ସମସ୍ତଙ୍କର ସ୍ୱପ୍ନ ଥାଏ ବଡ ଲୋକ ହେବାର । ଏକ ଲୋକପ୍ରିୟ ଅଞ୍ଚଳରେ ଆଲିସାନ କମ୍ପେ୍ଲକ୍ସରେ ନିଜର ଗୋଟେ ଅଫିସ କିମ୍ବା ଦୋକାନ କରିବାର ସ୍ୱପ୍ନ କିଏ ବା ନଦେଖେ । ଯଦି କିଏ ବ୍ୟବସାୟ ଆରମ୍ଭ କରିବା ପାଇଁ ଆପଣଙ୍କୁ କିଛି ହଜାର ଟଙ୍କାରେ ଏକ ଘର କିଣିବାର ପ୍ରସ୍ତାବ ଦିଏ ତେବେ କିଏ ବା ଏଭଳି ସୁଯୋଗକୁ ଏଙ୍ଗ଼ାଇ ଯିବ । ତେବେ ଆସନ୍ତୁ ଜାଣିବା କିଛି ହଜାର ଟଙ୍କା ବିନିମୟରେ କିପରି ଏକ ବଡ ପ୍ରପର୍ଟିର ମାଲିକ ହୋଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ପୁଣେର ଏକ ସ୍ଟାର୍ଟଅପ କମ୍ପାନୀ ରିଅଲଏକ୍ସ ଆପଣଙ୍କ ସ୍ୱପ୍ନକୁ ସାକାର କରିବା ପାଇଁ ଏକ ଆଇଡିଆ ସାମ୍ନାକୁ ଆଣିଛି । ଏହି ନୂତନ ସ୍ଟାର୍ଟଅପ କମ୍ପାନୀର ଡିଜିଟାଲ ପ୍ଲାଟଫର୍ମ ଜରିଆରେ ମାତ୍ର କିଛି ହଜାର ଟଙ୍କା ବିନିଯୋଗ କରି ପ୍ରପର୍ଟିର ମାଲିକ ହୋଇପାରିବେ । ଏହାର ଫାଇଦା ହେଉଛି ଏବେ କର୍ମସିଆଲ ପ୍ରପର୍ଟିର ମୂଲ୍ୟ ଧୀରେ ଧୀରେ ବଢିବାରେ ଲାଗିଛି । ଏବଂ କିଛି ବର୍ଷ ମଧ୍ୟରେ ଯେତେବେଳେ ସେହି ସ୍ଥାନର ମୂଲ୍ୟ ବଢିଯିବ ସେତେବେଳେ ଆପଣ ଏହି କମ୍ପାନୀରେ ନିବେଶ କରିଥିବା ଟଙ୍କାରୁ ବଡ ଆକାରର ରିଟର୍ଣ୍ଣ ପାଇପାରିବେ । ଆପଣ ଚାହିଁଲେ ଆପଣଙ୍କ ବନ୍ଧୁ ମାନଙ୍କୁ ମଧ୍ୟ ନିଜର ବ୍ୟବସାୟରେ ସାମିଲ କରିପାରିବେ ।
ସୂଚନା ଅନୁଯାୟୀ, ରିଅଲଏକ୍ସ କମ୍ପାନୀ ଜୁଲାଇ ୩୧ ତାରିଖରେ ନିଜର ପ୍ରଥମ ଟ୍ରାଞ୍ଜାକ୍ସନ ପୁରା କରିଥିଲା । ଏବଂ ଏହା ପ୍ରତି ଲୋକ ମାନଙ୍କ ଉତ୍ସାହକୁ ଦେଖି ଚଳିତ ବର୍ଷ ୧୦୦ କୋଟି ଟଙ୍କାର ପ୍ରପର୍ଟି କିଣିବାର ଲକ୍ଷ୍ୟ ରହିଛି । ରିଅଲଏକ୍ସ କମ୍ପାନି ସହ ଯୋଡ଼ି ହୋଇଥିବା ଲୋକଙ୍କ କହିବା ଅନୁଯାୟୀ, ଗୋଟିଏ ପ୍ରପର୍ଟିର ସହ-ମାଲିକ ଯେକୌଣସି ସମୟରେ ବିନିଯୋଗ ଟଙ୍କା ଉଠାଇପାରିବେ । ତେବେ ପ୍ରପର୍ଟି ବିକ୍ରିି କରିବାକୁ ହେଲେ ପ୍ରଥମେ ୫ ବର୍ଷ ଅପେକ୍ଷା କରିବାକୁ ପଡ଼ିବ । ୫ ବର୍ଷ ପରେ ହିଁ ପ୍ରପର୍ଟି ବିକ୍ରି କରାଯାଇପାରିବ ।