ଡିଫେନ୍ସ ବଜେଟକୁ ନେଇ ଅର୍ଥମନ୍ତ୍ରୀଙ୍କ ଘୋଷଣା । ଜାଣନ୍ତୁ ଗତ ବଜେଟ୍ ତୁଳନାରେ ଚଳିତ ବଜେଟରେ ସାମରିକ ବ୍ୟୟ ଅଟକଳ କେତେ ପ୍ରତିଶତ ବୃଦ୍ଧି
କନକ ବ୍ୟୁରୋ : ଚଳିତ ସରକାରଙ୍କର ଶେଷ ବଜେଟ ଆଜି ଉପସ୍ଥାପିତ ହୋଇଛି । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିଛନ୍ତି । ବିଶେଷ କରି ଡିଫେନ୍ସ ବଜେଟ ଉପସ୍ଥାପନ କରି ଅର୍ଥମନ୍ତ୍ରୀ କହିଛନ୍ତି କି, ଆମ ସରକାର ଡିପ୍-ଟେକ ଟେକ୍ନୋଲୋଜୀ ନେଇ ଆସିବୁ । ଏହା ଦେଶର ଅତ୍ମନିର୍ଭରଶୀଳତା ବୃଦ୍ଧି କରିବ । ଡିପ୍-ଟେକ୍ ଟେକ୍ନୋଲୋଜୀ ଅର୍ଥାତ ବାୟୋଟେକ, କ୍ୱାଣ୍ଟମ୍, କମ୍ପ୍ୟୁଟରିଂ, ଏଆଇ ରୋବଟିକ୍ସ, ଆଡଭାନ୍ସ ମେଟେରିଅଲ, ଗ୍ରୀନ ଏନର୍ଜୀ, ଏରୋସ୍ପେଶ ଭଳି ଉଳି ଉଦ୍ୟୋଗକୁ ସହାୟତା ଯୋଗାଇବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେପଟେ କେବଳ ସାମରିକ କ୍ଷମତା ବୃଦ୍ଧି ନୁହେଁ, ସରକାର ସାମରିକ ବିଭାଗ ପାଇଁ ବ୍ୟୟ ଅଟକଳ ମଧ୍ୟ ବୃଦ୍ଧି କରିଛନ୍ତି । ଗତ ବଜେଟରେ ସାମରିକ ବିକାଶ ପାଇଁ ସରକାର ୬.୦୨ ଲକ୍ଷ କୋଟି ଟଙ୍କା ବ୍ୟୟ ଅଟକଳ କରିଥିବା ବେଳେ ଚଳିତ ବର୍ଷ ବଜେଟରେ ଏହାକୁ ସାମାନ୍ୟ ବୃଦ୍ଧି କରି ୬.୨୦ ଲକ୍ଷ କୋଟି ଟଙ୍କା କରିଛନ୍ତି । ଯାହା କି, ଗତବର୍ଷ ତୁଳନାରେ ୩.୪ ପ୍ରତିଶତ ବୃଦ୍ଧି କରିଛନ୍ତି । ଏହି ବୃଦ୍ଧି ଅର୍ଥରେ କର୍ମଚାରୀଙ୍କ ଦରମା ବୃଦ୍ଧି, ପେନସନ୍ ବୃଦ୍ଧି, ରିସର୍ଚ୍ଚ ଏବଂ ବିକାଶରେ ଅର୍ଥ ଖର୍ଚ୍ଚ କରାଯିବ ।