ଆଇପିଏଲ୍ ଟକ୍କର: ଆଜି ଦୁବାଇରେ ଦମଦାର୍ ମ୍ୟାଚ୍, ଆରସିବିକୁ ଭେଟିବ ପଞ୍ଜାବ୍ । ବିଜୟଧାରା ବଜାୟ ରଖିବ କି ବିରାଟବାହିନୀ?
କନକ ବ୍ୟୁରୋ: ଆଜି ଇଣ୍ଡିଆନ୍ ପ୍ରିମିୟର ଲିଗରେ ରହିଛି ଗୋଟିଏ ମ୍ୟାଚ୍ । ରୟାଲ୍ ଚାଲେଂଜର୍ସ ବାଙ୍ଗାଲୋରକୁ ଭେଟିବ କିଙ୍ଗସ୍ ଇଲେଭେନ୍ ପଂଜାବ । ରାତି ସାଢେ ୭ଟାରେ ଦୁବାଇରେ ଖେଳାଯିବ ମ୍ୟାଚ୍ । ନିଜର ପ୍ରଥମ ମ୍ୟାଚରେ ଆରସିବି, ସନରାଇଜର୍ସ ହାଇଦ୍ରାବାଦକୁ ହରାଇ ପ୍ରଥମ ବିଜୟ ହାସଲ କରିଥିଲା । ତେଣୁ ଦଳ ପଂଜାବ ବିପକ୍ଷରେ ବିଜୟ ଧାରା ଜାରି ରଖିବାକୁ ଉଦ୍ୟମ କରିବ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦିଲ୍ଲୀ ବିପକ୍ଷ ମ୍ୟାଚରେ ଅଳ୍ପକେ ବିଜୟ ହାତଛଡା କରିଥିବା କେ ଏଲ୍ ରାହୁଲଙ୍କ କେ.ଏଲ ରାହୁଲଙ୍କ କିଙ୍ଗସ୍ ଇଲେଭେନ୍ ପଂଜାବ , କୋହଲି ବ୍ରିଗେଡକୁ କଡା ଟକ୍କର ଦେବାକୁ ଉଦ୍ୟମ କରିବ । ଦଳ ପ୍ରଥମ ମ୍ୟାଚରେ ବିଜୟର ଅଳ୍ପ ଦୂରରୁ ସୁଯୋଗ ହାତଛଡ଼ା କରିଥିବା ତ୍ରୁଟିକୁ ନଦୋହରାଇବାକୁ ଚାହିଁବ । ତେବେ ସନ୍ଧ୍ୟାରେ ଦୁବାଇରେ ଖେଳାଯିବାକୁ ଥିବ ବାଙ୍ଗାଲୋର ଓ ପଂଜାବ ମଧ୍ୟରେ ମ୍ୟାଚ୍ ଯଥେଷ୍ଟ ରୋମାଂଚକର ହେବା ଆଶା କରାଯାଉଛି ।