ଦେଶରେ କମୁଛି କରୋନା ଦ୍ୱିତୀୟ ଲହରର ପ୍ରଭାବ : ୨୪ଟି ରାଜ୍ୟରେ କମିଛି ସଂକ୍ରମଣ ହାର, ସୁସ୍ଥହାର ୯୦ %କୁ ବୃଦ୍ଧି
କନକ ବ୍ୟୁରୋ : ଦେଶରେ କମୁଛି କରୋନା ଦ୍ୱିତୀୟ ଲହରର ପ୍ରଭାବ । ଏହା କହିଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ । ସମୟ ଆସିଲେ କଟକଣା କୋହଳ ପାଇ ନିଆଯାଇପାରେ ନିଷ୍ପତି । କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି ୨୪ଟି ରାଜ୍ୟରେ ଦେଶରେ ସଂକ୍ରମଣ କମୁଛି । ଗତ କିଛି ଦିନ ହେଲା ଲଗାତାର ଦେଶରେ ସଂକ୍ରମଣ ୩ ଲକ୍ଷ ତଳେ ରହିଛି । ସେହିଭଳି ଦେଶରେ ସୁସ୍ଥହାର ୯୦ ପ୍ରତିଶତ ରହିଛି ବୋଲି କେନ୍ଦ୍ର ସରକାରଙ୍କ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ମଧ୍ୟରେ ଦିଲ୍ଲୀ, ମହାରାଷ୍ଟ୍ର ସମେତ ଅନ୍ୟ କିଛି ରାଜ୍ୟରେ କରୋନା ସଂକ୍ରମଣ କମିବାରେ ଲାଗିଛି । ସେପଟେ କରୋନା ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାର କଂଟେନମେଂଟ ଜୋନ କଟକଣାକୁ କଡାକଡି ପାଳନ ପାଇଁ ରାଜ୍ୟ ସରକାରଙ୍କୁ ଚିଠି ଲେଖିଛନ୍ତି । ଜୁନ ୩୦ ଯାଏଁ ବଳବତର ରହିବ ଏହି କଟକଣା । ୧୦ ପ୍ରତିଶତରୁ ଅଧିକ ପଜିଟିଭିଟି ହାର ଥିବା ଜିଲ୍ଲାରେ କଂଟେନମେଂଟକୁ ଗୁରୁତ୍ୱ ଦେବାକୁ କହିଛନ୍ତି କେନ୍ଦ୍ର ସରକାର ।