୫-ଟି ସଚିବଙ୍କୁ ସତ୍ୟବାଦୀରେ କାଳିମାଡ । ମିଳିଲା କାଳିମାଡ କରିଥିବା ଯୁବକଙ୍କ ପରିଚୟ ।

କନକ ବ୍ୟୁରୋ : ସତ୍ୟବାଦୀରେ ୫-ଟି ସଚିବଙ୍କୁ କାଳିମାଡ କରିଥିବା ଅଭିଯୁକ୍ତ ଯୁବକଙ୍କ ପରିଚୟ ମିଳିଛି । କାଳିମାଡ କରୁଥିବା ଯୁବକ ଜଣକ ହେଉଛନ୍ତି କଣାସ ଅଞ୍ଚଳର ଭାସ୍କର ସାହୁ । ଏଲଆଇସି ଏଜେଣ୍ଟ ଭାବେ କାମ କରନ୍ତି ଭାସ୍କର । ୫-ଟି ସଚିବଙ୍କୁ କାଳିମାଡ କରିବା ପରେ ଭାସ୍କରଙ୍କୁ ପୋଲିସ କାବୁ କରିବା ସହ ନିଜ ହେପାଜତରେ ରଖିଛି ।

ଆଜି ପୁରୀ ଗସ୍ତର ଦ୍ୱିତୀୟ ଦିନରେ ସତ୍ୟବାଦୀରେ ପହଞ୍ଚିଥିଲେ ୫-ଟି ସଚିବ ଭି.କେ ପାଣ୍ଡିଆନ । ସତ୍ୟବାଦୀର ୟୁଜିଏସ କଲେଜ ପରିସରରେ ଆୟୋଜିତ କାର୍ଯ୍ୟକ୍ରମକୁ ଯାଉଥିବା ବେଳେ ୫-ଟି ସଚିବଙ୍କୁ କାଳିମାଡ କରିଥିଲେ ଭାସ୍କର । କେବଳ ୫-ଟି ସଚିବ ନୁହଁନ୍ତି ଜିଲ୍ଲାପାଳଙ୍କୁ ମଧ୍ୟ କାଳିମାଡ କରାଯାଇଛି ।