ଆସନ୍ତାକାଲି ସୀମାରେ ହେବ ଭାରତ-ଚୀନ ସେନା ସ୍ତରୀୟ ବୈଠକ । ପ୍ରକୃତ ନିୟନ୍ତ୍ରଣ ରେଖାର ମୋଲ୍ଡୋ ଠାରେ ହେବ ୧୨ ତମ କମାଣ୍ଡର ମିଟିଂ
କନକ ବ୍ୟୁରୋ: ଶନିବାର ହେବ ଭାରତ–ଚୀନ ମଧ୍ୟରେ ୧୨ ତମ କମାଣ୍ଡର ସ୍ତରୀୟ ବୈଠକ । ଲଦାଖ ସେକ୍ଟରରେ ଏହି ବୈଠକ ବସିବାକୁ ଯାଉଛି । ପ୍ରକୃତ ନିୟନ୍ତ୍ରଣ ରେଖାରେ ଥିବା ମୋଲ୍ଡୋ ଠାରେ ଏହି ବୈଠକ ହେବାକୁ ଯାଉଛି । ଶନିବାର ସକାଳ ୧୦ଟା ୩୦ରେ ଏହି ଆଲୋଚନା ହେବାକୁ ସ୍ଥିର ହୋଇଛି । ଦୁଇ ଦେଶର ସେନା ମଧ୍ୟରେ ଶେଷ ଥର ଆଲୋଚନା ଏପ୍ରିଲ ୯ ତାରିଖରେ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବିବାଦୀୟ କ୍ଷେତ୍ରରୁ ସେନା ପ୍ରତ୍ୟାହାର ନେଇ ଅନେକ ଥର ଆଲୋଚନା ହୋଇଥିଲେ ବି କୌଣସି ଫଳ ମିଳିନାହିଁ । ହଟ୍ ସ୍ପ୍ରିଙ୍ଗ ଓ ଗୋଗ୍ରା ଅଂଚଳରେ ଏବେ ବି ମୁହାଁମୁହିଁ ପରିସ୍ଥିତିରେ ରହିଛନ୍ତି ପିଏଲଏ ଓ ଭାରତୀୟ ସେନା । ପୂର୍ବ ଆଲୋଚନା ପରେ ପେଙ୍ଗୟୋଙ୍ଗ ସ୍ତୋ ଠାରୁ ଚାଇନା ନିଜ ଶସସ୍ତ୍ର ସେନାବାହିନୀ ପ୍ରତ୍ୟା କରିଥିଲା । ତେବେ ଶନିବାର ଆଲୋଚନାରେ ହଟ୍ ସ୍ପ୍ରିଙ୍ଗ ଓ ଗୋଗ୍ରା ବିବାଦୀୟ କ୍ଷେତ୍ର ନେଇ କମାଣ୍ଡର ସ୍ତରୀୟ ବୈଠକରେ ଆଲୋଚନା ହେବ ବୋଲି ସୂଚନା ମିଳିଛି ।