କନକ ବ୍ୟୁରୋ : ଧିରେଧିରେ ଦେଶର ବିମାନସେବାରେ ବାରମ୍ବାର ତୃଟି ପରିଲକ୍ଷିତ ହେଉଛି । ଗତକାଲି ଇଣ୍ଡିଗୋ ବିମାନରେ ଏକ ଅଘଟଣ ଦେଖିବାକୁ ମିଳିଥିବା ବେଳେ ୨୪ ଘଣ୍ଟା ନପୁରୁଣୁ ପୁଣି ଇଣ୍ଡିଗୋ ବିମାନକୁ ଜରୁରୀ ଅବତରଣ କରିବାକୁ ପଡିଛି । ହାଇଦ୍ରାବାଦରୁ ଶାରଜାହ ଯାଉଥିବା ଇଣ୍ଡିଗୋ ବିମାନରେ ତୃଟି ଦେଖାଦେବାରୁ ବିମାନଟିକୁ କରାଚୀରେ ଜରୁରୀ ଅବତରଣ କରାଯାଇଛି । ଏବେ ବିମାନର ତୃଟି ନେଇ କରାଚୀ ବିମାନ ବନ୍ଦରରେ ଯାଂଚ କରାଯାଉଛି । ସେପଟେ ଯାତ୍ରୀମାନଙ୍କୁ ସେମାନଙ୍କ ଗନ୍ତବ୍ୟ ସ୍ଥଳରେ ପହଂଚାଇବାକୁ ଇଣ୍ଡିଗୋ ପକ୍ଷରୁ ଆଉ ଗୋଟିଏ ବିମାନକୁ କରାଚୀ ପଠାଇବାକୁ ଯୋଜନା କରୁଥିବା କଥା କୁହାଯାଉଛି ।
ଇଣ୍ଡିଗୋ ପକ୍ଷରୁ ଜାରୀ କରାଯାଇଥିବା ବୟାନରେ କୁହାଯାଇଛି କି, ଶାରଜାହ-ହାଇଦ୍ରାବାଦ ଉଡାଣ ବେଳେ ବିମାନରେ କିଛି ତୃଟି ଦେଖିବାକୁ ପାଇଥିଲେ ପାଇଲଟ । ଏନେଇ କଣ୍ଟ୍ରୋଲ ରୁମକୁ ସୂଚନା ଦେବା ପରେ ବିମାନର ଦିଗ ବଦଳାଇ ଏହାକୁ ତୁରନ୍ତ କରାଚୀରେ ଅବତରଣ କରିବାକୁ କଣ୍ଟ୍ରୋଲ ରୁମ ପକ୍ଷରୁ ନିର୍ଦ୍ଦେଶ ମିଳିଥିଲା । କହିରଖୁ କି ଏହା ପୂର୍ବରୁ ଜୁଲାଇ ୫ ତାରିଖରେ ସ୍ପାଇସଜେଟ ବିମାନରେ ବି ସମାନ ତୃଟି ଦେଖିବାକୁ ମିଳିଥିଲା । ଦିଲ୍ଲୀରୁ ଦୁବାଇ ଯାଉଥିବା ଏକ ବିମାନରେ ତୃଟି ଦେଖାଦେବାରୁ ଏହାକୁ ତୁରନ୍ତ କରାଚୀରେ ଅବତରଣ କରାଯାଇଥିଲା ।
IndiGo Sharjah-Hyderabad flight diverted to Pak’s Karachi after pilot reported technical defect in the aircraft which is being examined at the airport.Airline is planning to send another aircraft to Karachi.
This is the 2nd Indian airline to make a landing in Karachi in 2 weeks pic.twitter.com/XbUcgNOzBs
— ANI (@ANI) July 17, 2022
ଏସବୁ ଭିତରେ ଭାରତରୁ ଅପରେଟ ହେଉଥିବା ବିମାନରେ ଯାତ୍ରୀଙ୍କ ସୁରକ୍ଷା ନେଇ ପ୍ରଶ୍ନ ଉଠିଛି । ଗତ କିଛିଦିନ ହେବ ଭାରତର ୩ ପ୍ରମୁଖ ଏୟାରଲାଇନ ସ୍ପାଇସଜେଟ, ବିସ୍ତରା ଓ ଇଣ୍ଡିଗୋ ବିମାନରେ ଲଗାତର ତୃଟି ଦେଖିବାକୁ ମିଳୁଛି । ଏହାକୁ ନେଇ ଏବେ ଚିନ୍ତାରେ ବିମାନ ଯାତ୍ରୀ ।