କରୋନାରେ ଭାରତର ଅଲୋଡା ରେକର୍ଡ : ବିଶ୍ୱରେ ସର୍ବାଧିକ ସଂକ୍ରମିତ ରାଷ୍ଟ୍ର ତାଲିକାରେ ବ୍ରାଜିଲକୁ ହଟାଇ ଦ୍ୱିତୀୟ ସ୍ଥାନରେ ଭାରତ ; ମହାମାରୀ ଜନିତ ମୃତ୍ୟୁ ମାମଲାରେ ତୃତୀୟ ଦେଶ
କନକ ବ୍ୟୁରୋ : କରୋନା ସଂକ୍ରମଣ ମାମଲାରେ ଭାରତ ପୁଣି ଅଲୋଡା ରେକର୍ଡ କରିଛି । ୱାର୍ଲଡୋ ମିଟରର ତଥ୍ୟ ଅନୁସାରେ ବିଶ୍ୱର ସର୍ବାଧିକ ସଂକ୍ରମିତ ଦେଶ ତାଲିକାରେ ଭାରତ ଏବେ ବ୍ରାଜିଲକୁ ହଟାଇ ଦ୍ୱିତୀୟ ସ୍ଥାନରେ ପହଂଚିଛି । କରୋନା ଆକ୍ରାନ୍ତ ତାଲିକାରେ ଭାରତ ଉପରେ ଏବେ କେବଳ ଆମେରିକା ରହିଛି । ପୂର୍ବରୁ ଭାରତ ସକ୍ରିୟ ସଂକ୍ରମିତ ତାଲିକାରେ ବିଶ୍ୱର ଦ୍ୱିତୀୟ ଥିବା ବେଳେ ଏବେ ପଜିଟିଭ ମାମଲାରେ ମଧ୍ୟ ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛି । ଭାରତରେ ମୋଟ ସଂକ୍ରମିତଙ୍କ ସଂଖ୍ୟା ୪୧ ଲକ୍ଷ ୯ ହଜାର ୪୭୬ ପହଂଚିଛି । ବ୍ରାଜିଲରେ ଏବେ ୪୦ ଲକ୍ଷ ୯୩ ହଜାର ୫୮୬ ପଜିଟିଭ ମାମଲା ଚିହ୍ନଟ ହୋଇଥିବା ୱାର୍ଲଡୋମିଟର କହୁଛି । ସେହିପରି ସର୍ବାଧିକ ସଂକ୍ରମିତ ଚିହ୍ନଟ ହୋଇଥିବା ଆମେରିକାରେ ପଜିଟିଭ ସଂଖ୍ୟା ୬୪ଲକ୍ଷ ୧୦ହଜାର ୨୯୫ ରହିଛି । ସେହିପରି ବିଶ୍ୱରେ ସକ୍ରିୟ ସଂକ୍ରମିତ ତାଲିକାରେ ଶୀର୍ଷରେ ଆମେରିକା, ଦ୍ୱିତୀୟରେ ଭାରତ ଓ ତୃତୀୟରେ ରହିଛି ବ୍ରାଜିଲ ।
Kanak News is now on WhatsApp
Join and get latest news updates delivered to you via WhatsApp
ଆମେରିକାରେ ସଂକ୍ରିୟ ସଂକ୍ରମିତଙ୍କ ସଂଖ୍ୟା ୨୫ଲକ୍ଷ ୭୪ ହଜାର ୨୪୩କୁ ବୃଦ୍ଧିପାଇଛି, ଭାରତରେ ୮୬ ଲକ୍ଷ ୧ହଜାର ୧୩୬ ସକ୍ରିୟ ସଂକ୍ରମିତ ଥିବା ବେଳେ ବ୍ରାଜିଲରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୬୮ ଲକ୍ଷ ୯ ହଜାର ୬୮୪ । ତେବେ କରୋନା ଜନିତ ମୃତ୍ୟୁ ସଂଖ୍ୟାରେ ଭାରତ ତୃତୀୟ ସ୍ଥାନରେ ରହିଛି । ଆମେରିକାରେ କରୋନା ୧ଲକ୍ଷ ୯୨ ହଜାର ୪୨୫ ମୁଣ୍ଡ ନେଇଥିବା ବେଳେ ବ୍ରାଜିଲରେ ମହାମାରୀ ଭୁତାଣୁରେ ୧ଲକ୍ଷ ୨୫ ହଜାର ୬୫୯ ଜଣଙ୍କ ଜୀବନ ଯାଇଛି । ସେହିପରି ଭାରତରେ କରୋନାରେ ୭୦ ହଜାର ୬୭୩ ଜଣଙ୍କ ମୃତ୍ୟୁ ହୋଇଛି ।