କନକ ବ୍ୟୁରୋ: ଚାଲିଛି ଆଇପିଏଲ ମହାସଂଗ୍ରାମ । ଆଉ କିଛି ସମୟ ପରେ ଦିଲ୍ଲୀ ଫିରୋଜ ଶାହା କୋଟଲା ମୈଦାନରେ ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ । ଉଭୟଙ୍କ ପାଇଁ ଏହି ମ୍ୟାଚ୍ ନିଣ୍ଣାୟକ ମୋଡ଼ ନେବ ବୋଲି କ୍ରୀଡ଼ା ସମୀକ୍ଷକମାନେ ମତ ପ୍ରକାଶ କରିଛନ୍ତି । କାରଣ ଚଳିତ ଆଇପିଏଲରେ ଉଭୟ ଦଳ ପୂର୍ବରୁ ମୁମ୍ବାଇର ହୋମ ଗ୍ରାଉଣ୍ଡ ୱାଙ୍ଖଡ଼େରେ ସାମ୍ନାସାମ୍ନି ହୋଇଥିଲେ ମଧ୍ୟ ଦିଲ୍ଲୀ କ୍ୟାପିଟାଲ୍ସ ମୁମ୍ବାଇ ଉପରେ ଭାରି ପଡ଼ିଥିଲା । ଆଉ ରୋହିତ ବାହିନୀକୁ ତାଙ୍କ ଘରୋଇ ଗ୍ରାଉଣ୍ଡ ୱାଙ୍ଖଡ଼େରେ ଚିତ୍ କରିଥିଲା ଦିଲ୍ଲୀ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଦିଲ୍ଲୀ ବର୍ତ୍ତମାନ ସୁଦ୍ଧା ୮ଟି ମ୍ୟାଚ୍ ଖେଳି ୫ଟିରେ ବିଜୟ ସହ ୧୦ ପଏଣ୍ଟ ପାଇ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ରହିଛି । ସେହିଭଳି ମୁମ୍ବାଇ ମଧ୍ୟ ୮ଟି ମ୍ୟାଚ ଖେଳି ୫ଟିରୁ ବିଜୟ ହାସଲ କରି ୧୦ ପଏଣ୍ଟ ପାଇଁ ପଏଣ୍ଟ ଟେବୁଲର ତୃତୀୟ ସ୍ଥାନରେ ରହିଛି । ତେବେ ଉଭୟ ରନରେଟ୍ ଅଳ୍ପମାତ୍ରରେ ପାର୍ଥକ୍ୟ ରହିଥିବାରୁ ଉଭୟ ଆଗ ପଛ ହୋଇ ରହିଛନ୍ତି ।
ସବୁଠାରୁ ରୋଚକ ବିଷୟ ହେଲା ଯେ, ଦିଲ୍ଲୀ କ୍ୟାପିଟାଲ୍ସର ଘରୋଇ ଗ୍ରାଉଣ୍ଡ ଫିରୋଜ ଶାହା କୋଟଲାରେ ଆଜିର ମ୍ୟାଚ୍ ଖେଳାଯିବ, ଯେଉଁଠାରେ ଦିଲ୍ଲୀର ରେକର୍ଡ଼ ସେତେ ପ୍ରଦର୍ଶନୀୟ ନୁହେଁ । ତେବେ ପୂର୍ବରୁ ମୁମ୍ବାଇକୁ ୱାଙ୍ଖଡ଼େ ହୋମଗ୍ରାଉଣ୍ଡରେ ପରାଜୟ ଦେଇଥିବା ଦିଲ୍ଲୀକୁ ଆଜି ଫିରୋଜଶାହାରେ ହରାଇ ବଦଲା ନେବାକୁ ରଣନୀତି କରିଛି ରୋହିତ ବ୍ରିଗେଡ୍ । ତେବେ ରାତି ୮ଟାରେ ଖେଳାଯିବାକୁ ଥିବା ଏହି ମ୍ୟାଚକୁ ଉଭୟ ଦିଲ୍ଲୀ ଆଉ ମୁମ୍ବାଇ ଇଣ୍ଡିଆନ୍ସର ସମର୍ଥକମାନେ ଅପେକ୍ଷା କରି ରହିଛନ୍ତି ।