କନକ ବ୍ୟୁରୋ : ପାକିସ୍ତାନରେ ଏବେ ପାକିସ୍ତାନ ସୁପର ଲିଗ୍ ଖେଳାଯାଉଛି । ଟି-୨୦ ଫର୍ମାଟରେ ଖେଳାଯାଉଥିବା ଏହି ଲିଗରେ ଅନେକ ରୋମାଞ୍ଚକର ମୁକାବିଲା ଦେଖିବାକୁ ମିଳୁଛି । ତେବେ ଏହି ମ୍ୟାଚରେ ଖେଳାଳୀଙ୍କ ମଧ୍ୟରେ ହୋଇଥିବା କିଛି ବାର୍ତ୍ତାଳପ ଏବେ ସାମ୍ନାକୁ ଆସିଛି । ଲାହୋର କଲର୍ନ୍ଦସ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ଯେଉଁ ଭିଡ଼ିଓ ଛାଡିଛି ସେଥିରେ ବାବର ଓ ହାରିସ ରଉଫ କଥା ହେଉଥିବାର ଦେଖିବାକୁ ମିଳିଛି ।

Advertisment

ଭାଇରାଲ ହେଉଥିବା ଭିଡ଼ିଓରେ ବିରାଟଙ୍କ ୱିକେଟ ନେବାକୁ ଚାହୁଁଥିବା କହୁଛନ୍ତି ହାରିସ । ଏପରିକି ବାବରଙ୍କ ୱିକେଟ ମଧ୍ୟ ସେ ନେବାକୁ ଇଚ୍ଛୁକ ବୋଲି କହୁଥିବାର ଦେଖିବାକୁ ମିଳିଛି । ପଞ୍ଜାବୀ ଭାଷାରେ ଏହି ବାର୍ତ୍ତାଳାପ ହେଉଥିବା ବେଳେ ବାବର କହୁଛନ୍ତି ତୁମେ ତ ମୋତେ ପ୍ରାକ୍ଟିସ ମ୍ୟାଚରେ ଆଉଟ କରିଛ । ତେଣୁ ଏହାକୁ ହିସାବରେ ଗଣିନିଅ । ହାରିସ କହୁଛନ୍ତି ପ୍ରାକ୍ଟିସ ନୁହେଁ ମ୍ୟାଚରେ ୱିକେଟ ନେଇ ଏହାକୁ ନିଜର ତାଲିକାରେ ସାମିଲ କରିବି । ଆଉ ପ୍ରତିବଦଳରେ ହାରିସଙ୍କୁ ବାବର ଶୁଭେଚ୍ଛା ଦେଉଥିବାର ଦେଖିବାକୁ ମିଳିଛି ।

ହାରିସ ରଉଫ ସେହି ବୋଲର ଯାହାଙ୍କୁ ଟି-୨୦ ବିଶ୍ୱକପରେ ଗୋଟିଏ ଓଭରରେ ୨ଟି ଛକା ମାରିଥିଲେ । ଆଉ ଭାରତ ଏହି ହାଇଭୋଲଟେଜ ମ୍ୟାଚରେ ବିଜୟୀ ହୋଇଥିଲା । ହାରିସଙ୍କ ଓଭରରେ ବିରାଟ ଯେଉଁ ଢଙ୍ଗରେ ଛକା ମାରିଥିଲେ ତାହା କ୍ରିକେଟପ୍ରେମୀଙ୍କୁ ଆଶ୍ଚର୍ଯ୍ୟଚକିତ କରିଥିଲା ।