କନକ ବ୍ୟୁରୋ : ଭୁବନେଶ୍ୱରରେ ବିଶ୍ୱକପ ହକି ବେଳେ ଟିମ୍ ଇଣ୍ଡିଆ କ୍ୟାପଟେନ ମନପ୍ରୀତଙ୍କ ସହ ୪ଜଣ ଖେଳାଳିଙ୍କୁ ଅଶୋଭନୀୟ ଆଚରଣ ଘଟଣାର ତଦନ୍ତ ହେବ । କଳିଙ୍ଗ ଷ୍ଟାଡିୟମ ଭିତରେ ଟିମ୍ ଇଣ୍ଡିଆର ଅଧିନାୟକ ମନପ୍ରୀତ ସିଂଙ୍କୁ ହକି ଇଣ୍ଡିଆର ସିଇଓ ଏଲେନା ନରମନ୍ ର୍ଦୁବ୍ୟବହାର କରିଥିବା ନେଇ ଅଭିଯୋଗ ହୋଇଥିଲା । ମିଳିଥିବା ସୂଚନା ଅନୁସାରେ ବିଶ୍ୱକପ ହକି ଟୁର୍ଣ୍ଣାମେଂଟ ଉଦଯାପିତ ହେବା ପରେ ଏଲେନା ନରମନ୍ଙ୍କ ବିରୋଧରେ ହୋଇଥିବା ଅଭିଯୋଗ ଘଟଣାର ଅନ୍ତରୀଣ ତଦନ୍ତ କରିବ ହକି ଇଣ୍ଡିଆ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଖେଳାଳିମାନେ ବିନା ବେଣ୍ଡ ପିନ୍ଧି ଭିଆଇପି ଲାଉଂଜରେ ପ୍ରବେଶ କରିଥିବାରୁ ଏଲେନା ଅପମାନିତ କରିଥିଲେ । ଏମିତି କି ପାଟି ଚୁପ୍ କରି ବାହାରି ଯିବାକୁ ତାଗିଦ୍ କରିଥିଲେ । ତୁମ ମାନଙ୍କୁ ଲାଉଂଜକୁ କିଏ ଡାକିଥିଲା ବୋଲି କହିଥିଲେ ଏଲେନା ନରମନ୍ । ମନପ୍ରୀତଙ୍କ ସହ ମନ୍ଦୀପ ସିଂ, ଗୁରଜନ୍ତ ସିଂ ଏବଂ ଶ୍ରୀସନ ପାଠକ୍ କଥାବାର୍ତ ହେଉଥିବା ସମୟରେ ଅଜାଣତରେ ଭିଆଇପି ଲାଉଂଜରେ ପଶି ଯାଇଥିଲେ । ତେବେ ଏହି ଘଟଣା ସଂପର୍କରେ ସାମ୍ବାଦିକ ସମ୍ମିଳନୀରେ ସୂଚନା ନେଇ ମନପ୍ରୀତ କହିଥିଲେ ଯେ, ଏଥିରେ ସିଇଓଙ୍କ କୌଣସି ଭୁଲ ନାହିଁ ଏବଂ ଦୋଷ ଆମର । ଖେଳାଳିଙ୍କୁ ଲାଉଂଜକୁ ପ୍ରବେଶ କରିବାର ଅନୁମତି ନାହିଁ । କୌଣସି ଦଳର ଖେଳାଳି ଯାଆନ୍ତି ନାହିଁ । ତେଣୁ ଏହି ଘଟଣାରେ ଆମ ଖେଳାଳିମାନଙ୍କର ହିଁ ଭୁଲ ରହିଲା ବୋଲି ମନପ୍ରୀତ ସିଂ କହିଥିଲେ ।