କନକ ବ୍ୟୁରୋ: ଭାରତର ଦ୍ୱିତୀୟ ବୃହତମ ଅଶୋକ ସ୍ତମ୍ଭ । ବ୍ରହ୍ମପୁର ସହରର କାରିଗର ପ୍ରସ୍ତୁତ କରିଛନ୍ତି ଭାରତର ଦ୍ୱିତୀୟ ବୃହତମ ଅଶୋକ ସ୍ତମ୍ଭ । ଏହି ଅଶୋକ ସ୍ତମ୍ଭକୁ ଗୋଳାବନ୍ଧଠାରେ ଥିବା ଆର୍ମି ଏୟାର ଡିଫେନସ କଲେଜ ପରିସରରେ ସ୍ଥାପନ କରାଯିବାର କାର୍ଯ୍ୟକ୍ରମ ରହିଛି । ଆଗାମୀ ୧୦୦ ବର୍ଷ ପର୍ଯ୍ୟନ୍ତ ସୁରକ୍ଷା ଦେଇ ପାରୁଥିବା ଗ୍ଲାସ ଫାଇବରରେ ତିଆରି ଏହି ଅଶୋକ ସ୍ତମ୍ଭକୁ ବ୍ରହ୍ମପୁର ସହରର ଜଣାଶୁଣା କାରିଗର ରାଜ କୁମାର ବେହେରା ତାଙ୍କ ୧୦ଜଣ ସହଯୋଗୀଙ୍କ ସହ ୪୦ ଦିନରେ ପ୍ରସ୍ତୁତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଦିଲ୍ଲୀ ଠାରେ ଥିବା ଦେଶର ସର୍ବବୃହତ ଅଶୋକ ସ୍ଥମ୍ଭର ଉଚ୍ଚତା ୨୦ ଫୁଟ ରହିଥିବା ବେଳେ ରାଜକୁମାର ପ୍ରସ୍ତୁତ କରିଥିବା ଏହି ଅଶୋକ ସ୍ତମ୍ଭର ଉଚ୍ଚତା ୧୩ ଫୁଟ ରହିଛି । ୩ଲକ୍ଷ ଟଙ୍କା ବ୍ୟୟରେ ନିର୍ମିତ ଏହି ଅଶୋକ ସ୍ତମ୍ଭ ପ୍ରସ୍ତୁତ କରିବା ପାଇଁ ପ୍ରଥମେ ଦିଲ୍ଲୀରେ ଥିବା ଅଶୋକ ସ୍ତମ୍ଭର ନକଲ ପ୍ରତିମୂର୍ତି ତିଆରି କରାଯାଇଥିବା କାରିଗର କହିଛନ୍ତି । ଏଭଳି ଏକ ଅଶୋକ ସ୍ତମ୍ଭ ନିର୍ମାଣ କରି ରାଜକୁମାର ଓ ତାଙ୍କ ଟିମ୍ ଧନ୍ୟ ମନେକରୁଥିବା କରିଛନ୍ତି । ଗୋଳାବନ୍ଧଠାରେ ଥିବା ଆର୍ମି ଏୟାର ଡିଫେନସ୍ କଲେଜ ପରିସରରେ ଦେଶର ଏହି ଦ୍ୱିତୀୟ ବୃହତମ ଅଶୋକସ୍ଥମ୍ଭ ସ୍ଥାପନ କରାଯିବା ପରେ ଆଗାମୀ ଦିନରେ ମହାମହିିମ ରାଷ୍ଟ୍ରପତିଙ୍କ ଦ୍ୱାରା ଏହାର ଉନ୍ମୋଚନ କରାଯିବାର କାର୍ଯ୍ୟକ୍ରମ ରହିଛି ।