ପୋଲିସ ଚଢାଉ କଲା, ଆଡ୍ଡା ଭାଙ୍ଗିଲା । ରାଉରକେଲାରେ ବଡ ଧରଣର ଆଇପିଏଲ ବେଟିଂର ପର୍ଦ୍ଦାଫାସ । ୯ ଗିରଫ ।
କନକ ବ୍ୟୁରୋ: ରାଉରକେଲାରେ ଆଇପିଏଲ ବେଟିଂର ପର୍ଦ୍ଦାଫାସ୍ । ଆଇପିଏଲକୁ ନେଇ ସଟ୍ଟା ଖେଳାଉଥିବା ୯ ଜଣ ଅଭିଯୁକ୍ତଙ୍କୁ ଗିରଫ କରିଛି ରାଉରକେଲା ପୋଲିସ । ବୀରମିତ୍ରପୁର ଥାନା ଅନ୍ତର୍ଗତ ଯମୁନାନାକି ଅଞ୍ଚଳରେ ଏକ ଭଡା ଘରେ ଚାଲି ଥିବା ସଟ୍ଟା କାରବାର । ରାଉରକେଲା ସହରରେ ଆଇପିଏଲ ବେଟିଂ ଚାଲିଥିବା ଆଡ୍ଡା ଉପରେ ପୋଲିସ କୌଣସି ସୂତ୍ରରୁ ଖବର ପାଇ ଚଢାଉ କରିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବେଟିଂ ଆଡ୍ଡାରୁ ଗୋଟିଏ ଲାପଟପ, ଗୋଟିଏ ଟ୍ୟାବ ଓ ୧୮ଟି ଦାମୀ ମୋବାଇଲ ଜବତ କରିଛି । ଚଢାଉ ସମୟରେ ଆଉ କିଛି ଯୁବକ ଖସି ଯାଇଛନ୍ତି । ଗିରଫ ୯ ଜଣ ଯୁବକଙ୍କ ଘର ଛତିଶଗଡ ବୋଲି ପୋଲିସ ସୂତ୍ରରୁ ସୂଚନା ମିଳିଛି । ତେବେ ଆଶ୍ଚର୍ଯ୍ୟର କଥା ଅଭିଯୁକ୍ତଙ୍କ ପାଖରୁ କୌଣସି ଟଙ୍କା ଜବତ କରିପାରିନାହିଁ ପୋଲିସ ।