ନୁପୂର ବିବାଦ, ଭାରତ ଉପରେ ସାଇବର ଆଟାକ୍: ଏକା ସାଙ୍ଗରେ ୧୩ ହଜାର ହ୍ୟାକରଙ୍କ ଆକ୍ରମଣ
କନକ ବ୍ୟୁରୋ: ନୁପୂର ଶର୍ମାଙ୍କ ବିବାଦୀୟ ବୟାନକୁ ନେଇ ଆତଙ୍କବାଦୀ ସଙ୍ଗଠନ ଅଲକାଇଦାର ଧମକ ପରେ ଭାରତ ଉପରେ ହୋଇଛି ବଡ଼ ଧରଣର ସାଇବର ଆଟାକ୍ । ଇସ୍ରାଇଲରେ ଥିବା ଭାରତୀୟ ଦୂତବାସ, ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଏଗ୍ରିକଲଚର ମ୍ୟାନେଜମେଂଟ୍ ଏବଂ କୃଷି ଗବେଷଣା କେନ୍ଦ୍ରର ଇ-ପୋର୍ଟାଲ ସମେତ ମୋଟ ୭୦ ଟି ସରକାରୀ ଏବଂ ଘରୋଇ ୱେବ୍ସାଇଟ୍ ଉପରେ ସାଇବର ଆକ୍ରମଣ କରିଛନ୍ତି ୧୩ ହଜାରରୁୁ ଅଧିକ ହ୍ୟାକର ।
Kanak News is now on WhatsApp
Join and get latest news updates delivered to you via WhatsApp
ମାଲେସିଆର ଡ୍ରାଗନ ଗ୍ରୁପ୍ର ହ୍ୟାକରମାେନେ ଆକ୍ରମଣ କରି ଏହି ଆକ୍ରମଣ କରିଥିବା ବେଳେ ଭାରତର ୫୦ରୁ ଅଧିକ ୱେବସାଇଟ୍ ଅଚଳ ହୋଇଯାଇଛି । ହ୍ୟାକରମାନେ ୱେବସାଇଟ୍ ଗୁଡିକୁ ହ୍ୟାକ୍ ଅଡିଓ ଏବଂ ମେସେଜରେ ‘ତୁମ ପାଇଁ ତୁମ ଧର୍ମ ଏବଂ ମୋ ପାଇଁ ମୋ ଧର୍ମ’ ବାର୍ତା ଦେଇଥିବା ଦେଖିବାକୁ ମିଳିଛି । ଏହା ସାରା ବିଶ୍ୱରେ ରହୁଥିବା ମୁସଲିମ ହ୍ୟାକରମାନେ ଏଭଳି କରିଥିବା ଜଣାପଡିଛି । ଇସ୍ରାଇଲରେ ଭାରତୀୟ ଦୂତାବାସ ଉପରେ ହୋଇଥିବା ଆକ୍ରମଣରେ କିଛି ସାଇଟ୍ ଏବେବି କାମ କରୁନାହିଁ । ହ୍ୟାକରମାନେ କିଛି ଦରକାରୀ କାଗଜପତ୍ର ଇଂଟରନେଟ୍ରେ ଛାଡିଦେଇଛନ୍ତିି । ୧୩ ହଜାରରୁ ଅଧିକ ହ୍ୟାକର ଥିବା ଏହି ଗ୍ରୁପ୍ ଏକ ବ୍ୟାଙ୍କ ୱେବସାଇଟ୍ ହ୍ୟାକ କରିବାକୁ ଚେଷ୍ଟା କରିଥିବା ସାଇବର ସୁରକ୍ଷା ଏକ୍ସପର୍ଟମାନେ କହିଛନ୍ତି । ତେବେ ପୁଣି ଏସବୁ ୱେବସାଇଟ୍କୁ ଠିକ୍ କରାଯାଇଥିବା ସରକାରୀ ସୂତ୍ରରୁୁ ସୂଚନା ମିଳିଛି ।
ନୁପୂର ଶର୍ମାଙ୍କ ବୟାନକୁ ନେଇ ଉଗ୍ର ରୂପ ଧାରଣ କରିଥିବା ବିକ୍ଷୋଭ ଧିରେ ଧିରେ ଶାନ୍ତ ପଡୁଛି । ହିଂସା ଭିଆଇଥିବା ବିକ୍ଷୋଭକାରୀଙ୍କ ଗିରଫଦାରୀ ସଂଖ୍ୟା ୫ ଶହ ଟପି ଯାଇଛି । ୫୦ରୁ ଅଧିକ ମାମଲା ରୁଜୁ ହୋଇଥିବା ପରିସ୍ଥତିକୁ ନିୟନ୍ତ୍ରଣ କରିବାକୁ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି ।
ଉତରପ୍ରଦେଶରେ ହିଂସାକାଣ୍ଡରେ ସାମିଲ ଥିବା ୩୩୩ ଜଣଙ୍କୁ ଯୁପି ପୁଲିସ ଗିରଫ କରିବା ସହ ୧୩ ଟି ମାମଲା ରୁଜୁ କରିଛି । ସେମାନଙ୍କ ମଧ୍ୟରୁ ପ୍ରୟୋଗରାଜରେ ୯୨, ସାହାରଙ୍ଗପୁରରେ ୮୧, ହାଥରସରେ ୫୧, ଆମ୍ବେଦକର ନଗରରେ ୪୧, ମୋରଦାବାଦରେ ୪୦ ଜଣ ଅଭିଯୁକ୍ତ ଅଛନ୍ତି । ପଶ୍ଚିମବଙ୍ଗର ହାଉଡା ଏବଂ ନଦିଆ ଅଂଚଳରେ ହୋଇଥିବା ହିଂସାକାଣ୍ଡରେ ସାମିଲ ଥିବା ୨୦୦ ଜଣଙ୍କୁ ଗିରଫ କରିବା ସହ ପୁଲିସ ୪୨ ଟି ମାମଲା ରୁଜୁ କରିଛି । ଏପଟେ ଥାନେରେ ନୂପୂରଙ୍କ ସମର୍ଥନରେ ସୋଶିଆଲ ମିଡିଆରେ ପୋଷ୍ଟ କରିଥିବା ଜଣେ ଯୁବକଙ୍କ ବିରୋଧରେ ମହାରାଷ୍ଟ୍ର ପୁଲିସ ମାମଲା ରୁଜୁ କରିଛି । କଡା କାର୍ଯ୍ୟାନୁଷ୍ଠାନ ପରେ ସବୁ ରାଜ୍ୟରେ ସ୍ଥିତି ନିୟନ୍ତ୍ରଣରେ ଥିବା ବେଳେ କୌଣସି ପ୍ରକାରର ଅପ୍ରତିକର ପରିସ୍ଥିତିକୁ ଏଡାଇବା ପାଇଁ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି ।