ପେସା ଯେତେବେଳେ ନିଶା ପାଲଟେ , କର୍ମ ଯେତେବେଳେ ପ୍ରେମ ପାଲଟେ ମଣିଷକୁ ତାର କାର୍ଯ୍ୟ ଭଗବାନ ପରି ଲାଗେ । ଏଭଳି ଏକ ଉଦାହରଣ ଦେଖିବାକୁ ମିଳିଛି କେରଳରେ । କେରଳର ବରିଷ୍ଠ ଆଇପିଏସ୍ ଅଧିକାରୀଙ୍କ ମଧ୍ୟରେ ଚର୍ଚ୍ଚିତ ଜେକବ୍ ଥୋମସ୍ ନିଜ ଚାକିରୀ ଜୀବନର ଶେଷ ଦିନରେ ଅଫିସର ଚଟାଣରେ ଶୋଇଥିବାର ଏକ ଫଟୋ ଭାଇରାଲ୍ ହେବାରେ ଲାଗିଛି । ସେ ନିଜ ସୋସିଆଲ୍ ଆକାଉଣ୍ଟ୍ ରେ ଏହି ଫଟୋଟିକୁ ସେୟାର୍ କରିଥିଲେ । ଫଟୋରେ ସେ ଲେଖିଥିଲେ , ଆଜି ମୋ ଚାକିରୀର ଶେଷ ଦିନର ଆରମ୍ଭ , ଗତକାଲି ମୁଁ ମୋ ମନ୍ଦିରର ଚଟାଣରେ ଶୋଇଥିଲି ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁଛୁ ଯେ ଲୋକସଭା ନିର୍ବାଚନ ସମୟରେ ସେ ସମୟ ପୂର୍ବରୁ ଅବସର ନେଇ ନିର୍ବାଚନ ଲଢିବାକୁ ଚେଷ୍ଟା କରିଥିଲେ କିନ୍ତୁ ରାଜ୍ୟ ସରକାର ତାଙ୍କ ଇସ୍ତଫା ଗ୍ରହଣ କରିନଥିଲେ । ଥୋମସ୍ ରବିବାର ଧାତୁ ଉଦ୍ୟୋଗର ପ୍ରବନ୍ଧ ନିର୍ଦ୍ଦେଶକ ପଦବୀରୁ ଅବସର ଗ୍ରହଣ କଲେ । କେରଳ ସରକାରଙ୍କ ସାର୍ବଜନିକ ଉପକ୍ରମ ଧାତୁ ଉପକରଣ ଏବଂ ଅନ୍ୟ ଉତ୍ପାଦ ନିର୍ମାଣ ସହ ସେ ଜଡିତ ଥିଲେ ।