ଏମାନେ ପୃଥିବୀର ସବୁଠାରୁ ଭୟଙ୍କର ଜନଜାତି । ମଣିଷକୁ ହତ୍ୟା କରିବା ହେଉଛି ଏମାନଙ୍କର ମୁଖ୍ୟ ସଉକ
କନକ ବ୍ୟୁରୋ : ଦୁନିଆରେ ଅନେକ ରହସ୍ୟମୟ ଜନଜାତି ରହିଛନ୍ତି । ଏହି ଜନଜାତିଗୁଡିକ ନିଜର ପରମ୍ପରା, ଖାଦ୍ୟପେୟ ଓ ଚାଲି ଚଳଣୀକୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି । ଦୁନିଆରେ ରହୁଥିବା ଆଦିବାସୀ ପ୍ରଜାତିର ଜନଜାତି ଆଜି ବି ସେମାନେ ହଜରେ ବର୍ଷ ତଳର ପରମ୍ପରା ନିଭାଉଛନ୍ତି । ଏହି ଜନଜାତି ଯେଉଁ ଜଙ୍ଗଲରେ ରହନ୍ତି ସେହି ଜଙ୍ଗଲ ଉପରେ ସେମାନଙ୍କର ପୂର୍ଣ୍ଣ ଅଧିକାର ରହିଥାଏ । ସେଠିକାର ସରକାର ବି ଏହି ଜନଜାତିଙ୍କ ଅଧିକାର ଉପରେ ହସ୍ତକ୍ଷେପ କରନ୍ତି ନାହିଁ । ଦୁନିଆରେ ଏହି ଜନଜାତିଙ୍କ ମଧ୍ୟରୁ ଏକ ଭୟଙ୍କର ଜନଜାତି ରହିଛି । ଇଥୋପିଆରେ ଏହି ଜନଜାତିକୁ ମୁର୍ସି ଜନଜାତି ବୋଲି କୁହାଯାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଇଥୋପିଆରେ ରହୁଥିବା ଏହି ଜନଜାତର ଲୋକମାନେ ମଣିଷକୁ ହତ୍ୟା କରିବାକୁ ସବୁଠାରୁ ବହ ପୁରୁଷ ପଣିଆ ବୋଲି ଭାବିଥାନ୍ତି । ଏହି ଜନଜାତି ଦକ୍ଷିଣ ଇଥୋପିଆ ଓ ସୁଦାନ ସୀମାର ଓମାନ ଘାଟିରେ ରହିଥାନ୍ତି । ଏହି ଜନଜାତିର ଲୋକଙ୍କ ପାଖରେ ଏମିତି ଅସ୍ତ୍ରଶସ୍ତ୍ର ଥାଏ ଯାହା ସହାୟତାରେ ସେମାନେ ଗୋଟିଏ କ୍ଷଣରେ କୌଣସି ଲୋକଙ୍କୁ ହତ୍ୟା କରିପାରିବେ । ଏଣୁ ଏହି ଜନଜାତିକୁ ଦୁନିଆର ସବୁଠାରୁ ଭୟଙ୍କର ଜନଜାତି ବୋଲି ଗଣନା କରାଯାଏ ।
ମୁର୍ସି ଜନଜାତି ସେମାନଙ୍କର ଅଜବ ପରମ୍ପରା ଓ ପର୍ବକୁ ନେଇ ସାରା ଦୁନିଆରେ ଚର୍ଚ୍ଚାରେ ରୁହନ୍ତି । ଏହି ଜନଜାତିର ମହିଳାମାନଙ୍କ ତଳ ଓଠରେ କାଠ କିମ୍ବା ମାଟିର ଏକ ବଡ ପାତ୍ର ପିନ୍ଧାଇ ଦିଆଯାଇଥାଏ । ଅନ୍ୟ ଲୋକମାନଙ୍କ ଖରାବ ନଜରରୁ ମହିଳାମାନଙ୍କୁ ରକ୍ଷା କରିବାକୁ ଏଭଳି କରାଯାଇଥାଏ । ସେମାନେ ମାନିଥାନ୍ତି କି ଏଭଳି କରିବା ଦ୍ୱାରା ମହିଳାମାନଙ୍କର ସୌନ୍ଦର୍ଯ୍ୟତା କମିଯାଇଥାଏ ଓ ଅନ୍ୟ ପୁରୁଷମାନେ ସେମାନଙ୍କ ପ୍ରତି ଆକର୍ଶଣ କମିଥାଏ ।
ମୁର୍ସି ଜନଜାତିର ଲୋକସଂଖ୍ୟା ପାଖାପାଖି ୧୦ ହଜାର ହେବ । ଏହି ଜନଜାତିର ଲୋକ ବିଶ୍ୱାସ କରିଥାନ୍ତି କି ଜଣେ ଅନ୍ୟ ଜଣଙ୍କୁ ହତ୍ୟା ନକରି ବଞ୍ଚିବାର ମାନେ କିଛି ନାହିଁ । ଏହି ଜନଜାତିର ଲୋକ ଶହ ଶହ ଲୋକଙ୍କୁ ହତ୍ୟା କରିଥାନ୍ତି । ଯେଉଁଲୋକମାନେ ମୁର୍ସି ଜନଜାତିର ଲୋକଙ୍କ ବିନା ଅନୁମତିରେ ସେମାନଙ୍କ କ୍ଷେତ୍ରକୁ ପ୍ରବେଶ କରେ ତ ସେମାନେ ତାଙ୍କୁ ହତ୍ୟା କରିଥାନ୍ତି ।
ମୁର୍ସି ଜନଜାତିର ଏଭଳି ହିଂସକ ବ୍ୟବହାର ପାଇଁ ଇଥୋପିଆ ସରକାର ସେମାନଙ୍କ ସହିତ ସଂପର୍କ କରିବା ଉପରେ ପ୍ରତିବନ୍ଧକ ଲଗାଇଛନ୍ତି । ଯଦି କୌଣସି ବିଦେଶୀ କିମ୍ବା ରାଷ୍ଟ୍ରମୁଖ୍ୟ ଇଥୋପିଆର ଜନଜାତିଙ୍କୁ ଦେଖିବାକୁ ଇଚ୍ଛା କରନ୍ତି ତେବେ ଇଥୋପିଆ ସରକାର ପୁରା ସେନାବାହିନୀ ସହ ସେମାନଙ୍କୁ ମର୍ସି ଜନଜାତି କ୍ଷେତ୍ରକୁ ପଠାଇଥାନ୍ତି ।