ଦେଶରେ ଇନଫ୍ଲ୍ୟୁଏଞ୍ଜା ଭାଇରସରେ ଗଲାଣି ୭ଜଣଙ୍କ ଜୀବନ। ନୂଆ ଭାରିଆଣ୍ଟ ଏକ୍ସିବିବି.୧.୧୬ ଯୋଗୁଁ ଦେଶରେ କୋଭିଡ ସଂକ୍ରମଣ ବୃଦ୍ଧି।

କନକ ବ୍ୟୁରୋ: ଇନଫ୍ଲ୍ୟୁଏଞ୍ଜା-ଏ ଭୂତାଣୁକୁ ନେଇ ଏବେ ଲୋକେ ଚିନ୍ତିତ ଥିବା ବେଳେ କୋଭିଡର ଆଉ ଏକ ନୂଆ ଭ୍ୟାରିଆଣ୍ଟ ଆସିଛି । ଗତ ୧୦ ଦିନ ମଧ୍ୟରେ ୬୦ ପ୍ରତିଶତ ସଂକ୍ରମଣ ଦେଶରେ ବଢିଛି । ଗତ ମାର୍ଚ୍ଚ ୧ ତାରିଖରେ ଭାରତରେ ଦୈନିକ ସଂକ୍ରମଣ ୨୦୦ ଥିବା ବେଳେ ଏବେ ୬୦୦ ଟପିଗଲାଣି । ଏହା ବଢିବାର କାରଣ ହେଉଛି କୋଭିଡଏ ନୂଆ ଭ୍ୟାରିଆଣ୍ଟ ‘ଏକ୍ସବିବି.୧.୧୬’ । ଭାରତ ସମେତ ଅନ୍ୟ ଦେଶଗୁଡିକର ମଧ୍ୟ କୋଭିଡର ଏହି ନୂଆ ଭାରିଆଣ୍ଟ ଯୋଗୁ ପୁଣି ସଂକ୍ରମଣ ବଢୁଥିବା ଦେଖିବାକୁ ମିଳୁଛି । ଭାରତରେ ୪୮, ବ୍ରୁନେଇରେ ୨୨ , ଆମେରିକାରେ ୧୫, ସିଙ୍ଗାପୁରରେ ୧୪ ଜଣ ଲେଖାଏଁ ନୂଆ ଭ୍ୟାରିଆଂଟ ‘ଏକ୍ସବିବି.୧.୧୬’ ସଂକ୍ରମିତ ଥିବା ସୂଚନା ମିଳିଛି ।

ପୂର୍ବ ଭାରିଆଣ୍ଟ ଅପେକ୍ଷା ନୂଆ ପ୍ରଜାତି ‘ଏକ୍ସବିବି.୧.୧୬’ ଅଧିକ ଦ୍ରୃତ ଗତିରେ ବ୍ୟାପୁଥିବାରୁ ସଂକ୍ରମଣ ଆହୁରି ବଢିବାର ଆଶଙ୍କା ସୃଷ୍ଟି ହୋଇଛି । ମହାରାଷ୍ଟ୍ର, ଉତ୍ତରପ୍ରଦେଶ, ଗୁଜରାଟରେ କୋଭିଡର ଏହି ନୂଆ ଭାରିଆଣ୍ଟ ଚିହ୍ନଟ ହୋଇଛି ।