଭାବେ କାମ କରୁଛନ୍ତି ।