କିଏ ଏହି ହରିଶ ସାଲଭେ? ଯିଏ ନିଜର ଶାଣିତ ଯୁକ୍ତି ବଳରେ ପାକିସ୍ତାନକୁ ପିଆଇଲେ ପାଣି, ଅନ୍ତର୍ଜାତୀୟ ଅଦାଲତରେ ଭାରତକୁ ଦେଲେ ବଡ ବିଜୟ ।
ପାକିସ୍ତାନରେ ବନ୍ଦୀ ଜୀବନ କାଟୁଥିବା ଭାରତୀୟ ନାଗରିକ କୁଳଭୂଷଣଙ୍କୁ ଫାଶୀ ଦେଇ ପାରିବନି ପାକିସ୍ତାନ । ଅନ୍ତର୍ଜାତୀୟ କୋର୍ଟଙ୍କ ଏହି ନିର୍ଦ୍ଦେଶ ପରେ ଭାରତକୁ ମିଳିଛି ବଡ଼ କୁଟନୈତିକ ବିଜୟ ଏବଂ ଅନ୍ତର୍ଜାତୀୟ ଫୋରମରେ ପୁଣିଥରେ ପଦାରେ ପଡିଛି ପାକିସ୍ତାନ ଷଡଯନ୍ତ୍ର । ପ୍ରଥମେ ଫାଶୀ ଦଣ୍ଡକୁ ସ୍ଥଗିତ ରଖିବା ପରେ ଆଜି ଫାଶୀ ଦଣ୍ଡାଦେଶ ଉପରେ ରୋକ୍ ଲଗାଇଛନ୍ତି ଆଇସିଜେ । ରାୟର ପୁର୍ନବିଚାର କରିବାକୁ ପାକିସ୍ତାନକୁ କହିଛନ୍ତି ଅଦାଲତ । ରାୟର ପୁନଃବିଚାର ନ ହେବା ପର୍ଯ୍ୟନ୍ତ କୁଳଭୂଷଣଙ୍କୁ ଫାଶୀ ଦିଆଯାଇପାରିବ ନାହିଁ କହିଛନ୍ତି ଆଇସିଜେ । ଆଇନଗତ ସହାୟତା ଓ ଦୂତାବାସ ସହ ଯୋଗାଯୋଗର ସୁଯୋଗ ଦେବାକୁ ନିର୍ଦ୍ଦେଶ ଦେଇଛନ୍ତି ଅନ୍ତର୍ଜାତୀୟ ଅଦାଲତ ।
Kanak News is now on WhatsApp
Join and get latest news updates delivered to you via WhatsApp
ଆଇସିଜେର ୧୬ ଜଣ ବିଚାରପତିଙ୍କ ମଧ୍ୟରୁ ୧୫ ଜଣ ଭାରତ ସପକ୍ଷରେ ଯାଇଥିବା ବେଳେ ଜଣେ ବିଚାରପତି କେବଳ ପାକିସ୍ତାନ ସପକ୍ଷରେ ଯୁକ୍ତି ବାଢିଥିଲେ । ତେବେ ଅନ୍ତର୍ଜାତୀୟ କୋର୍ଟରେ ଭାରତର ଏହି ବିଜୟ ପଛର ମୁଖ୍ୟ ନାୟକ ସାଜିଛନ୍ତି ବରିଷ୍ଠ ଓକିଲ ହରିଶ ସାଲଭେ । ଅନ୍ତର୍ଜାତୀୟ କୋର୍ଟରେ ନିଜର ଶାଣିତ ଯୁକ୍ତି ବଳରେ ପାକିସ୍ତାନକୁ ପାଣି ପିଆଇଥିବା ଦେଶର ସବୁଠୁ ଦାମୀ ଓକିଲ ହରିଶ ସାଲଭେ କୁଳଭୂଷଣଙ୍କ ମାମଲା ଲଢିବା ପାଇଁ ମାତ୍ର ଏକ ଟଙ୍କା ଫିସ୍ ନେଇଥିଲେ । ଆଉ ଏକଥା ଖୋଦ୍ ପୂର୍ବତନ ବୈଦଶିକ ମନ୍ତ୍ରୀ ସୁଷମା ସ୍ୱରାଜ ଟ୍ୱିଟ୍ କରି ସୂଚନା ଦେବା ସହ ହରିଶଙ୍କୁ ଧନ୍ୟବାଦ ଜଣାଇଛନ୍ତି ।
Not fair. #HarishSalve has charged us Rs.1/- as his fee for this case. https://t.co/Eyl3vQScrs
— Sushma Swaraj (@SushmaSwaraj) May 15, 2017
ହରିଶ ସାଲଭେ ଭାରତର ଅଧିକ ପାରିଶ୍ରମିକ ନେଉଥିବା ଓକିଲଙ୍କ ମଧ୍ୟରୁ ଅନ୍ୟତମ । ଗୋଟିଏ ଦିନ ପାଇଁ ହରିଶ ୩୦ ଲକ୍ଷ ଟଙ୍କା ପର୍ଯ୍ୟନ୍ତ ପାରିଶ୍ରମିକ ନେଇଥାନ୍ତି । କିନ୍ତୁ କୁଳଭୂଷଣଙ୍କ କ୍ଷେତ୍ରରେ ମାତ୍ର ୧ ଟଙ୍କାରେ ପୂରା ମାମଲା ଲଢିଛନ୍ତି ହରିଶ । ଯେତେବେଳେ କି ପାକିସ୍ତାନ ଏହି ମାମଲାରେ ଲଢିବା ପାଇଁ ଓକିଲଙ୍କ ବାବଦକୁ ପ୍ରାୟ ୭ କୋଟି ଟଙ୍କା ଖର୍ଚ୍ଚ କରିଛି । କିନ୍ତୁ ହରିଶଙ୍କ ୧ ଟଙ୍କାର ଯୁକ୍ତି ଆଗରେ ଫିକା ପଡିଥିଲା ପାକିସ୍ତାନ ଓକିଲଙ୍କ ୭ କୋଟି ଟଙ୍କାର ଯୁକ୍ତି । ଆଉ ଏହାସହ ୧୩୦ କୋଟି ଭାରତୀୟଙ୍କର ବିଜୟ ହୋଇଥିଲା ।
ଏହାପୂର୍ବରୁ ୨୦୧୫ରେ ହିଟ୍ ଆଣ୍ଡ ରନ୍ କେସ ମାମଲାରେ ସଲମାନ ଖାନଙ୍କୁ ୫ ବର୍ଷର ଜେଲଦଣ୍ଡ ଶୁଣାଇଥିଲେ କୋର୍ଟ । ଏପରିକି କୋର୍ଟ ରୁମରୁ ଆର୍ଥର ରୋଡ ଜେଲକୁ ସଲମାନଙ୍କୁ ନିଆଯିବାକୁ ପ୍ରସ୍ତୁତି ଚାଲିଥିବା ବେଳେ ପହଞ୍ଚିଥିଲେ ହରିଶ । ଆଉ ସଲମାନଙ୍କ ପାଇଁ ପକ୍ଷ ରଖିବା ସହ ଜାମିନ କରାଇବାରେ ବଡ ଭୂମିକା ଗ୍ରହଣ କରିଥିଲେ । ସେହିଭଳି ଭୋଡାଫୋନ ଟ୍ୟାକ୍ସ ମାମଲା, ରିଲାଏନ୍ସ ଗ୍ୟାସ ବିବାଦରେ ମୁକେଶ ଅମ୍ବାନିଙ୍କ ପାଇଁ ମାମଲା ଲଢିଛନ୍ତି ହରିଶ ।