କନକ ବ୍ୟୁରୋ: ଚଳିତ ବର୍ଷ ଭାରତରେ ହିଁ ହେବ ଇଣ୍ଡିଆନ୍ ପ୍ରିମିୟର ଲିଗ୍ । କୋଭିଡ୍ ସଂକ୍ରମଣ ଭିତରେ ଏନେଇ ଆସିଛି ବଡ ଖବର । ତେବେ ଦେଶର ଏକାଧିକ ଭେନ୍ୟୁରେ ଆଇପିଏଲ୍ ସମ୍ଭବ ନହେଲେ ମଧ୍ୟ କିଛି ନିିର୍ଦ୍ଧିଷ୍ଟ ଭେନ୍ୟୁରେ ସମସ୍ତ ମ୍ୟାଚ୍ ଖେଳାଯିବ । ବିଶେଷକରି ମୁମ୍ବାଇ ସହରର ୩ଟି ଗ୍ରାଉଣ୍ଡରେ ଟୁର୍ଣ୍ଣାମେଣ୍ଟ ଖେଳାଯିବ ବୋଲି ବିସିସିଆଇ ସୂତ୍ରରୁ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କରୋନା କାରଣରୁ ଚଳିତବର୍ଷ ଆଇପିଏଲ୍ ବିଦେଶ ମାଟିରେ ଆୟୋଜନ ହେବା ନେଇ ଯେଉଁ କଳ୍ପନାଜଳ୍ପନା ପ୍ରକାଶ ପାଉଥିଲା, ହେଲେ ଏବେ ତା ଉପରେ ପଡିଛି ପୂର୍ଣ୍ଣଚ୍ଛେଦ । ଚଳିତ ବର୍ଷ ସଂକ୍ରମଣ କାରଣରୁ ଦେଶର ଏକାଧିକ ଭେନ୍ୟୁରେ ଆଇପିଏଲ୍ ଯଦି ସମ୍ଭବ ନହୁଏ, ତେବେ ମଧ୍ୟ କେବଳ ମୁମ୍ବାଇରେ ଏହାକୁ ଆୟୋଜନ କରାଯିବ । ଖବର ସରବରାହ ସଂସ୍ଥା ଏଏନଆଇକୁ ବିସିସିଆଇର ଜଣେ ବରିଷ୍ଠ ଅଧିକାରୀ ଏନେଇ ସୂଚନା ଦେଇଛନ୍ତି ।
#IPL2022 will be in India only. It will be in Mumbai and will be without a crowd: Top BCCI sources to ANI
— ANI (@ANI) January 22, 2022
ମିଳିଥିବା ସୂଚନା ମୁତାବକ, ଚଳିତ ବର୍ଷ କେବଳ ମୁମ୍ବାଇ ସହରରେ ଆଇପିଏଲ୍ ଆୟୋଜନ ହୋଇପାରେ । ୱାଙ୍ଖଡେ ଷ୍ଟାଡିୟମ ସହିତ, କ୍ରିକେଟ୍ କ୍ଲବ୍ ଅଫ୍ ଇଣ୍ଡିଆ, ଡିୱାଇ ପାଟିଲ ଷ୍ଟାଡିୟମରେ ଆଇପିଏଲ୍ ମ୍ୟାଚ୍ ଖେଳାଯାଇପାରେ । ତେବେ ଅଧିକ ଆବଶ୍ୟକ ପଡିଲେ ପୁନେର କିଛି ଗ୍ରାଉଣ୍ଡକୁ ମଧ୍ୟ ବ୍ୟବହାର କରାଯାଇପାରେ ବୋଲି ଏହି ଅଧିକାରୀ ଏଏନଆଇକୁ କହିଛନ୍ତି । ଏଥିସହିତ ଚଳିତ ବର୍ଷ ଆଇପିଏଲରେ ମଧ୍ୟ ଦର୍ଶକମାନଙ୍କୁ ସିଧାସଳଖ ମ୍ୟାଚ୍ ଦେଖିବାର ଅନୁମତି ମିଳିବ ନାହିଁ । ବିନା ଦର୍ଶକରେ ଖେଳାଯିବ ଆଇପିଏଲ୍ ଟୁର୍ଣ୍ଣାମେଣ୍ଟ ।