ଗୁଳିମାଡରେ ଥରିଲା ଥାଇଲାଣ୍ଡ। ଚିଲଡ୍ରେନ ଡେ କେୟାର ସେଣ୍ଟରରେ ଗୁଳିମାଡରେ ୩୦ରୁ ଅଧିକ ମୃତ।
କନକ ବ୍ୟୁରୋ: ଗୁୁରୁବାର ସକାଳୁ ସକାଳୁ ଗୁଳିମାଡରେ ଥରିଛି ଥାଇଲାଣ୍ଡ । ଥାଇଲାଣ୍ଡର ନୋଙ୍ଗ ବୁଆ ଲାମ୍ପୁ ପ୍ରାନ୍ତରେ ଥିବା ଏକ ଚିଲଡ୍ରେନ ଡେ କେୟାର ସେଣ୍ଟରରେ କୁନି କୁନି ପିଲା ସେମାନଙ୍କ ଅଭିଭାବକ.ଶିକ୍ଷକଙ୍କ ସମେତ ଶହେରରୁ ଅଧିକ ଲୋକଙ୍କ ଉପରେ ଗୁଳିମାଡ ହୋଇଛି । ହଠାତ ଜଣେ ଆତତାୟୀ ସେଠାରେ ପହଞ୍ଚି ଆଖିବୁଜା ଗୁଳିମାଡ କରିଥିଲେ । କେହି କିଛି ବୁଝିବା ଆଗରୁ ରକ୍ତର ହୋଲିରେ ବୁଡିଯାଇଥିଲା ଚାଇଲ୍ଡ ସେଣ୍ଟର । ଚାଇଲ୍ଡ କେୟାର ସେଣ୍ଟରରେ ହୋଇଥିବା ଆଖିବୁଜା ଗୁଳିମାଡରେ ଏବେ ସୁଦ୍ଧା ୩୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ଜଣାପଡିଛି । ମୃତକଙ୍କ ମଧ୍ୟରୁ ଅଧିକାଂଶ ଶିଶୁ ରହିଛନ୍ତି । ଭୟଙ୍କର ଗୁଳିମାଡରେ ମୃତ୍ୟୁ ସଂଖ୍ୟା ଅଧିକ ବୃଦ୍ଧି ପାଇବା ଆଶଙ୍କା ରହିଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସ କହିଛି, ଗୁଳିମାଡ କରିଥିବା ବ୍ୟକ୍ତି ଜଣଙ୍କ ଜଣେ ପୂର୍ବତନ ପୋଲିସ ଅଧିକାରୀ । ନିକଟରେ ତାଙ୍କୁ ଚାକିରିକୁ ନିଲମ୍ବିତ କରାଯାଇଥିଲା । ତେବେ ଏହି ଆତତାୟୀ କେବଳ ଚିଲଡ୍ରେନ ଡେ କେୟାର ସେଣ୍ଟର ଉପରକୁ ଗୁଳିମାଡ କରିନି ବରଂ ନିଜ ପତ୍ନୀ, ପିଲାଙ୍କୁ ମଧ୍ୟ ଗୁଳିମାଡ କରିବା ପରେ ନିଜ ଉପରେ ମଧ୍ୟ ଫାୟରିଂ କରିଥିଲା ।
ତେବେ କେଉଁ ପରିସ୍ଥିତିରେ ଓ କେଉଁଁ କାରଣ ପାଇଁ ଗୁଳିମାଡ କରାଯାଇଛି ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ସେପଟେ ଥାଇଲ୍ୟାଣ୍ଡ ପ୍ରଧାନମନ୍ତ୍ରୀ ଘଟଣାରେ ଦୁଖ ପ୍ରକାଶ କରିବା ସହ ସମସ୍ତ ସୁରକ୍ଷା ଏଜେନ୍ସିକୁ ଆର୍ଲଟରେ ରଖିଛନ୍ତି । ।