ବେବୋଙ୍କ ପରେ ଏବେ ଭାଇଜାନ୍ ଙ୍କ ପାଳି ! କରୀନାଙ୍କ ପରେ ଏବେ ସଲମାନଙ୍କୁ ଏହି ଲୋକସଭା ସିଟ୍ ରେ ନିର୍ବାଚନ ପାଇଁ ଆଣିବା ଲକ୍ଷରେ କଂଗ୍ରେସ । 

ମଧ୍ୟପ୍ରଦେଶର ରାଜଧାନୀ ଭୋପାଲରେ ବଲିଉଡ୍ ଅଭିନେତ୍ରୀ କରିନା କପୁରଙ୍କ ପରେ ଏବେ ଇନ୍ଦୋରରୁ କଂଗ୍ରେସ ପାଇଁ ବଲିଉଡର ଦବଙ୍ଗ ବୋଲାଉଥିବା ଅଭିନେତା ସଲମାନ୍ ଖାନ୍ ନିର୍ବାଚନକୁ ଆଣିବା ପାଇଁ ପ୍ରସ୍ତୁତି ଚାଲିଛି । କଂଗ୍ରେସ ପ୍ରଦେଶ ସଚିବ ରାକେଶ ଯାଦବ ବୟାନ ଦେଇଥିଲେ ଯେ ସଲମାନଙ୍କ ନାଁରେ କଂଗ୍ରେସ ପାର୍ଟିରେ ଏବେ ମନ୍ଥନ ଚାଲିଛି । ପ୍ରଦେଶ ସଚିବଙ୍କ କହିବାନୁସାରେ ସଲମାନ୍ ଖାନ୍ ଯଦି ନିର୍ବାଚନ ଲଢିବେ ତେବେ ଇନ୍ଦୋରର ଯୁବକମାନଙ୍କୁ ସିନେମା ଜଗତରେ କାମ କରିବା ପାଇଁ ସୁଯୋଗ ମିଳିବ । ସଲମାନଙ୍କ ଜନ୍ମ ମଧ୍ୟ ଇନ୍ଦୋରରେ ହିଁ ହୋଇଛି ।

ଏହା ପୂର୍ବରୁ ପଟୌଦି ବଂଶର ବୋହୂ କରିନା କପୁର ଖାନ୍ ମଧ୍ୟ ଭୋପାଲରୁ ନିର୍ବାଚନ ଲଢିବା ପାଇଁ କଥା ଉଠିଥିଲା । କରିନାଙ୍କୁ ଭୋପାଲ ଲୋକସଭା ସିଟରୁ କଂଗ୍ରେସ ପାଇଁ ଟିକେଟ୍ ଦିଆଯିବାକୁ ଚର୍ଚ୍ଚା ରହିଛି । ପାର୍ଟି ଏଭଳି କିଛି ସେଲିବ୍ରିଟି ନେତା ଚାହୁଁଛନ୍ତି ଏବଂ ଏଥିପାଇଁ ପାର୍ଟି ସଦସ୍ୟ ହାଇକମାଣ୍ଡ ରାହୁଲ ଗାନ୍ଧୀଙ୍କୁ ମଧ୍ୟ ଅବଗତ କରାଇ ସାରିଛନ୍ତି ।