ଗ୍ରାମାଞ୍ଚଳରେ ନିର୍ମାଣ ହେବ ୫ କୋଟି ଘର । ୧କୋଟି ପରିବାରକୁ ମାସକୁ ମିଳିବ ୩୦୦ ୟୁନିଟ୍ ମାଗଣା ବିଜୁଳି ।
କନକ ବ୍ୟୁରୋ: ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ୍ ଭାଷଣରେ କହିଛନ୍ତି ଯେ, ମୋଦୀ ସରକାର ମଧ୍ୟମ ବର୍ଗଙ୍କୁ ନିଜର ଘର ନିର୍ମାଣ କରିବାକୁ ଏବଂ କିଣିବାକୁ ସାହାଯ୍ୟ କରିବାକୁ ବିଶେଷ ଯୋଜନା ଆରମ୍ଭ ହେବ । ରୁଫଟପ୍ ସୋଲାରାଇଜେସନ୍ ମାଧ୍ୟମରେ ଦେଶର ୧କୋଟିରୁ ଅଧିକ ପରିବାରଙ୍କୁ ମାସିକ ୩୦୦ ୟୁନିଟର ବିଜୁଳି ଶକ୍ତି ମାଗଣାରେ ମିଳିବ । ନିବେଶର ଆବଶ୍ୟକତାକୁ ପୂରଣ କରିବାକୁ ସରକାର ଆର୍ଥିକ କ୍ଷେତ୍ର ପ୍ରସ୍ତୁତ କରିବ । ଫଳରେ ଭାରତ ଅନ୍ୟ ଦେଶମାନଙ୍କ ପାଇଁ ଏକ ଗେମ୍ ଚେଞ୍ଜର ହୋଇପାରିବ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ନିର୍ମଳା ସୀତାରମଣ କହିଛନ୍ତି ଯେ, କୋଭିଡ୍ କାରଣରୁ ପ୍ରତିବନ୍ଧକ ସତ୍ତେ୍ୱ ପ୍ରଧାନମନ୍ତ୍ରୀ ଆବାସ ଯୋଜନା ଅନ୍ତର୍ଗତ ଘର ନିର୍ମାଣ କାମ ଜାରି ରହିଛି ଏବଂ ସରକାର ଏବେଯାଏଁ ୩ କୋଟି ଘର ନିର୍ମାଣ କରିବାର ଲକ୍ଷ୍ୟ ପାଖାପାଖି ପହଞ୍ଚିସାରିଛନ୍ତି । ଆସନ୍ତା ୫ ବର୍ଷରୁ ଆହୁରି ୨ କୋଟି ନୂଆ ଘର ନିର୍ମାଣ ହେବ । ଆସନ୍ତା ୫ ବର୍ଷରେ ଦେଶ ଅଭୂତପୂର୍ବ ବିକାଶ କରିବ । ସମସ୍ତଙ୍କ ଆଶା ଓ ଅଙ୍ଗନବାଡି କର୍ମଚାରୀଙ୍କୁ ଆୟୁଷ୍ମାନ ଯୋଜନାରେ ସାମିଲ କରାଯିବ ବୋଲି କହିଛନ୍ତି ନିର୍ମଳା ସୀତାରମଣ ।