ଫେବୃଆରୀ  ୧୮ରେ ଆଇପିଏଲ୍ ଖେଳାଳି ନିଲାମ । ଚେନ୍ନାଇରେ ଖେଳାଳି କିଣିବେ ଫ୍ରାଞ୍ଚାଇଜ୍  । ବିସିସିଆଇ କଲା ଘୋଷଣା 

କନକ ବ୍ୟୁରୋ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ) ଟୁର୍ଣ୍ଣାମେଣ୍ଟର ଖେଳାଳି  ନିଲାମ ପ୍ରକ୍ରିୟା ଆସନ୍ତା ଫେବୃଆରୀ ୧୮ ତାରିଖରେ ହେବ । ଏନେଇ ବିସିସିଆଇ ପକ୍ଷରୁ ତାରିଖ ଘୋଷଣା ହୋଇଛି । ଏଥର ଚେନ୍ନାଇରେ ଖେଳାଳିମାନଙ୍କର ମିନି ନିଲାମ ପ୍ରକ୍ରିୟା ହେବ ବୋଲି କୁହାଯାଇଛି ।

ଆଇପିଏଲ୍ ନିଲାମ ପ୍ରକ୍ରିୟା ପୂର୍ବରୁ ଖେଳାଳିମାନଙ୍କର ରିଲିଜ୍ ପ୍ରକ୍ରିୟା ଶେଷ ହୋଇଛି । ଜାନୁଆରୀ ୨୦ ତାରିଖ ଏହାର ଶେଷ ଦିନ ଥିଲା । ତେବେ ଫେବୃଆରୀ  ୪ ତାରିଖ ପର୍ଯ୍ୟନ୍ତ ଖେଳାଳିମାନଙ୍କର  ଟ୍ରେଡିଂ ଅଥବା ଦଳ ଅଦଳ ବଦଳ ଜାରି ରହିବ ।

ଏଥର ସମସ୍ତ ଫ୍ରାଞ୍ଚାଇଜ୍  ୧୩୯ ଜଣ ଖେଳାଳିଙ୍କୁ ରିଟେନ୍ ରଖିଛନ୍ତି  ଆଉ ୫୭ ଜଣ ଖେଳାଳିଙ୍କୁ ନିଲାମ ପ୍ରକ୍ରିୟାକୁ ଛାଡିଦେଇଛନ୍ତି । ଏହି ଖେଳାଳିଙ୍କ ସହିତ ଆଉ କିଛି ନୂଆ ଖେଳାଳିଙ୍କୁ ମିଶାଇ ଏଥର ନିଲାମ ପ୍ରକ୍ରିୟା ବସିବ । ଖେଳାଳି ମାନଙ୍କର ରିଲିଜ୍ ପ୍ରକ୍ରିୟାରେ ଏଥର ରାଜସ୍ଥାନ ରୟାଲ୍ସ ଷ୍ଟିଭ୍ ସ୍ମିଥ୍ , ପଞ୍ଜାବ ଦଳ ଗ୍ଲେନ୍ ମ୍ୟାକ୍ସୱେଲ ଓ ଚେନ୍ନାଇ ଦଳ ହରଭଜନ ସିଂହଙ୍କ ଭଳି ଖେଳାଳିଙ୍କୁ ନିଲାମ ପ୍ରକ୍ରିୟାକୁ ଛାଡି ଦେଇଛି ।