କନକ ବ୍ୟୁରୋ : କରୋନା ସଂକ୍ରମଣ ଆରମ୍ଭରୁ ଅନ୍ତର୍ଜାତୀୟ ବିମାନ ଚଳାଚଳ ଉପରେ ପର୍ଯ୍ୟାୟକ୍ରମେ ପ୍ରତିବନ୍ଧକ ଲାଗିଥଲା । ଏହାପରେ ଏବେ ପୁଣି ଡିସେମ୍ବର ୧୫ ରୁ ଏହି ଅନ୍ତର୍ଜାତୀୟ ବିମାନ ଚଳାଚଳ ସ୍ୱଭାବିକ ହୋଇପାରେ ବୋଲି ସୂତ୍ର ମାଧ୍ୟମରେ ସୂଚନା ମିଳିଛି । କୁହାଯାଇଛି କି ୧୪ ଟି ଦେଶକୁ ବାଦ ଦେଇ ବିଶ୍ୱର ଅନ୍ୟ ସମସ୍ତ ଦେଶ ସହ ଡିସେମ୍ବର ୧୫ ରୁ ଅନ୍ତର୍ଜାତୀୟ ବିମାନ ଚଳାଚଳ ଆରମ୍ଭ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଡିସେମ୍ବର ୧୫ ତାରିଖରୁ ୟୁକେ, ଫ୍ରାନ୍ସ, ଜର୍ମାନୀ, ନେଦରଲାଣ୍ଡ, ଫିନଲାଣ୍ଡ, ସାଉଥ ଆଫ୍ରିକା, ବ୍ରାଜିଲ, ଚୀନ, ମୋରିସନ, ସିଙ୍ଗାପୁର, ବାଂଲାଦେଶ, ବୋତସ୍ୱନା, ଜିମ୍ବାୱେ ଓ ନ୍ୟୁଜିଲାଣ୍ଡ ବ୍ୟତୀତ ଅନ୍ୟ ସମସ୍ତ ଦେଶକୁ ବିମାନ ଚଳାଚଳ କରିପାରେ । କରୋନା ଭୂତାଣୁ ସଂକ୍ରମଣକୁ ଦୃଷ୍ଟିରେ ରଖି ଏହି ୧୪ ଦେଶ ସହିତ ବିମାନ ଚଳାଚଳ ଉପରେ ପ୍ରତିବନ୍ଧକ ଲଗାଇଛନ୍ତି କେନ୍ଦ୍ର ସରକାର । ଅନ୍ୟପଟେ ଏୟାର ବବଲ ଏଗ୍ରିମେଣ୍ଟ କ୍ରମେ ଏହି ୧୪ ଟି ଦେଶସହ ପୂର୍ବଭଳି ବିମାନ ଚଳାଚଳ ଜାରି ରହିବ ।
୨୦୨୦ ମାର୍ଚ୍ଚ ମାସରେ ଭାରତରେ କରୋନା ସଂକ୍ରମଣ ଦେଖାଦେବା ପରେ ଅନ୍ତର୍ଜାତୀୟ ବିମାନ ଚଳାଚଳ ଉପରେ ସରକାର ପ୍ରତିବନ୍ଧକ ଲଗାଇଥିଲେ । ଏହାପରେ ବନ୍ଦେ ଭାରତ ଫ୍ଲାଇଟ୍ସ ଓ ବବଲ ଏଗ୍ରିମେଣ୍ଟ ମାଧ୍ୟମରେ ବିମାନ ସେବା ଆରମ୍ଭ କରାଯାଇଥିଲା ।
ଅନ୍ୟପଟେ ଡିସେମ୍ବର ମାସ ସୁଦ୍ଧା ଟିକାକରଣ କଭରେଜ ବୃଦ୍ଧି ପାଇବ । ଏପର୍ଯ୍ୟନ୍ତ ଦେଶର ୪୦ ପ୍ରତିଶତ ନାଗରିକଙ୍କୁ କରୋନା ଟିକାର ଉଭୟ ଖୋରାକ ଦିଆଯାଇ ସାରିଛି । ଅନୁମାନ କରାଯାଉଛି କି ବେସାମରିକ ବିମାନ ଚଳାଚଳ ବିଭାଗ ଗୃହ ଓ ସ୍ୱାସ୍ଥ୍ୟ ମନ୍ତ୍ରଣାଳୟ ସହ ଆଲୋଚନା କରି ଏଭଳି ନିଷ୍ପତ୍ତି ନେଇଛନ୍ତି ।