ଓଏଏସ୍ ଅଧିକାରୀଙ୍କ ଘରେ ଆଦିବାସୀ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ : ଅଧିକାରୀଙ୍କ ଭୁବନେଶ୍ୱର ଘରେ ଚଢ଼ାଉ କରି ଖାଲି ହାତରେ ଫେରିଲା ପୋଲିସ
ଅଧିକାରୀଙ୍କ ଶ୍ୱଶୁର ସମ୍ପର୍କ ରଖିବା ସହ ଜୀବନରୁ ମାରିଦେବାକୁ ଦେଇଥିଲେ ଧମକ
କନକ ବ୍ୟୁରୋ : ଆଦିବାସୀ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ । ଓଏଏସ ଅଧିକାରୀଙ୍କ ଘରେ କାମଧନ୍ଦା କରୁଥିବା ଆଦିବାସୀ ନାବାଳିକାଙ୍କ ସହ ଦୁଷ୍କର୍ମ ହୋଇଥିବା ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନାରେ ଅଭିଯୋଗ ହୋଇଛି । ପୀଡିତା ନାବାଳିକା ଜଣଙ୍କ ଏବେ ୫ ମାସର ଗର୍ଭବତୀ ଥିବା ଜଣାପଡିଥିବା ବେଳେ ବାଲିଚନ୍ଦ୍ରପୁର ପୁଲିସ ଘଟଣାର ତଦନ୍ତ କରୁଛି । ନାବାଳିକା ଜଣଙ୍କ ଭୁବନେଶ୍ୱର ମହାନଗର ନିଗମରେ କାର୍ଯ୍ୟରତ ପ୍ରମୋଦ ପୃଷ୍ଟିଙ୍କ ଘରେ କାମ କରୁଥିଲେ । ଏଥିପାଇଁ ତାଙ୍କୁ ମାସକୁ ୩ ହଜାର ଟଙ୍କା ଦରମା ଦେଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ନାବାଳିକା ଜଣଙ୍କ ଓଏଏସ ବାବୁଙ୍କ ଘରେ କାମ କରୁଥିବା ବେଳେ ତାଙ୍କ ଶ୍ୱଶୁର ପ୍ରଫୁଲ୍ଲ ତାଙ୍କ ସହ ଦୁଷ୍କର୍ମ କରିଛନ୍ତି । ଏବଂ ଏକଥା କାହାକୁ କହିଲେ ଛାତରୁ ତଳକୁ ପେଲି ମାରି ଦେବାର ଧମକ ଦେଇଥିବା ନାବାଳିକାଙ୍କ ପରିବାର ପକ୍ଷରୁ ହୋଇଥିବା ଏତଲାରେ ଦର୍ଶା ଯାଇଛି । ଥାନାରେ ଲିଖିତ ଏତଲା ଦିଆଯିବା ପରେ ପୁଲିସ ପକ୍ଷରୁ ନାବାଳିକାଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଛି । ଏହାସହ ବାଲିଚନ୍ଦ୍ରପୁର ପୁଲିସ ଏହି ମାମଲାରେ ଭୁବନେଶ୍ୱର ଶୈଳଶ୍ରୀ ବିହାର ସ୍ଥିତ ପ୍ରମୋଦ ପୃଷ୍ଟିଙ୍କ ଘରେ ଚଢା କରିଥିଲେ ମଧ୍ୟ ଖାଲି ହାତରେ ଫେରିଛି ।